ລິ້ງ ສຳຫລັບເຂົ້າຫາ

ລາຍງານດ້ານສິດທິມະນຸດປະຈໍາປີ 2010 ຂອງ ສຫລ ຕໍາໜິຈີນ ເກົາຫລີເໜືອ ຄິວບາ ແລະເບລາຣູສ (ເບິ່ງວີດິໂອ)

  • ທອງປານ ເທບວົງສາ

ທ່ານນາງ ຮິລລາຣີ ຄລິນຕັນ ລັດຖະມົນຕີຕ່າງປະເທດສະຫະລັດ

ລາຍງານປະຈໍາປີວ່າດ້ວຍການເຄົາລົບນັບຖືສິດທິມະນຸດຂອງກະຊວງຕ່າງ ປະເທດສະຫະລັດ ໄດ້ສະແດງຄວາມຫວັງວ່າ ການປະທ້ວງຫຼາຍໆບັ້ນຕໍ່ຕ້ານການປົກຄອງແບບຜະເດັດການ ທີ່ ຄອບຄຸມໄປທົ່ວພາກຕາເວັນອອກ ກາງນັ້ນຈະຍັງຜົນໃຫ້ມີປະຊາທິປະໄຕແບບຍືນຍົງ ຖາວອນ ຢູ່ໃນຂົງເຂດດັ່ງກ່າວ ລາຍງານປະຈໍາປີທີ່ໄດ້ນໍາອອກເປີດເຜີຍເມື່ອວັນສຸກ ທີ່ຜ່ານມາ ໄດ້ຕໍາໜິຕິຕຽນຢ່າງຮຸນແຮງ ຕໍ່ປະວັດການເຄົາລົບນັບຖືສິດທິມະນຸດ ຂອງ ຫຼາຍໆປະເທດໂຮມທັງຈີນ ເກົາຫລີເໜືອ ຄິວບາ ແລະເບລາຣູສ. David Gollust ຜູ້ສື່ຂ່າວ VOA ມີລາຍງານກ່ຽວກັບເລື່ອງນີ້ ຈາກກະຊວງການຕ່າງປະເທດສະຫະລັດ. ທອງປານ ມີລາຍລະອຽດ ມາສະເໜີທ່ານ ໃນອັນດັບຕໍ່ໄປ

ລາຍງານປະຈໍາປີທີ່ມີຊື່ວ່າການເຄົາລົບນັບຖືສິດທິມະນຸດ
ໃນປີ 2010 ແຕ່ກໍບໍ່ໄດ້ເມີນເສີຍຕໍ່ອັນທີ່ເອີ້ນວ່າການ
ປະທ້ວງເພື່ອປະຊາທິປະໄຕໃນລະດູບານໃໝ່ຂອງຊາວ
ອາຫຣັບຢູ່ໃນປະເທດຕ່າງໆໃນພາກຕາເວັນອອກກາງ
ແລະອາຟຣິກາເໜືອໃນປີນີ້ ແລະລາຍງານ ເວົ້າອີກວ່າ
ຖ້າການປະທ້ວງເຫຼົ່ານີ້ຫາກເກີດຜົນສໍາເລັດແລ້ວ ຂົງ
ເຂດດັ່ງກ່າວແລະໂລກຂອງ ເຮົາກໍຈະດີຂຶ້ນ.

ທ່ານນາງລັດຖະມົນຕີຕ່າງປະເທດສະຫະລັດ ຮິລລາຣີ
ຄລິນຕັນກ່າວວ່າ ພວກໃດກໍຕາມທີ່ພາກັນຜັກດັນໃຫ້
ມີການປະຕິຮູບປ່ຽນແປງນັ້ນ ສາມາດ ກາງຕໍ່ການ
ສະໜັບສະໜຸນຂອງສະຫະລັດໄດ້. ຊຶ່ງທ່ານນາງກ່າວ
ຕໍ່ໄປວ່າ:

