ລັດຖະມົນຕີຕ່າງປະເທດສະຫະລັດ ທ່ານນາງຮິລແລຣີ ຄລິນຕັນ ສະແດງຄວາມເປັນຫ່ວງ ຕໍ່ການມີອໍານາດຫລາຍຂຶ້ນນັບມື້ຂອງຝ່າຍທະຫານຢູ່ໃນອິຣ່ານ. ໃນການໃຫ້ສໍາພາດ ທີ່ມີການບັນທຶກພາບໄວ້ລ່ວງໜ້າ ສໍາລັບນໍາອອກອາກາດໃນສະຫະລັດ ໃນວັນອາທິດມື້ນີ້ ໃນ ລາຍການ “ອາທິດນີ້” ຂອງຊ່ອງ ABC ນັ້ນ ທ່ານນາງຄລິນຕັນກ່າວວ່າ ທ່ານນາງຫວັງວ່າ ຈະມີການພະຍາຍາມຢູ່ພາຍໃນອິຣ່ານ ໂດຍພວກພົນລະເຮືອນແລະຜູ້ນໍາສາສະໜາ ທີ່ມີ ຄວາມຮັບຜິດຊອບນັ້ນ ເພື່ອໃຫ້ເຂົ້າໃຈກ່ຽວກັບອັນທີ່ທ່ານນາງເອີ້ນວ່າ “ເຄຶ່ອງມືຂອງປະ ເທດ.”
ທ່ານນາງຄລິນຕັນກ່າວວ່າ ສະຫະລັດຕ້ອງການໃຫ້ອິຣ່ານ ກັບຄືນມາສູ່ການເຈລະຈາຫົກ ຝ່າຍກ່ຽວກັບໂຄງການນິວເຄລຍຂອງຕົນ ແລະອະນຸຍາດໃຫ້ມີການກວດກາໂຮງງານນີວ ເຄລຍຕ່າງໆຂອງຕົນຢ່າງເຕັມສ່ວນ. ໃນເວລາດຽວກັນນັ້ນ ໃນການສະແດງຄວາມເຫັນທີ່ ບັນທຶກໄວ້ລ່ວງໜ້າໃນລາຍການ ດຽວກັນນັ້ນ ປະທານາທິບໍດີອິຣ່ານ ທ່ານ Mahmoud Ahmadenijad ໄດ້ຂໍຮ້ອງໃຫ້ສະຫະລັດ ຕອບຮັບຕໍ່ການທີ່ອິຣ່ານໄດ້ປ່ອຍຕົວນັກເດີນປ່າ ຊາວອະເມລິກັນຄົນນຶ່ງເມື່ອໝໍ່ໆມານີ້ ໂດຍການປ່ອຍຕົວຊາວອິຣ່ານແປດຄົນ ທີ່ຖືກຈັບ ກຸມ ແລະກັກຂັງຢ່າງຜິດກົດໝາຍໃນສະຫະລັດຢູ່ໃນເວລານີ້ ເປັນການຕອບແທນກັນ.
