ລິ້ງ ສຳຫລັບເຂົ້າຫາ

ວັນຈັນ, ໑໗ ກຸມພາ ໒໐໒໕

ສະຫະລັດ ກໍານົດມາດຕະການຄວບຄຸມການສົ່ງອອກອຸປະກອນ ໄບໂອເທັກ ເນື່ອງຈາກຄວາມກັງວົນດ້ານຄວາມປອດໄພຂອງ AI


ແຟ້ມຮູບ-ພະນັກງານ ກໍາລັງກວດສອບຄຸນນະພາບຂອງບໍລິສັດຜູ້ຜະລິດວັກຊີນ Sinovac Biotech ຂອງຈີນໃນນະຄອນຫຼວງປັກກິ່ງ, ວັນທີ 24 ກັນຍາ 2020. ສະຫະລັດ ອອກມາປະກາດການຄວຍຄຸມການສົ່ງອອກໃໝ່ສໍາລັບອຸປະກອນເທັກໂນໂລຈີຊີວະພາບບາງປະເພດ ໂດຍລະບຸວ່າ ຈີນ ອາດນໍາໄປໃຊ້ໃນທາງການທະຫານໄດ້.
ແຟ້ມຮູບ-ພະນັກງານ ກໍາລັງກວດສອບຄຸນນະພາບຂອງບໍລິສັດຜູ້ຜະລິດວັກຊີນ Sinovac Biotech ຂອງຈີນໃນນະຄອນຫຼວງປັກກິ່ງ, ວັນທີ 24 ກັນຍາ 2020. ສະຫະລັດ ອອກມາປະກາດການຄວຍຄຸມການສົ່ງອອກໃໝ່ສໍາລັບອຸປະກອນເທັກໂນໂລຈີຊີວະພາບບາງປະເພດ ໂດຍລະບຸວ່າ ຈີນ ອາດນໍາໄປໃຊ້ໃນທາງການທະຫານໄດ້.

ໃນວັນພຸດວານນີ້ ກະຊວງ​ການ​ຄ້າ​ສະຫະລັດ ​ໄດ້​ອອກມາປະກາດ​ວ່າ ຕົນ​ຈະ​ປະຕິບັດ​ການ​ຄວບ​ຄຸມ​ການ​ສົ່ງ​ອອກອັນ​ໃໝ່ ກ່ຽວ​ກັບ​ອຸປະກອນ​ເທັກ​ໂນ​ໂລ​ຈີ​ຊີວະ​ພາບ​ບາງ​ປະເພດ, ​ໂດຍ​ອ້າງເຖິງ​ຄວາມ​ກັງວົນ​ດ້ານ​ຄວາມໝັ້ນຄົງ​ແຫ່ງ​ຊາດກ່ຽວ​ກັບ​ປັນຍາ​ປະດິດ (AI) ​ແລະຂໍ້ມູນດ້ານ​ວິທະຍາສາດ​.

ກະຊວງ​ການ​ຄ້າເຕືອນ​ວ່າ ຈີນ ​ສາມາດ​ນຳ​ໃຊ້ອຸປະກອນເທັກໂນໂລຈີ​ຊີວະ​ພາບ ​ເພື່ອ​ເສີມ​ຂະຫຍາຍ​ຄວາມ​ສາມາດ​ດ້ານ​ການ​ທະຫານ​ຂອງ​ພວກເຂົາ ​ແລະຊ່ວຍ​ອອກ​ແບບ​ອາວຸດອັນ​ໃໝ່ ​ໂດຍ​ການ​ນຳ​ໃຊ້​ປັນຍາ​ປະດິດ.

ກະຊວງການຄ້າກ່າວວ່າ ເທັກໂນໂລຈີດ້ານນີ້ ສາມາດນໍາໄປໃຊ້ໄດ້ຫຼາຍປະເພດ, ລວມທັງຄວາມສາມາດໃນການນໍາໃຊ້ເພື່ອ “ການເພີ້ມປະສິດທິພາບຂອງມວນມະນຸດ, ການປະສານງານຂອງ ສະໝອງ ແລະເຄື່ອງຈັກ, ວັດສະດຸສັງເຄາະທີ່ໄດ້ຮັບແຮງບັນດານໃຈຈາກເທັກໂນໂລຈີຊີວະພາບ, ແລະອາດນໍາໄປສູ່ດ້ານອາວຸດຊີວະພາບນໍາອີກດ້ວຍ.”

