ຕໍາຫລວດຢູ່ລັດເທັກຊັສ
ທາງຕາເວັນຕົກສຽງໃຕ້
ຂອງສະຫະລັດເວົ້າວ່າ ມີ
11 ຄົນເສຍຊີວິດ ແລະອີກ
12 ຄົນໄດ້ຮັບບາດເຈັບ
ລຸນຫລັງທີ່ລົດກະບະທີ່
ບັນຈຸຄົນຢ່າງແໜ້ນອັດ
ແລ່ນໄປຕໍາກົກໄມ້ຕົ້ນນຶ່ງ
ຢູ່ແຄມທາງດ່ວນໃນເຂດ
ຊົນນະບົດແຫ່ງນຶ່ງ.
ພວກເຈົ້າໜ້າທີ່ ທີ່ກໍາລັງ
ສືບສວນອຸປະຕິເຫດລົດ
ດັ່ງກ່າວ ທີ່ເກີດຂຶ້ນຢູ່ໃກ້
ເມືອງ Belclair ຫ່າງຈາກ
ເມືອງ Antonio ປະມານ
130 ກິໂລແມັດ ໄປທາງທິດໃຕ້ນັ້ນເວົ້າວ່າ ພວກເຂົາເຈົ້າຍັງບໍ່ທັນຮູ້ເທື່ອວ່າ ພວກໄດ້ຮັບ ເຄາະຮ້າຍ ເປັນພວກຄົນເຂົ້າເມືອງທີ່ຜິດກົດໝາຍ ຫລືບໍ່ ແຕ່ກໍເວົ້າວ່າ “ອາດເປັນໄປໄດ້.”
ພວກເຈົ້າໜ້າທີ່ລາດຕະເວນຊາຍແດນ ກໍາລັງໄດ້ໃຫ້ຄວາມຊ່ວຍເຫລືອ ໃນການສືບສວນ
ດັ່ງກ່າວ.
ໃນເດືອນເມສາທີ່ຜ່ານມາ ລົດຕູ້ຄັນນຶ່ງທີ່ຂົນສົ່ງພວກຄົນເຂົ້າເມືອງກໍຂວ້າມ ໃນຂະນະທີ່
ແລ່ນລົບໜີພວກເຈົ້າໜ້າທີ່ລາດຕະເວນຊາຍແດນ ຢູ່ໃກ້ຊາຍແດນແມັກຊິໂກ ເຮັດໃຫ້ 9
ຄົນໃນຈໍານວນ 17 ຄົນຢູ່ໃນລົດ ຄັນນັ້ນ ເສຍຊີວິດ.
