ອິນໂດເນເຊຍ ແລະສະຫະລັດ ໄດ້ລົງນາມໃນແຜນການປະຕິ
ບັດງານ ສະບັບນຶ່ງເພື່ອຂະຫຍາຍການຮ່ວມມືທາງທະຫານ
ແລະປັບປຸງຄວາມຕຽມພ້ອມທາງດ້ານປ້ອງກັນປະເທດຂອງ
ອິນໂດເນເຊຍໃຫ້ດີຂຶ້ນ.
ພິທິລົງນາມ ທີ່ມີຂຶ້ນຢູ່ກະຊວງປ້ອງກັນປະເທດ ທີ່ນະຄອນຫຼວງ
Jakarta ໃນວັນພຸດວານນີ້ ແມ່ນພາຍໃຕ້ການເປັນພະຍານຂອງ
ພົນໂທ Ediwan Prabowo ເລຂາທິການໃຫຍ່ຂອງກະຊວງປ້ອງ
ກັນປະເທດ ແລະທ່ານ Kristen Bauer ຮອງເອກອັກຄະລັດຖ
ະທູດສະຫະລັດປະຈຳອິນໂດເນເຊຍ.
ຫຼັງຈາກເສັດພິທີແລ້ວນາຍພົນ Prabowo ກ່າວວ່າ ແຜນການປະຕິບັດງານປີ 2015 ຈະຂະຫຍາຍອອກຢ່າງຫຼວງຫຼາຍ ໂຄງການລິເລີ້ມການປະຕິຮູບສະຖາບັນປ້ອງກັນປະເທດ ຂອງສະຫະລັດຫຼື DIRI ໃນອິນໂດເນເຊຍນັ້ນ.
ນາຍພົນ Probowo ກ່າວວ່າ “ມື້ນີ້ ພວກເຮົາເລີ້ມຕົ້ນ ຈັດຕັ້ງແຜນແມ່ ບົດສຳລັບປີ 2015. ຈຸດເພ່ງເລັງຂອງການຮ່ວມໄມ້ຮ່ວມມືກັນ ລະຫວ່າງ ກະຊວງປ້ອງກັນປະ
ເທດແລະ DIRI ບໍ່ແມ່ນຈະເປັນໂຄງການອັນດຽວ. ການຮ່ວມມືກັນຈະພົວພັນກັບ
ຍຸດທະສາດປ້ອງກັນຂອງຄະນະກຳມະການບໍລິຫານ ການວາງແຜນໃນການປ້ອງ
ກັນ ແລະຄວາມອາດສາ ມາດຂອງການປ້ອງກັນຂອງຕົນ.”
ທ່ານ Bauer ກ່າວວ່າ ການຮ່ວມມືດ້ານປ້ອງກັນປະເທດກັບອິນໂດເນເຊຍ ແມ່ນຄວາມໝັ້ນໝາຍ ໃນລະຍະຍາວສຳລັບສະຫະລັດ.
“ຄວາມສຳພັນຂອງພວກເຮົາ ສືບຕໍ່ຂະຫຍາຍໂຕແລະແຂງແຮງຂຶ້ນ ແລະຄວາມສຳພັນທາງດ້ານປ້ອງກັນປະເທດຂອງພວກເຮົາແມ່ນພາກສ່ວນທີ່ສຳຄັນອັນນຶ່ງ
ແລະກໍບໍ່ເຄີຍແຂງແຮງຂຶ້ນກວ່ານີ້ຈັກເທື່ອ. ໃນການແລກປ່ຽນກັນຫຼາຍກວ່າ 500
ຄັ້ງ ການຊ້ອມລົບຮວມກັນ ແລະການເຄື່ອນໄຫວອື່ນໆ ໃນປີແລ້ວນີ້ ແລະມີການ
ວາງແຜນໄວ້ຕື່ມອີກໃນປີນີ້ ພວກເຮົາມີຄວາມພາກພູມໃຈ ທີ່ໄດ້ເປັນຄູ່ພາຄີລະ
ດັບສູງສຸດຂອງອິນໂດເນເຊຍ ໃນການພົວພັນລະຫວ່າງກອງທັບກັບກອງທັບ."
ສະຫະລັດກ່າວວ່າ ພາລະກິດຂອງ DIRI ແມ່ນເປັນພາຄີກັບພວກປະເທດຕ່າງໆ ເພື່ອພັດທະນາການສ້າງຕັ້ງການປ້ອງກັນທີ່ມີປະສິດທິຜົນ ມີຄວາມຮັບຜິດຊອບ ແບບມືຊີບ
ແລະໂປ່ງໃສ.