ມາດຕະການ​ລົງ​ໂທດ ​ໄດ້​ຈຳກັດ​ການ​ສົ່ງ​ເທັກ​ໂນ​ໂລ​ຈີຊີວະພາບ​ໄປ​ຍັງ​ປະ​ເທດ​ທີ່​ບໍ່​ມີ​ໃບ​ອະ​ນຸ​ຍາດ​ຈາກ ​ສະ​ຫະ​ລັດ ເຊັ່ນ ປະເທດ​ຈີນ.

ການຄວບຄຸມນີ້ໃຊ້ກັບ ເຄື່ອງວັດກະແສໄຟຟ້າ (cytometers) ສໍາລັບການໄຫຼຂອງພາລາມິເຕີ ແລະອຸປະກອນການວັດຂະໜາດໃຫຍ່, ໂດຍອີງຕາມພະແນກການຄ້າ ພວກເຂົາສາມາດ “ສ້າງຂໍ້ມູນດ້ານຊີວະພາບທີ່ມີຄຸນນະພາບສູງ, ແລະມີເນື້ອໃນສູງ, ລວມທັງຂໍ້ມູນທີ່ເໝາະສົມສໍາລັບການນໍາໃຊ້ເພື່ອອໍານວຍຄວາມສະດວກໃນການພັດທະນາ AI ແລະເຄື່ອງມືການອອກແບບທາງຊີວະພາບ.”

ໃນອາທິດທີ່ຜ່ານມາ, ສະຖານທູດ​ຈີນ​ປະຈຳ​ວໍ​ຊິງ​ຕັນ​ກ່າວ​ວ່າ ປັກ​ກິ່ງ “ຢືນຢັນຄັດຄ້ານ​ຢ່າງ​ໜັກແໜ້ນ​ຕໍ່​ການ​ພັດທະນາ, ການ​ຄອບ​ຄອງ ຫຼື ​ການ​ນຳ​ໃຊ້​ອາວຸດ​ຊີວະ​ພາບ​ຂອງ​ປະ​ເທດ​ໃດ​ນຶ່ງ.”

ການ​ເຄື່ອນ​ໄຫວ​ຫຼ້າ​ສຸດ​ຂອງ​ສະຫະລັດ ​ແມ່ນດໍາເນີນຕາມ​ການ​ຕັດສິນ​ໃຈ​ດ້ານ​ນະ​ໂຍບາຍ​ເມື່ອ​ໄວໆ​ມາ​ນີ້ ທີ່​ສະທ້ອນ​ເຖິງ​ຈຸດປະສົງ​ອັນ​ກວ້າງ​ຂວາງ​ຂອງ​ວໍ​ຊິງ​ຕັນໃນການ​ຈຳກັດ​ການ​ເຂົ້າ​ເຖິງດ້ານ​ເທັກ​ໂນ​ໂລ​ຈີ ​ແລະຂໍ້​ມູນຕ່າງໆ​ຂອງ ສະຫະລັດ ຈາກ ​ປັກ​ກິ່ງ.

ວໍຊິງຕັນ ປະກາດໃນວັນຈັນແລ້ວນີ້ວ່າ ຕົນຈະເຂັ້ມງວດໃນການເຂົ້າເຖິງການສົ່ງອອກຊິບ AI ແລະເທັກໂນໂລຈີ ໂດຍ ປັກກິ່ງ, ເຊິ່ງຈະປະຕິບັດກົດລະບຽບອັນໃໝ່, ໂດຍຈຳກັດຈຳນວນຊິບທີ່ສາມາດສົ່ງອອກໄປຍັງບາງປະເທດເທົ່ານັ້ນ ລວມມີ ຈີນ, ຣັດເຊຍ, ອີຣ່ານ ແລະ ເກົາຫຼີເໜືອ.

ໃນເດືອນນີ້, ແຜນການເກືອດຫ້າມສື່ສັງຄົມຍອດນິຍົມ TikTok ຂອງຈີນ ຈະເລີ້ມມີຜົນບັງຄັບໃຊ້, ເນື່ອງຈາກ ສະຫະລັດ ສະແດງຄວາມກັງວົນກ່ຽວກັບຄວາມສ່ຽງໃນການແບ່ງປັນຂໍ້ມູນທີ່ມີຄວາມລະອຽດອ່ອນກັບລັດຖະບານ ຈີນ.

ອ່ານຂ່າວນີ້ເປັນພາສາອັງກິດ

ຟໍຣັມສະແດງຄວາມຄິດເຫັນ

XS
SM
MD
LG