ລິ້ງ ສຳຫລັບເຂົ້າຫາ

ສະຫະລັດ ຢືນຢັນອີກຄັ້ງນຶ່ງ ໃນການຕໍ່ຕ້ານ ການຄ້າມະນຸດ

  • ໄພສານ ວໍຣະຈັກ

ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton

ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ​ນາງ Hillary Clinton ກ່າວ​ວ່າ ລັດຖະ
ບານສະຫະລັດໃຫ້​ຄວາມ​ໝາຍ​ໝັ້ນອີກ​ຄັ້ງນຶ່ງທີ່​ຈະ​ຍຸຕິ​ລະບົ​ບຂ້າ​ທາດ​ໃນ​ຍຸກສະ​ໄໝ​ໃໝ່.

ໃນ​ການ​ຖະ​ແຫຼງຕໍ່​ກອງ​ປະຊຸມ​ປະຈຳ​ປີ​ ຄະນະ​ປະຕິບັດ​ງານ​ຕໍ່ຕ້ານ​ການ​ຄ້າ​ມະນຸດຂອງ​ປະ
ທານາທິບໍດີ​ໃນ​ວັນ​ພະຫັດ​ວານ​ນີ້ ທ່ານ​ນາງ Clinton ໃຫ້​ຂໍ້​ສັງ​ເກດ​ວ່າ ​ເດືອນ​ກັນຍາປີນີ້
ແມ່ນ​ຂີດ​ໝາຍ​ຄົບຮອບ 150 ປີທີ່​ປະທານາທິບໍດີ Abraham Lincoln ​ໄດ້​ປະກາດ​ປົດ​
ປ່ອຍ​ທາດໃຫ້​ເປັນ​ອິດສະຫຼະ.

ຄຳ​ສັ່ງຊຶ່ງ​ໄດ້​ມີ​ຂຶ້ນ​ໃນ​ລະຫວ່າງ​ສົງຄາມ​ກາງ​ເມືອງ​ຂອງ​ສະຫະລັດ​ໄດ້​ປ່ອຍ​ຊາວຜິວ​ດຳ​ຈຳ
ນວນ​ຫຼາຍໆ​ພັນ​ຄົນ​ ທີ່​ຖືກ​ຈັບ​ໄວ້​ເປັນ​ຂ້າ​ທາດ ​ຢູ່​ໃນ​ບັນດາ​ລັດ​ພາກ​ໃຕ້ຂອງ​ພວກ​ກະບົດ.
ທ່ານ​ນາງ Clinton ກ່າວ​ວ່າ ວັນ​ຄົບຮອບ​ດັ່ງກ່າວແມ່ນ​ເປັນ​ໂອກາດ​ອັນ​ດີ​ສຳ​ຫຼັບສະຫະ
ລັດ​ທີ່​ຈະ​ໃຫ້​ຄວາມ​ໝາຍ​ໝັ້ນອີກ​ຄັ້ງນຶ່ງ​ຕໍ່​ອັນ​ທີ່​ທ່ານນາງເວົ້າວ່າ ​ເປັນ​ຄຳ​ໝັ້ນສັນຍາ​ແຫ່ງ​
ອິດສະຫຼະພາບ.

ທ່ານ​ນາງ Clinton ​ເວົ້າວ່າ ຢູ່​ໃນ​ທົ່ວ​ໂລກມີ​ພວກ​ຜູ້​ຊາຍ ​ແມ່ຍິງ ​ແລະເດັກນ້ອຍ​ຫຼາຍ​
ເຖິງ 27 ລ້ານ​ຄົນ​ ເຮັດ​ວຽກ​ໜັກ​ເປັນ​ຂ້າ​ທາດ. ອາ​ຊະ​ຍາ​ກຳ​ອັນ​ນີ້ບ່ອນທຳລາຍເສດຖະ
ກິດ ​ແລະ​ການ​ປົກຄອງ​ດ້ວຍ​ຕົວບົດ​ກົດໝາຍ. ມັນ​ເຮັດ​ໃຫ້ຄອບຄົວ​ແລະ​ປະຊາ​ຄົມ​ແຕກ
ມຸ່ນ​ທະລາ​ຍ. ມັນ​ເປັນ​ການ​ສົບ​ປະໝາດ​ຕໍ່ຫຼັກຄຸນຄ່າພື້ນຖານ​ຕ່າງໆ​ຂອງ​ພວກ​ເຮົາ.

ທ່ານ​ນາງ Clinton ກ່າວ​ວ່າ ລັດຖະບານ​ທ່ານ​ໂອ​ບາ​ມາ​ໄດ້​ສ້າງ​ຄວາມ​ກ້າວໜ້າ​ໃນ​ການ
ປາບ​ປາມ​ການ​ຄ້າ​ມະນຸດ ​ໂດຍ​ໄດ້​ເນັ້ນ​ເຖິງ​ການ​ດຳ​ເນີນ​ຄວາມ​ພະຍາຍາມ​ຫຼາຍຢ່າງຮວມ
ທັງ​ແຜນ​ປະຕິບັດ​ງານ​ແຫ່ງ​ຊາດ​ ສຳ​ຫຼັບ​ແມ່ຍິງ ສັນຕິພາບ​ແລະ​ຄວາມໝັ້ນຄົງ ​ແລະ​ການ
ຊ່ອຍ​ເຫຼືອຕ່າງປະ​ເທດ ​ທີ່​ໃຫ້ການ​ສະໜັບສະໜຸນໂຄງການຕ່າງໆ​ຢູ່​ໃນ 37 ປະ​ເທດ.

ທ່ານ​ນາງ Clinton ​ກ່າວ ພວກເຮົາຂໍ​ຂອບ​ໃຈ​ ຕໍ່​ຄະນະ​ນຳພາ​ຂອງ​ພວກເຮົາປະຊາ​ຄົມ
ນາ​ໆ​ຊາດ​ ຈຶ່ງ​ໃຫ້ການ​ສະໜັບສະໜຸນ​ແກ່​ການ​ດຳ​ເນີນ​ຄວາມ​ພະຍາຍາມດັ່ງກ່າວ. ທ່ານ​
ນາງ​ເວົ້າວ່າ ​ໃນ​ເວລາ​ນີ້​ເກືອບ 140 ປະ​ເທດ​ ໄດ້​ອອກ​ກົດໝາຍຕໍ່ຕ້ານ​ການ​ຄ້າ​ມະນຸດ​
ໃໝ່​ ແລະ​ເກືອບ 150 ປະ​ເທດ​ໄດ້​ເປັນ​ພາຄີ​ໃນ​ຂໍ້ຕົກລົງການ​ຄ້າ​ມະນຸດ​ຂອງ​ອົງການ​ສະ
ຫະ​ປະຊາ​ຊາດ.

XS
SM
MD
LG