ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ສະຫະລັດ ນຳເຜີຍແຜ່ ລາຍງານປະຈຳປີ ດ້ານສິດທິມະນຸດ


ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ກ່າວໃນລະຫວ່າງກອງປະຊຸມຖະແຫຼງຂ່າວເນື່ອງ ໃນໂອກາດນຳເຜີຍແຜ່ລາຍງານປະຈຳປີຂອງກະຊວງການຕ່າງປະເທດສະຫະລັດ ທີ່ກຸງວໍຊິງຕັນ (24 ພຶດສະພາ 2012)
ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ກ່າວໃນລະຫວ່າງກອງປະຊຸມຖະແຫຼງຂ່າວເນື່ອງ ໃນໂອກາດນຳເຜີຍແຜ່ລາຍງານປະຈຳປີຂອງກະຊວງການຕ່າງປະເທດສະຫະລັດ ທີ່ກຸງວໍຊິງຕັນ (24 ພຶດສະພາ 2012)

ລັດຖະມົນຕີ​ການ​ຕ່າງປະ​ເທດ​ສະຫະລັດ ທ່ານ​ນາງ Hillary Clinton ກ່າວ​ວ່າ ປີ 2011 ​
ເປັນ​ປີ​ທີ່​ສັບສົນ​ວຸ້ນວາຍ ​ແລະ​ປີ​ທີ່​ມີ​ຄວາມ​ໝາຍ​ສຳຄັນ ​ສຳ​ຫຼັບພວກ​ທີ່​ສິດທິ​ມະນຸດ​ຕົກ​ຢູ່
​ໃນ​ຄວາມ​ສ່ຽງຢູ່​ໃນ​ທົ່ວ​ໂລກ ​ແລະ​ສຳ​ຫຼັບພວກ​ທີ່​ພະຍາຍາມຈະ​ໃຫ້​ມີ​ການ​ຮັບຮອງ​ວ່າ​
ລັດຖະບານ​ປະຕິບັດ​ຕາມ​ການ​ຄໍ້າປະກັນ​ໃນ​ດ້ານສິດທິມະນຸດ.

ທ່ານ​ນາງ Clinton ກ່າວ​ໃນ​ວັນ​ພະຫັດ​ວານ​ນີ້ວ່າ ປະຊາຊົນ​ໄດ້​ພາກັນ​ທວງ​ເອົາສິດທິ​ຂອງ
ພວກ​ເຂົາ​ເຈົ້າ ຈາກ​ການ​ປະຕິວັດ​ ໃນ​ລະດູບານ​ໃໝ່​ຂອງ​ຊາວ​ອາຣັບ ນັບແຕ່​ພາກ​ຕາ​ເວັນ​
ອອກ​ກາງ​ໄປ​ຫາ​ປະ​ເທດ​ມຽນມາບ່ອນ​ທີ່​ການ​ປະຕິ​ຮູບ​ດ້ານ​ການເມືອງ​ຄັ້ງປະຫວັດສາດ​ໄດ້​
ເກີດ​ຂຶ້ນນັ້ນ.

ທ່ານ​ນາງ​ໃຫ້​ຂໍ້​ສັງ​ເກດ​ວ່າ ປະຊາຊົນ​ຊາວ​ອີ​ຈິບ​ໄດ້​ພາກັນ​ໄປ​ປ່ອນ​ບັດ​ເປັນ​ເທື່ອ​ທຳ​ອິດ​ເພື່ອ
​ເລືອກ​ເອົາ​ຜູ້ນຳ​ຂອງ​ພວກ​ເຂົາ​ເຈົ້າ 15 ​ເດືອນ ຫຼັງຈາກ​ປະທານາທິບໍດີ Hosni Mubarak
ທີ່​ກຳ​ອຳນາດ​ມາ​ເປັນ​ເວລາ​ດົນ​ນານໄດ້​ລາ​ອອກທ່າ​ມກາງການ​ປະ​ທ້ວງ​ຂະໜາດ​ໃຫຍ່.

​ແຕ່​ທ່ານ​ນາງ Clinton ​ໄດ້​ປະນາມ​ການ​ປະຕິບັດ​ດ້ານ​ສິດທິ​ມະນຸດ​ ຂອງ​ລັດຖະບານຊີ​ເຣຍ
​ໂດຍ​ກ່າວ​ອ້າງເຖິງ​ຄວາມ​ໂຫດຮ້າຍ​ຂອງ​ອຳນາດ​ການ​ປົກຄອງ​ປະທາ​ນາ​ທິບໍດີ Bashar al-
Assad ຕໍ່​ປະຊາຊົນ​ຊາວ​ຊີ​ເຣຍ.