“ສະຫະລັດແມ່ນຈະຢືນຢັດ ຢູ່ກັບພວກທີ່ຊອກສະແຫວງຫາຄວາມກ້າວໄກໄປໜ້າ ໃຫ້ແກ່ການມີປະຊາທິປະໄຕ ແລະສິດທິມະນຸດຢູ່ໃນແຫ່ງຫົນໃດກໍຕາມທີ່ພວກ ເຂົາເຈົ້າອາໃສຢູ່ນັ້ນ. ແລະພ້ອມດຽວກັນສະຫະລັດກໍຈະ ຢືນຢັດຢູ່ກັບພວກທີ່ ທໍາການຊົມໃຊ້ອິດສະຫຼະພາບຂັ້ນພື້ນຖານຂອງພວກ ເຂົາເຈົ້າໃນການສະແດງ ອອກຊຶ່ງຄວາມຄິດຄວາມເຫັນ ແລະການໂຮມຊຸມ ນຸມຂອງພວກເຂົາເຈົ້າໃນ ແນວທາງທີ່ສັນຕິ ບໍ່ວ່າຈະມາ ຈາກສ່ວນບຸກຄົນ ການພິມເຜີຍແຜ່ ຫລືຮູບພາບ ທີ່ລົງຢູ່ໃນອິນເທີເນັດ ກໍຕາມ.

ທ່ານ​ນາງຄລິນ​ຕັນ ​ໄດ້​ອ້າງເຖິງທ່າ​ອຽງທີ່​ໜ້າ​ເປັນ​ຫ່ວງຢູ່​ສາມ​ປະການກ່ຽວກັບການເຄົາລົບ
ນັບຖືສິດທິມະນຸດ ນັ້ນ​ກໍ​ຄື ນຶ່ງ ການປາບປາມຢ່າງ​ກວ້າງ ຂວາງ​ຂອງ​ຝ່າຍ​ລັດຖະບານ​ຕໍ່​ກຸ່ມ​
ສັງຄົມ​ພົນລະ​ເຮືອນ​ແລະ​ພວກ​ນັກ​ເຄຶ່ອນ​ໄຫວ ​ສອງ ການວາງ​ຂໍ້​ຈໍາ​ກັດ​ຮັດ​ແຄບຕໍ່ກິດຈະ​ກໍາ
ທາງ​ອິນ​ເທີ​ເນັທ ທີ່​ຫ້າມ​ບໍ່​ໃຫ້​ມີ​ການສະ​ແດງ​ຄວາມ​ຄິດ​ເຫັນ​ທີ່​ເສລີ ​ແລະ​ສາມການ​ຈຳແນກ
ກີດ​ກັນ​ຕໍ່​ພວກ​ຊົນ​ກຸ່ມ​ນ້ອຍ​ທີ່​ອ່ອນແອ ​ໂຮມ​ທັງ ພວກ​ກະ​ເທີຍ ​ແລະ​ເລ​ສບຽນ​ນັ້ນ.

ໃນການໃຫ້ຄວາມ​ຄິດຄວາມ​ເຫັນ​ ທີ່​ມີ​ລາຍ​ລະອຽດ​ຫລາ​ຍຜິດປົກກະຕິນັ້ນ ​ສໍາ​ລັບລັດຖະມົນ
ຕີການຕ່າງປະເທດຢູ່​ທີ່ພິທີນຳເຜີຍແຜ່ລາຍງານການເຄົາ ລົບນັບຖືສິດທິມະນຸດ ທ່ານນາງ
ຄລິນຕັນໄດ້ສະແດງຄວາມເສຍ​ໃຈ​ຫຼາຍ​ ກ່ຽວ​ກັບ​ການ​ປາບປາມກຸ່ມ​ສັງຄົມ​ພົນລະ​ເຮື​ອນຢູ່​ໃນ
ປະ​ເທດ Venezuela ​ແລະຣັດ​ເຊຍ.

ທ່ານ​ນາງ​ກ່າວ​ອີກ​ວ່າ ທ່າ​ອຽງ​ໃນ​ທາງ​ລົບ​ກ່ຽວ​ກັບການເຄົາລົບນັບຖື​ສິດ​ທິມະນຸດ​ຢູ່​ໃນຈີນ ຊຶ່ງ
ໄດ້​ຂຽນບັນທຶກ​ໄວ້​ແລ້ວ​ໃນ​ລາຍ​ງານ​ປີ 2010 ນັ້ນ ແມ່ນ​ຮ້າຍ​ແຮງ​ລົງ​ໄປ​ອີກ​ໃນ​ປີ​ນີ້.

