ປະທານາທິບໍດີ ສະຫະລັດ ທ່ານ Barack Obama ໄດ້ເຊັນ
ຮ່າງກົດໝາຍ ການລົງໂທດຄັ້ງໃໝ່ຕໍ່ເກົາຫລີເໜືອ ເພື່ອເປັນ
ການຕອບໂຕ້ຕໍ່ການທີ່ພຽງຢາງໄດ້ທຳການທົດລອງນິວເຄລຍ
ແລະຍິງລູກສອນໄຟ.
ຮ່າງກົດໝາຍນີ້ໄດ້ຮຽກຮ້ອງໃຫ້ທຳການລົງໂທດຕໍ່ບຸກຄົນໃດກໍ
ຕາມທີ່ໃຫ້ການຊ່ວຍເຫລືອຕໍ່ໂຄງການນິວເຄລຍແລະລູກສອນ
ໄຟຂອງພຽງຢາງ ການໂຈມຕີທາງອິນເຕີແນັດ ແລະການລ່ວງ
ລະເມີດສິດທິມະນຸດຂອງເກົາຫຼີເໜືອ.
ການຂະຫຍາຍລົງໂທດ ແມ່ນແນໃສ່ເພື່ອປະຕິເສດບໍ່ໃຫ້ເກົາ
ຫລີເໜືອໄດ້ຮັບ ເງິນທີ່ຕົນຕ້ອງການ ເພື່ອນຳໄປໃຊ້ພັດທະນາຫົວລະເບີດນິວເຄລຍ ໃຫ້ມີ
ຂະໜາດນ້ອຍລົງແລະລູກສອນໄຟໄລຍະໄກທີ່ຕົນຕ້ອງການເພື່ອຍິງຫົວລະເບີດເຫຼົ່ານັ້ນ.
ມາດຕະການດັງກ່າວຍັງໄດ້ອະນຸມັດເງິນ 50 ລ້ານໂດລາ ໃນໄລຍະຫ້າປີຕໍ່ໜ້າ ເພື່ອອອກ
ອາກາດທາງວິທະຍຸໄປຍັງເກົາຫລີເໜືອແລະສະນັບສະໜູນໂຄງການຊ່ວຍເຫລືອດ້ານມະ
ນຸດສະທຳຕ່າງໆ.
ໃນຂະນະດຽວກັນ ໃນການເຄື່ອນໄຫວອີກດ້ານນຶ່ງນັ້ນທີ່ມີທ່າທາງວ່າຈະກໍ່ໃຫ້ເກີດຄວາມ
ຄັ່ງຕຶງກັບພຽງຢາງ ລັດຖະມົນຕີປ້ອງກັນປະເທດ ເກົາຫລີໃຕ້ ທ່ານ Han Min-koo ກ່າວ
ໃນວັນພະຫັດວານນີ້ວ່າທະຫານອາເມຣິກັນປະມານ 15,000 ຄົນຈະເຂົ້າຮ່ວມຢູ່ໃນການ
ຊ້ອມລົບປະຈຳປີ Key Resolve ແລະ Foal Eagel ທີ່ຈະເລີ້ມຂຶ້ນ ໃນເດືອນໜ້ານີ້ ຊຶ່ງ
ເພີ້ມຂຶ້ນເປັນສອງເທົ່າຂອງໂຕ ປີແລ້ວນີ້.
ການເພີ້ມຈຳນວນທະຫານອາເມຣິກັນດັ່ງກ່າວຈະເຮັດໃຫ້ເປັນການຊ້ອມລົບຮ່ວມ ທາງ
ທະຫານທີ່ໃຫຍ່ທີ່ສຸດ ແບບບໍ່ເຄີຍມີມາກ່ອນ. ເກົາຫລີເໜືອໄດ້ກ່າວອ້າງຊໍ້າແລ້ວຊໍ້າອີກ
ວ່າ ການຊ້ອມລົບເຫຼົ່ານີ້ ແມ່ນການກຽມເພື່ອບຸກລຸກເຂົ້າໄປໃນເກົາຫຼີເໜືອ.
