ປະທານາທິບໍດີບາຣັກ ໂອບາມາ ແລະທ່ານມັນໂມຫັນ ສິງ ນາຍົກ ລັດຖະມຸນຕີອິນເດຍ
ກໍາລັງຊອກຫາທາງກໍາຈັດຄວາມເປັນຫ່ວງຕ່າງໆໃຫ້ໝົດໄປ ກ່ຽວກັບວ່າ ຂໍ້ຕົກລົງການ
ຄ້າໃໝ່ຈໍານວນນຶ່ງຈະນໍາຜົນປະໂຫຍດ ມາໃຫ້ປະເທດນຶ່ງ ຫລາຍກ່ວາອີກປະເທດນຶ່ງນັ້ນ.
ສະຫະລັດໄດ້ປະກາດຂໍ້ຕົກລົງການຄ້າຫລາຍສະບັບໄປແລ້ວ ຊຶ່ງຕົກເປັນມູນຄ່າປະມານ 10
ຕື້ດອນລາ ສໍາລັບພວກສົ່ງອອກສິນຄ້າຂອງສະຫະລັດນັ້ນ ແຕ່ທັງທ່ານໂອບາມາແລະທ່ານ
ສິງຕ່າງເວົ້າວ່າ ຂໍ້ຕົກລົງການຄ້າໃໝ່ນີ້ ຈະນໍາຜົນປະໂຫຍດມາໃຫ້ທັງສອງຝ່າຍ ຕະຫລອດ
ທັງຊ່ອຍເຫລືອເປົ້າໝາຍ ໃນການເຮັດໃຫ້ການຄ້າໂລກ ມີຄວາມສົມດູນຄືນອີກດ້ວຍ.
ທ່ານສິງຍັງກ່າວຕື່ມວ່າ ຂໍ້ຕົກລົງການຄ້າໃໝ່ນີ້ ແມ່ນສໍາຄັນຕໍ່ການຮັກສາອັດຕາການເຕີບ
ໂຕຂອງເສດຖະກິດຂອງອິນເດຍ ແລະດຶງປະຊາ ຊົນອິນເດຍຫລາຍໆຄົນອອກຈາກຄວາມ
ທຸກຈົນນໍາດ້ວຍ ແລະທ່ານສິງຍັງໄດ້ກ່າວປ້ອງກັນອິນເດຍ ຕໍ່ຂໍ້ກ່າວຫາຕ່າງໆທີ່ວ່າການ
ເຕີບໂຕດ້ານເສດຖະກິດຂອງອິນເດຍ ມີຂຶ້ນບົນຄວາມເສຍຫາຍຂອງສະຫະລັດ ຍ້ອນວ່າ
ພວກບໍລິສັດອາເມຣິກັນໄດ້ພາກັນສົ່ງວຽກຂອງຕົນ ອອກໄປເຮັດຢູ່ຕ່າງປະເທດ ໂດຍສະ
ເພາະແລ້ວ ກໍແມ່ນອິນເດຍ ຍ້ອນຄ່າແຮງງານຖືກກ່ວານັ້ນ ຊຶ່ງທ່ານໄດ້ກ່າວຕໍ່ບັນດານັກ
ຂ່າວວ່າ ອິນເດຍບໍ່ຢູ່ໃນທຸລະກິດ ທີ່ຈະລັກວຽກການຂອງຄົນອື່ນມາເຮັດ.
ໃນກອງປະຊຸມຖະແຫລງຂ່າວຮ່ວມກັນທີ່ກຸງນີວເດລີໃນວັນຈັນມື້ນີ້ ພວກຜູ້ນໍາທັງສອງຍັງ
ໄດ້ກ່າວເຖິງການຂະຫຍາຍການຮ່ວມໄມ້ຮ່ວມມືກັນ ໃນດ້ານການພັດທະນາພະລັງງານ
ສະອາດ ແລະການສຶກສາລະດັບສູງນໍາ.