ທ່ານ​ນາງຄລິນ​ຕັນ ​ໄດ້​ອ້າງ​ເຖິງ​ການ​ຈັບ​ກຸມ​ ​ແລະ​ການ​ກັກ​ຂັງ​ຕາມ​ອໍາ​ເພີໃຈ ພວກ​ທະນາຍ
ຄວາມ ​ນັກ​ຂຽນ ປັນຍາ​ຊົນ ​ແລະ​ພວກ​ນັກ​ເຄຶ່ອນ​ໄຫວ ຂອງມະຫາຊົນນັ້ນ ນັບ​ຕັ້ງ​ແຕ່​ເດືອນ
ກຸມພາປີ​ນີ້​ເປັນ​ຕົ້ນ​ມາ. ທ່ານ​ນາງ​ລັດ​ຖະມົນຕີ​ຕ່າງປະ​ເທດ​ຄລິນ​ຕັນ​ກ່າວ​ຊີ້​ແຈງ​ຕໍ່​ໄປ​ວ່າ:

“ນຶ່ງ​ໃນ​ຫລາຍໆ​ສິ່ງ​ທີ່​ເກີດ​ຂຶ້ນ​ເມື່ອ​ໝໍ່ໆ​ທີ່ ສຸດ​ມາ​ນີ້ ກໍ​ຄື ນາຍ Ai Weiwei ນັກ
ແຕ້ມຜູ້​ມີ​ຊື່​ສຽງ​ໂດ່ງດັງ ຖືກພວກ​ເຈົ້າໜ້າ​ທີ່​ລັດຖະບານຈີນ​ຄວບ​ຄຸມ​ຕົວ​ພຽງ​ເມື່ອ​
ວັນອາທິດ​ກ່ອນນັ້ນ ຊຶ່ງການ​ກັກ​ຕົວ​ໃນ​ທໍານອງ​ນີ້ ​ແມ່ນ​ຂັດ​ຕໍ່​ການປົກຄອງດ້ວຍ
ຕົວ​ບົດ​ກົດໝາຍ​. ​ແລະ​ພວກ​ເຮົາ​ຂໍ​ຮຽກຮ້ອງ​ໃຫ້​ຈີນ​ຈົ່ງ​ປ່ອຍ​ຕົວ​ໝົດ​ທຸກໆ​ຄົນ​ທີ່​
ຖືກກັກ​ຂັງ​ຈາກ​ຂໍ້​ຫາໃຊ້​ສິດທິ​ຂອງ​ພວກ​ເຂົາ​ເຈົ້າສໍາລັບ​ການສະ​ແດງ​ຄວາມ​ຄິດ​
ຄວາມເຫັນ​ທີ່ນານາ​ຊາດ​ຮັບ​ຮູ້​ຢູ່​ແລ້ວ​ນັ້ນ ​ແລະ​ໃຫ້​ລັດຖະບານ​ຈີນຈົ່ງເຄົາລົບ​
ນັບຖື​ເສລີພາບ​ຂັ້ນ​ພື້ນຖານ​ຂອງ​ສິດ​ທິມະນຸດ​ຂອງ​ປະຊາຊົນ​ຈີນ ໝົດ​ທຸກ​ຄົນ.”

ທ່ານ​ນາງຄລິນ​ຕັນ ​ໄດ້​ລະບຸ​ເອົາ​ປະ​ເທດ​ມຽນມາ ​ແລະ​ຄິວ​ບາ​ເປັນ​ປະ ​ເທດລ່ວງລະເມີດຮ້າຍ
ແຮງສຸດ ​ໃນ​ຈໍານວນລັດຖະບານ 40 ປະ​ເທດ ທີ່​ຫ້າມ​ບໍ່​ໃຫ້​ໃຊ້​ອິນ​ເທີເນັດ​ ຍ້ອນເຫດຜົນ
ທາງການ​ເມືອງ​ນັ້ນ.

ທ່ານ​ນາງຄລິນ​ຕັນ ​ໄດ້​ອ້າງ​ວ່າ ອີຣ່ານໄດ້ປະຫານຊີວິດແບບຮວບຮັດຕັດ ຕອນພວກນັກ
ເຄື່ອນໄຫວເພື່ອ​ສິດທິ​ມະນຸດ​ແລະພວກອື່ນໆອີກ​ຫລາຍ​ກວ່າ 300 ຄົນ ແລະ ປະ​ເທດ​ຢູກັນ
ດາ ​ໃນ​ສິ່ງ​ທີ່​ທ່ານ​ນາງ​ເອີ້ນວ່າ ຄວາມຄຽດ ຊັງຕໍ່ພວກ​ຮັກ​ຮ່ວມ​ເພດທີ່ໄດ້ຮັບການສະໜັບ
ສະໜຸນຈາກລັດຖະບານນັ້ນ.

