ທ່ານ Panetta ພົບປະກັບ ຄູ່ຕຳແໜ່ງ ຝ່າຍອິນເດຍ

ທໍານຽບຫ້າ​ແຈ​ ກ່າວ​ວ່າ ລັດຖະມົນຕີ​ປ້ອງ​ກັນ​ປ​ະ​ເທດສະຫະລັດ ທ່ານ Leon
Panetta ​ໄດ້​ປະຊຸມ​ແບບ​ໃຫ້​ດອກ​ອອກ​ຜົນກັບ​ຄູ່​ຕໍາ​ແໜ່​ງຝ່າຍ​ອິນ​ເດຍ ກ່ອນ​
ໜ້າການ​ກ່າວ​ຄໍາ​ປາໄສ​ກ່ຽວ​ກັບ​ນະ​ໂຍບາຍ​ຄວາມສໍ​າພັນດ້ານປ້ອງ​ກັນ​ປ​ະ​ເທດ ລະຫວ່າງສະຫະລັດກັບອິນ​ເດຍ.

ກ່ອນ​ການເຈລະຈາ​ຫາລື​ກັນ​ທີ່​ກຸງ​ນີວ​ແດນ​ລີ ​ໃນ​ວັນ​ພຸດມື້ນີ້ ທໍານຽບຫ້າ​ແຈ​ກ່າວ
​ວ່າ ທ່ານ Panetta ​ແລະ​ລັດຖະ​ມົນ​ຕີ​ປ້ອງ​ກັນ​ປະ​ເທດ​ອີນ​ເດຍ ທ່ານ A.K. Anthony
ຈະ​ສົນທະນາ​ກັນ​ກ່ຽວ​ກັບການ​ເສີມ​ຂະຫຍາຍ​ຄວາມຮ່ວມ​ມືທາງ​ດ້ານ​ທະຫານລະ
ຫວ່າງ​ສອງ​ປະ​ເທດ. ລັດຖະມົນຕີ​ປ້ອງ​ກັນ​ປະ​ເທດສະຫະລັດຍັງໄດ້ໄປ​ຮ່ວມ ​ໃນພິ
ທີວາງ​ດອກ​ພວງມາລາທີ່ອະ​ນຸສາ​ວາລີລະ​ນຶກ​ເຖິງ​ພວກ​ເສຍ​ຊີວິດ ​ໃນ​ສະ​ໄໝ​ສົງ
ຄາມຂອງ​ອິນ​ເດຍ ​ແລະ​ໄດ້​ຖືກ​ຕ້ອນຮັບ​ຈາກ​ທະຫານ​ກອງ​ກຽດຕິ​ຍົດ.

ທ່ານ Panetta ​ໄດ້​ມ້ວນທ້າຍການຢ້ຽມຢາມ​ອິນ​ເດຍ​ເປັນ​ເວລາ​ສອງ​ມື້ ​ໃນ​ລະ ຫວ່າງ
ທີ່ທ່ານ​ໄດ້​ສົນທະນາຫາລື​ ກ່ຽວ​ກັບ​ເລື່ອງ​ຄວາມ​ໝັ້ນຄົງ​ຢູ່​ໃນ​ຂົງ​ເຂດ​ກັບ​ບັນດາ​ເຈົ້າ​
ໜ້າ​ທີ່​ຂອງ​ອີນ​ເດຍ. ​ໂຄສົກ​ກະຊວງ​ປ້ອງ​ກັນ​ປະ​ເທດສະຫະລັດຮ້ອຍ​ເອກ John
Kirby ​ກ່າວ​ກ່ຽວ​ກັບ​ການ​ສົນ​ທະ​ນາ​ນີ້ວ່າ ​ຄວາມ​ໝັ້ນຄົງ​ຢູ່​ໃນ​ອັຟ ກາ​ນິສຖານແມ່ນ
ມີ​ຄວາມ​ກ່ຽວຂ້ອງ​ຢ່າງ​ໃກ້ຊິດ​ກັບ​ຄວາມສໍາພັນ​ຂອງສະຫະລັດ ​ແລະ​ປາ​ກິ​ສຖານ ​
ພ້ອມ​ທັງ​ບັນດາ​ປະ​ເທດ​ອື່ນໆ​ຢູ່ໃນ​ຂົງ​ເຂດ ​ແລະວ່າອິນ​ເດຍ​ໄດ້ ປະຕິບັດ​ຕາມ​ພັນ​
ຄວາມ​ຮັບຜິດຊອບ​ຂອງ​ຕົນ.

ອີນ​ເດຍ​ໄດ້​ໃຫ້ການ​ຊ່ວຍ​ເຫລືອ​ແກ່ອັຟກາ​ນິສຖານ 2 ພັນ​ລ້ານ​ໂດ​ລາ ​ແລະ​ໃນ​ເດືອນ
​ຕຸລາທີ່​ຜ່ານ​ມາ​ນີ້ທັງ​ສອງ​ປະ​ເທດໄດ້​ລົງ​ນາມ​ໃນ​ຂໍ້​ຕົກລົງ​ຍຸດ​ທະ​ສາດທີ່​ໃຫ້ ຄຳ​ໝັ້ນ​ສັນ
ຍາ​ວ່າ ຈະ​ເສີມ​ຂະ​ຫຍາ​ຍຄວາມ​ສຳພັນດ້ານ​ຄວາມ​ໝັ້ນຄົງ ແລະເສດ ຖະກິດ​ໃຫ້​ລົງ​ເລິກ​
ກວ່າ​ເກົ່າ. ອິນ​ເດຍ ໄດ້​ໃຫ້ການ​ຊ່ວຍ​ເຫລືອ​ ແກ່ກຳລັງ​ຮັກສາ ຄວາມ​ສະຫງົບ​ຂອງ
ອັຟກາ​ນິສຖານ ​ເພື່ອ​ຕຽມຮັບ​ມື​ກັບ​ການຖອນ​ກໍາລັງ​ທະຫານ​ນາໆ​ຊາດ ທີ່​ຈະ​ສີ້​ນສຸດ​
ລົງ ໃນ​ທ້າຍ​ປີ 2014 ທີ່ຈະ​ມາ​ເຖິງ​ນີ້.