ທ່ານ​ນາງ Clinton ​ໃຫ້​ທັດສະນະ​ດັ່ງກ່າວ ​ໃນ​ໂອກາດ​ທີ່ກະຊວງ​ການ​ຕ່າງປະ​ເທດສະຫະ
ລັດ​ນຳ​ອອກ​ເຜີຍ​ແຜ່​ລາຍ​ງານ​ປະຈຳ​ປີ​ກ່ຽວ​ກັບ​ການ​ປະຕິບັດ​ຫຼືການ​ເຄົາລົບ​ນັບ​ຖື​ສິດທິ​ມະ
ນຸດ.

ລາຍ​ງານ​ເວົ້າວ່າ ການ​ເຄົາລົບ​ນັບຖື​ສິດທິ​ມະນຸ​ດຍັງ​ສືບ​ຕໍ່​ຕົກ​ຢູ່​ໃນ​ສະພາບ​ຂີ້ຮ້າຍຫຼາຍ ຢູ່​
ໃນ​ຫຼາຍໆ​ປະ​ເທດ ທີ່​ໄດ້​ຮັບ​ການ​ຊັ່ງຊາ​ຕີ​ລາຄາ​ໃນ​ທາງ​ລົບ​ ໃນ​ປີ 2010 ຮວມທັງອີຣ່ານ ​
ເກົາຫຼີ​ເໜືອ ​ເທີ​ກ​ເມ​ນິສຖານ ອຸສ​ເບັກ​ກິ​ສຖານ ຊີ​ເຣຍ ບີ​ລາຣຸສ ​ແລະ​ຈີນ.

ລາຍ​ງານ​ສະບັບ​ນີ້ ຍັງ​ແຈ້ງ​ໃຫ້​ຊາບ​ຕື່ມ​ວ່າ ທ່າ​ອຽງ​ຂອງ​ປີ 2011 ​ແມ່ນ​ການ​ປະຕິ​ບັດ​ຕໍ່
ພວກ​ທີ່​ນັບຖື​ສາສະໜາ​ກຸ່ມນ້ອຍ ຮວມທັງ​ສາສະໜາ Amadis, ບາ​ຮາ​ຍ ສາສະໜາ​ພຸດ​
ໃນ​ທິ​ເບ​ດ ສາສະໜາ​ຄຣິສຕ໌ ​ແລະ​ສາສະໜາ​ຢິວ.

​ແຕ່​ລາຍ​ງານ​ສະບັບ​ນີ້​ເວົ້າວ່າ ​ເຫດການ​ໃນ​ປະ​ເທດ​ມຽນມາ​ ອາດ​ດົນ​ໃຈ​ກະຕຸກ​ຊຸກ​ຍູ້​ໃຫ້​
ສັງຄົມ​ທີ່​ປິດ​ລັບ​ທັງຫຼາຍປັບປຸງ​ການເຄົາລົບ​ນັບຖື​ສິດທິ​ມະນຸດ​ຂອງ​ຕົນ. ລາຍ​ງານ​ເວົ້າວ່າ
ມຽນມາ​ມີ​ລັດຖະບານ​ທີ່​ພວມ​ກ້າວ​ໄປ​ສູ່ການ​ເປັນ​ໂຕ​ແບບ ​ໃນການ​ເປີດ​ກວ້າງ ມີປະຊາທິ
ປະ​ໄຕ ສິດ​ເສລີພາບ​ຂັ້ນພື້ນຖານ ທີ່ເຊື່ອ​ວ່າ​ສາ​ມາດນຳ​ໄປ​ສູ່ ການ​ມີ​ຫົວຄິດ​ປະດິດ​ສ້າງ​ທີ່
​ກວ້າງຂວາງ​ຂຶ້ນກວ່າ​ເກົ່າ ຄວາມ​ອຸດົມ​ຮັ່ງມີ ​ແລະ​ການ​ມີ​ສ່ວນ​ຂອງທຸກພັກ​ຝ່າຍ.

XS
SM
MD
LG