ລາຍ​ງານ​ດັ່ງກ່າວ​ຍັງໄດ້​ປະນາມພາບພົດທີ່ໜ້າຢ້ານກົວກ່ຽວກັບການເຄົາ ລົບນັບຖືສິດທິມະ
ນຸດຢູ່​ໃນ​ເກົາ​ຫລີ​ເໜືອ ການສືບ​ຕໍ່​ກັກ​ຂັງ​ພວກ​ນັກ​ໂທດ​ການ​ເມືອງໄວ້ຫລາຍ​ກວ່າ 2,100
ຄົນ​ໃນ​ມຽນມາ ​ແລະ​ການ​ຈໍາ​ຄຸກ​ພວກ​ທີ່​ພ່າຍ​ແພ້​ໃນການ​ສະໝັກເລືອກ​ຕັ້ງເປັນປະທານາທິ
ບໍດີທີ່​ປະ​ເທດ​ເບ​ລາ​ຣູສ ໃນປີກາຍນີ້.

ທ່ານ​ນາງ​ລັດຖະມົນຕີ​ຕ່າງປະ​ເທດ​ຄລິນ​ຕັນ​ກ່າວ​ວ່າ ລາຍງານວ່າດ້ວຍການ ເຄົາລົບນັບຖື
ສິດທິມະນຸດ ທີ່ໄດ້ດຳເນີນມາເປັນເວລາ 35 ປີ ຕາມຄໍາ​ສັ່ງ​ຂອງ​ສະພາ​ຄອງ​ແກ​ຣສສະ
ຫະລັດນັ້ນ ແມ່ນ​ໄດ້​ສ້າງ​ຄວາມ​ກ້າວໜ້າ.

ແຕ່​ທ່ານ T. Kumar ຜູ້​ອໍານວຍ​ການ​ອົງການນິລະ​ໂທດ​ກໍາ​ສາກົນ ຫຼື Amnesty
International ກ່າວ​ວ່າ ປະທານາທິບໍດີ​ ບາ​ຣັກ ​ໂອ​ບາ​ມາ ​ແມ່ນ​ຈະ​ຕ້ອງ​ເອົາທ່າທີທີ່ເຂັ້ມ ແຂງ ແລະໂດຍກົງຫຼາຍຂຶ້ນກວ່າເກົ່າກັບພວກປະເທດທີ່ເປັນເພື່ອນມິດຂອງສະຫະລັດນັ້ນ
ຊຶ່ງໂຮມທັງອິນເດຍ ແລະຈີນ ນັ້ນນໍາ. ທ່ານ ຄູມາ ກ່າວຕໍ່ໄປວ່າ:

“ປະທານາທິບໍດີໂອບາມາຄວນຈະໄດ້ພົບປະກັບພວກນັກໂທດການເມືອງຈີນ ເວລາທ່ານໄປຢ້ຽມຢາມຈີນຄັ້ງຜ່ານມານັ້ນ. ທ່ານໂອບາມາຄວນຜັກດັນໃຫ້
ມີເງຶ່ອນໄຂ ແລະທ່ານຄວນຈະເວົ້າວ່າ ຂ້າພະເຈົ້າບໍ່ສາມາດມາຢ້ຽມຢາມປະ
ເທດຂອງທ່ານໄດ້ ຖ້າພວກທ່ານບໍ່ປ່ອຍພວກນັກໂທດເຫລົ່ານັ້ນເສຍກ່ອນ”

ທ່ານນາງລັດຖະມົນຕີຕ່າງປະເທດຄລິນຕັນ ກ່າວວ່າ ສັງຄົມຕ່າງໆຈະມີ ຄວາມຈະເລີນທາງ
ດ້ານເສດຖະກິດ ແລະການເມືອງ ເວລາໃດພວກເຂົາເຈົ້າແກໄຂບັນຫາຕ່າງໆເລຶ່ອງສິດທິ
ມະນຸດ ແທນທີ່ຈະທຳການກົດຂີ່ປາບ ປາມ. ທ່ານນາງຄລິນຕັນກ່າວສະລຸບວ່າເສລີພາບ
ຈາກຄວາມຢ້ານກົວນັ້ນ ແມ່ນສ້າງຄວາມເຕີບໂຕທາງເສດຖະກິດໄດ້ ໃນຂະນະທີ່ພວກປະ
ຊາຊົນພາກັນລົງທຶນ ພາກັນປະດິດຄິດສ້າງ ແລະພາກັນເຂົ້າປະກອບສ່ວນ.

XS
SM
MD
LG