ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ທ່ານ Leon Panetta ຢ້ຽມຢາມອິນໂດເນເຊຍ ເພື່ອໂອ້ລົມກັນເລື້ອງທະຫານ


ທ່ານ Leon Panetta ລັດຖະມົນຕີປ້ອງກັນປະເທດສະຫະລັດ ຈັບມືກັບ ທ່ານ Purnomo Yusgiantoro, ລັດຖະມົນຕີປ້ອງກັນປະເທດອິນໂດເນເຊຍ ທີ່ເກາະບາຫລີ, ອິນໂດເນເຊຍ.
ວັນທິ 23 ຕຸລາ 2011.
ທ່ານ Leon Panetta ລັດຖະມົນຕີປ້ອງກັນປະເທດສະຫະລັດ ຈັບມືກັບ ທ່ານ Purnomo Yusgiantoro, ລັດຖະມົນຕີປ້ອງກັນປະເທດອິນໂດເນເຊຍ ທີ່ເກາະບາຫລີ, ອິນໂດເນເຊຍ. ວັນທິ 23 ຕຸລາ 2011.

ທ່ານ Leon Panetta ລັດຖະມົນຕີ​ປ້ອງ​ກັນ​ປະ​ເທດ​ສະຫະລັດ​ກໍາລັງ​ຢູ່ທີ່​ເກາະຕາກ​ອາກາດ​ບາ​ຫລີ ​ເພື່ອ​ທໍາ​ການ​ໂອ້​ລົມ​ສົນທະນາ​ກັບຄູ່​ຕໍາ​ແໜ່​ງອິນ​ໂດ​ເນ​ເຊຍ ​ແລະກັບ​ພວກ​ລັດຖະມົນຕີ​ປ້ອງ​ກັນ​ຈາກປະ​ເທດ​ອື່ນໆ​ໃນ​ຂົງ​ເຂດ.

ບັນດາ​ເຈົ້າ​ໜ້ທີ່​ກ່າວ​ວ່າ ທ່ານ Panetta ​ແລະ​ລັດຖະມົນຕີ​ປ້ອງ​ກັນ​ປະ​ເທດ​ອິນ​ໂດ​ເນ​ເຊຍ ທ່ານ Purnomo Yusgiantoro ຈະ​ທໍາ​ການ​ໂອ້​ລົມ​ສົນທະນາ​ກັນ​ເລື້ອງ​ສາຍ​ພົວພັນ​ທາງ​ທະຫານ ​ທີ່​ກໍາລັງ​ເຕີບ​ໂຕ​ຂຶ້ນ​ລະຫວ່າງ​ສອງ​ປະ​ເທດ ຕະຫຼອດທັງ​ເລື້ອງ​ການ​ປະຕິ​ຮູບ​ຕ່າງໆ​ໃນ​ດ້ານ​ສິດທິ​ມະນຸດ​ໃນ​ກອງທັບ​ອິນ​ໂດ​ເນ​ເຊຍ​ນັ້ນ.

ໃນ​ຊຸມ​ປີ 1990 ລັດຖະບານ​ວໍ​ຊິງ​ຕັນ​ໄດ້​ຕັດ​ສາຍ​ພົວພັນ​ດ້ານ​ທະຫານ​ ກັບ​ລັດຖະບານຈາ​ກາ​ຕາ​ມາ​ ​ເປັນ​ເວລາດົນ​ກວ່າ 1 ທົດ​ສະ​ວັດ​ ຍ້ອນການລະ​ເມີດ​ສິດທິ​ມະນຸດໂດຍ​ໜ່ວຍ​ Kopassus ຫຼືໜ່ວຍ​ລົບ​ພິ​ເສດຂອງ​ອິນ​ໂດ​ເນ​ເຊຍ​ນັ້ນ.

ໃນ​ຂະນະ​ທີ່​ຢູ່ໃນອິນ​ໂດ​ເນ​ເຊຍ​ ທ່ານ Panetta ຈະ​ກ່າວຄໍາ​ປາ​ໄສ​ຕໍ່​ພວກ​ລັດຖະມົນຕີ​ປ້ອງ​ກັນ​ປະ​ເທດ​ໃນ​ພາກ​ພື້ນ ​ກ່ຽວ​ກັບ​ເລື້ອງ​ຄວາມ​ເຂັ້ມ​ແຂງທາງ​ທະຫານ​ຂອງ​ຈີນ​ທີ່​ກໍາ​ລັງເຕີບ​ໃຫຍ່ຂຶ້ນ​ນັບ​ມື້ ຕະຫຼອດ​ທັງ​ເລື້ອງ​ໂຄງການ​ນີວ​ເຄລຍຂອງ​ເກົາຫລີ​ເໜືອ​ແລະ​ເລື້ອງ​ອື່ນໆ​ອີກ. ນອກ​ນັ້ນ ​ທ່ານ​ຍັງ​ຈະເດີນທາງ​ໄປ​ຢ້ຽມຢາມ​ຍີ່ປຸ່ນ​ແລະ​ເກົາຫລີ​ໃຕ້​ເຊ່ນ​ກັນ.

XS
SM
MD
LG