ສະພາຕ່ຳ ສຫລ ຮັບຜ່ານ ຮ່າງ ກ.ໝ. ຍຸດຕິ ການເກັບກຳ ບັນທຶກ ໂທລະສັບ

ສະພາ​ຕຳ່ ສະຫະລັດ ​ໄດ້ຮັບ​ຜ່ານ​ຮ່າງກົດໝາຍ​ເພື່ອ​ຍຸດ
ຕິການເກັບກຳບັນທຶກໂທລະສັບເປັນຈຳນວນຫຼວງຫຼາຍ
ຂອງຊາວອາເມຣິກັນ ໂດຍອົງການຄວາມ​ໝັ້ນຄົງ​ແຫ່ງ​
ຊາດ ຫລື NSA.

ຮ່າງ​ກົດໝາຍ ທີ່ຮູ້​ກັນ​ໃນນາມ USA Freedom Act
​ເປັນ​ຮ່າງ​ກົດໝາຍ​ສະ ບັບທຳ​ອິດ ເພື່ອເປັນການສະໜອງ
ຕອບ​ຕໍ່ການເປີດເຜີຍຂອງອະ​ດີດພະນັກງານ ສັນຍາ​ຈ້າງ
ຂອງອົງການຄວາມ​ໝັ້ນຄົງ​ແຫ່ງ​ຊາດ ທ້າວ Edward
Snowden ທີ່​ໄດ້​ກະ​ຕຸ້ນ​ໃຫ້ນາ​ໆ​ຊາດ ​ມີໂກດ​ແຄ້ນ ​ກ່ຽວ
ກັບຂອບເຂດໃນການຕິດຕາມສອດ ແນມຂອງສະຫະລັດ.

ຮ່າງ​ກົດໝາຍ​ນີ້ ຈະ​ຢຸດເຊົາ ການ​ປ​ະຕິ​ບັດງານຂອງອົງການຄວາມ​ໝັ້ນຄົງ​ແຫ່ງ​ຊາດ
​ໃນ​ການ​ເກັບ​ກຳ​ເອົາຂໍ້ມູນລາຍ​ລະອຽດ ການໃຊ້ໂທລະ​ສັບ ຂອງຊາວ​ອາ​ເມຣິກັນ ​ແລະ
​ເກັບ​ຮັກສາ​ໄວ້​ຢ່າງ​ໝ້ອຍຫ້າ​ປີ ​ແລະ​ຈະ​ໃຫ້​ເຈົ້າ​ໜ້າ​ທີ່ຂອງອົງການ ຄວາມ​ໝັ້ນຄົງ​ແຫ່ງ​
ຊາດ ຮ້ອງຂໍ​ເອົາ​ບັນທຶກ​ເຫຼົ່ານີ້ ຈາກບັນດາບໍລິສັດ​ໂທລະ​ສັບ​ຕ່າງໆ ​ໃນ​ເວລາ​ທີ່​ມີ​ການ
ສືບສວນກ່ຽວກັບການກໍ່ການຮ້າຍ ເພື່ອສະໜອງຕອບ​ຕໍ່​ຄຳ​ສັ່ງ​ຂອງ​ສານ.

​ໂຄງການ​ຕິດຕາມສີ້​ງຊອມ​ຂອງອົງການຄວາມ​ໝັ້ນຄົງ ​ໄດ້ຖືກ​ເປີດ​ເຜີຍ​ໃຫ້ຊາບ ໃນປີ
ກາຍນີ້ ຫລັງ​ຈາກທ້າວ Snowden ​ໄດ້​ໃຊ້​ໜ້າ​ທີ່​ການ​ຂອງ​ລາວ ​ໃນ​ນາມ ​ເຈົ້າ​ໜ້າ​ທີ່​
ຄວບຄຸມລະບົບ​ຄອມ​ພິວ​ເຕີ້ ລັກ​ເອົາ​ບັນທຶກ​ຂໍ້​ມູນ​ລັບ ​ຫລາຍສິບ​ພັນໜ້າ​ຈາກອົງການ
ຄວາມ​ໝັ້ນຄົງ​ແຫ່ງ​ຊາດ ຢູ່ທີ່​ຫ້ອງການຂອງອົງການຄວາມໝັ້ນຄົງ ແຫ່ງຊາດ ທີ່ລັດ
ຮາ​ວາຍ​.

ປັດຈຸບັນ​ນີ້ ຮ່າງກົດໝາຍດັ່ງກ່າວ ກຳລັງ​ສົ່ງໄປໃຫ້ສະພາ​ສູງພິດຈາລະນາ.


​