ຊາວອະເມຣິກັນໄດ້ສະເຫຼີມສະຫຼອງວັນເອກກະລາດໃນວັນຈັນວານນີ້ຄົບຮອບ 235 ປີ ທີ່
ບັນດາຜູ້ກໍ່ຕັ້ງສະຫະລັດໄດ້ປະກາດເອກກະລາດຢ່າງເປັນທາງການຈາກປະເທດອັງກິດນັ້ນ.
ວັນດັ່ງກ່າວຊຶ່ງເປັນວັນທີ່ທຸກໆຄົນຮູ້ຈັກກັນໃນນາມວັນທີ 4 ກໍລະກົດນັ້ນຊາວອະເມຣິກັນ
ມ່ວນຊື່ນສະນຸກສະໜານ ຊົມການເດີນສວນສະໜາມ ຈູດບັ້ງໄປດອກ, ກິນເຂົ້າປ່າປິກນິກ,
ຫຼິ້ນການກີລາ, ແລະໄປເບິ່ງການສະແດງດົນຕີຕ່າງໆ. ໃນການເອ້ຍ້ອງເນື່ອງໃນວັນສະຫຼອງ
ວັນທີ 4 ກໍລະກົດດັ່ງກ່າວນີ້ຈະມີການໃຊ້ສີແດງ, ຂາວແລະຟ້າ ຊຶ່ງເປັນສັນຍາລັກຂອງທຸງ
ຊາດອາເມຣິກາ.
ການຈູດບັ້ງໄຟດອກທີ່ຈັດກັນມາເປັນປະເພນີນັ້ນໄດ້ຮຸ່ງກະຈາຍເຕັມທ້ອງຟ້າທັງຫົວເມືອງ
ນ້ອຍ ຮວມທັງ New York ແລະ Philadelphia ບ່ອນທີ່ຄຳປະກາດເອກກະ ສ່ວນທີ່
ກຸງ Washington ນະຄອນຫຼວງຂອງສະຫະລັດນັ້ນ. ຜູ້ຄົນຈໍານວນນັບເປັນພັນໆຄົນ
ໄດ້ໄປເຕົ້າໂຮມກັນທີ່ເດີນສະໝາມຫຼວງທີ່ເອີ້ນກັນວ່າ National Mall ເພື່ອຊົມການຈູດ
ບັ້ງໄຟດອກປະຈຳປີແລະການສະແດງດົນຕີ ທີ່ປະກອບສ່ວນໂດຍເຫຼົ່າດາຣາແລະພວກນັກ
ຮ້ອງຊື່ດັງທັງຫຼາຍ.
ໄດ້ມີ 100 ຄົນທີ່ໂອນສັນຊາດເປັນປະຊາຊົນອະເມຣິກັນ ໄດ້ເຂົ້າຮ່ວມພິທີສາບານຕົນທີ່
Mount Vernon ໃນລັດ Viginir ໃກ້ໆກັບນະຄອນຫຼວງ Washington ຊຶ່ງເປັນເຮືອນ
ຂອງທ່ານ George Washington ປະທານາທິບໍດີຄົນທໍາອິດຂອງສະຫະລັດ. ທ່ານ ບາ
ຣັກ ໂອບາມາ ປະທານາທິບໍດີຄົນປະຈຸບັນກໍໄດ້ເປັນເຈົ້າພາບຈັດລ້ຽງອາຫານຄໍ່າແບບ BBQ
ໃຫ້ກັບພວກທະຫານທີ່ຮັບໃຊ້ຊາດແລະຄອບຄົວຢູ່ທໍານຽບຂາວ
