ທ່ານນາງຮີນລາຣີ ຄລິນຕັນ ລັດຖະມົນຕີການຕ່າງປະເທດສະຫະລັດກ່າວວ່າ ປາກິສຖານຈໍາເປັນຕ້ອງທໍາການເຄື່ອນໄຫວຕໍ່ຕ້ານຜູ້ກໍ່ຕັ້ງກຸ່ມກໍ່ການຮ້າຍທີ່ຖືກກ່າວຫາວ່າທໍາການໂຈມຕີຫຼາຍບັ້ນໃນອິນເດຍນັ້ນ.
ໃນການກ່າວຖ້ອຍຖະແຫຼງເຊ່ນນີ້ໃນໂຮງການເມືອງໃນວັນຈັນມື້ນີ້ທີ່ເມືອງ Kolkata ທ່ານ
ນາງຄລິນຕັນກ່າວວ່າ ປາກິສຖານບໍ່ໄດ້ທໍາການເຄື່ອນໄຫວຕາມຄໍາຮຽກຮ້ອງຂອງສະຫະ
ລັດແລະອິນເດຍເພື່ອຈັບກຸມ ຫຼືດໍາເນີນຄະດີນາຍ Hafiz Mohammad Saeed ຊຶ່ງຜູ້
ກ່ຽວເປັນຜູ້ກໍ່ຕັ້ງກຸ່ມ Lashkar e-Taiba ທີ່ມີຖານປະຕິບັດງານຢູ່ໃນປາກິສຖານ ຊຶ່ງຖືກ
ກ່າວຫາວ່າ ທໍາການວາງແຜນໂຈມຕີແບບກໍ່ການຮ້າຍໃນປີ 2008 ໃນນະຄອບບອມໃບ ທີ່
ໄດ້ສັງຫານຜູ້ຄົນ166 ຄົນຮວມທັງຄົນອາເມຣິກັນ 6 ຄົນນນັ້ນ.
ທ່ານນາງຄລິນຕັນກ່າວວ່າ ສະຫະລັດເຊື່ອວ່ານາຍ Ayman al-Zawahiri ຫົວໜ້າກຸ່ມ
ອານ ກາອິດາ ຢູ່ໃນປາກິສຖານເຊ່ນກັນ. ຫົວໜ້ານັກການທູດສະຫະລັດທ່ານນີ້ ໄດ້ຮຽກ
ຮ້ອງໃຫ້ອິນເດຍຕັດການສົ່ງເຂົ້ານໍ້າມັນຂອງຕົນຕື່ມອີກຈາກອີຣ່ານ ໃນຖານະເປັນພາກ
ສ່ວນນຶ່ງຂອງການປຸກລະດົມສືບຕໍ່ໄປເພື່ອກົດດັນກຸງເຕຫະຣ່ານ ກ່ຽວກັບໂຄງການນີວ
ເຄລຍຂອງຕົນທີ່ເປັນບັນຫາໂຕ້ແຍ່ງກັນນັ້ນ.
ທ່ານນາງຄລິນຕັນ ໄດ້ກ່າວຍ້ອງຍໍອິນເດຍສໍາລັບການຫລຸດຜ່ອນລົງໃນການຊື້ນໍ້າມັນຈາກ
ອີຣ່ານທີ່ອິນເດຍໄດ້ເຮັດມາແລ້ວນັ້ນ ແຕ່ກ່າວວ່າ ມີນໍ້າມັນພຽງພໍຈາກຕະຫຼາດອື່ນໆສໍາລັບ
ທໍາການຕັດການນໍາເຂົ້ານໍ້າມັນຕື່ມອີກນັ້ນ.
ອິນເດຍຕ້ອງການພະລັງງານຢ່າງຫຼວງຫຼາຍຈາກການເຕີບໂຕຂຶ້ນຢາງໄວ ແລະໄດ້ທໍາການ
ຕໍາໜິຕິຕຽນກົດໝາຍຂອງສະຫະລັດມາທີ່ວາງການລົງໂທດຕໍ່ພວກທະນາຄານຈາກປະເທດ
ຕ່າງໆທີ່ຊື້ນໍ້າມັນຂອງອີຣ່ານນັ້ນ.