ລິ້ງ ສຳຫລັບເຂົ້າຫາ

logo-print

ສະຫະລັດ ຮັບເອົາ ນັກສຶກສາຕ່າງປະເທດ ເກືອບ 900,000 ຄົນ ຫລາຍທີ່ສຸດ ໃນໂລກ


US Hosts Record 866,000 Foreign Students
please wait

No media source currently available

0:00 0:02:56 0:00

ເບິ່ງວີດີໂອ ກ່ຽວກັບລາຍງານນີ້.

ນັກ​ສຶກສາ​ຕ່າງປະ​ເທດ​ ເກືອ​ບ 900,000 ຄົນ​ ກຳລັງ​ພາກັນ
​ຮຽນຢູ່​ຕາມມະຫາວິທະຍາ​ໄລຕ່າງໆ​ຂອງອາ​ເມຣິກັນ ຫລາຍ
ແບບ​ທີ່​ບໍ່ເຄີຍ​ມີ​ມາກ່ອນ. ປະມານ​ເຄິ່ງນຶ່ງຂອງ​ຈຳ​ນວນນີ້​ແມ່ນ​
ມາຈາກເອ​ເຊຍ ສ່ວນ​ໃຫຍ່ແລ້ວ​ແມ່ນຈີນ. ສະຫະລັດເປັນ​ເຈົ້າ
ພາບ​ຕ້ອນ​ຮັບ​ພວກນັກ​ສຶກສາ​ຕ່າງປະ​ເທດ ຫຼາຍ​ກວ່າ​ປະ​ເທດ
​ອື່ນ​ໃດ​ໃນ​ໂລກ ​ແລະ​ຈຳນວນ​ນັກ​ສຶກສາ​ຕ່າງປະ​ເທດ ກຳລັງ​
ເພີ້​ມຂື້ນ​ຢ່າງ​ສະໝຳ່ສະ​ເໝີ. Zlatica Hoke ມີລາຍ​ງານ​ກ່ຽວ
​ກັບ​ທາ​ອຽງດັ່ງກ່າວ ​ຊຶ່ງ ກິ່ງ​ສະຫວັນ ຈະ​ນຳເອົາ​ລາຍ​ລະ​ອຽດ
ມາສະ​ເໜີ​ທ່ານ.

ລາຍ​ງານ​ໃໝ່​ສະ​ບັບນຶ່ງ​ຈາກ ສະ​ຖາ​ບັນ​ການ​ສຶກສາ​ນາໆ​ຊາດ
ກ່າວ​ວ່າ ​ໃນ​ສົກການ​ສຶກ​ສາປີ 2013-2014 ນີ້ ​ມີນັກ​ສຶກສາ
​ຕ່າງປະເ​ທດຫລາຍ​ກວ່າ 886,000 ຄົນ​ ໄ​ດ້ຈົດ​ທະບຽນເຂົ້າ
​ຮຽນ ​ຢູ່​ໃນສະ​ຖາ​ບັນ​ກາ​ນສຶກສາ​ຊັ້ນ​ສູງ​ຂອງສະຫະລັດ​ ​ເພີ້​ມ
ຂື້ນ​ 8 ​ເປີ​ເຊັນ​ປີ​ກາຍນີ້. ປັດ​ຈຸ​ບັນ​ນີ້ ມີ​ນັກ​ສຶກ​ສາ​ຕ່າງ​ປະ​ເທດ​ຫລາຍເຖິງ​ສ​ອງ​ເທົ່າ​ຢູ່​ໃນ​ສະຫະລັດ ລື່ນ​ເມື່ອນຶ່ງ​ທົດສັດຕະວັດ​ກ່ອນ. ທ່າ​ອ​ຽງ​ໃນການ​ເພີ້​ມຂື້ນ​ດັ່ງກ່າວ ​ສ່ວນ​ໃຫ​ຍ່​
ແລ້ວ​ແມ່ນ​ເປັນ​ພວກນັກສຶກສາ​ຂັ້ນ​ປະ​ລິນ​ຍາ​ ຈາກ​ປະ​ເທດ​ຈີນ.

Eric Xu ​ແມ່ນນັກ​ສຶກສາ​ຈາກ​ປະ​ເທດ​ຈີນ ທີ່​ຮຽນ​ຢູ່​ມະຫາວິທະຍາ​ໄລ Columbia ​ໃນ​ນະຄອນ​ນິວຢອກ ກ່າວ​ວ່າ:

“ຢູ່​ໃນສະຫະລັດ ​ເຂົາ​ເຈົ້າ​ເນັ້ນ​ໜັກ​ໃສ່່ ການ​ສົນ​ທະນາ ​ຢູ່​ໃນ​ຫ້ອງ​ຮຽນ ແລະ​ແນວ​
ຄິດ ​ຕະ​ຫລອດ​ທັງຄວາ​ມສາມາດ ໃນ​ການໂຕ້​ວາທີ ກັບ​ຄົນ​ອື່ນໆ ​ເຊັນ​ວ່າກັບ ສາ​ສະ​ດາ​ຈານ ​ຫລື​ອາ​ຈານ​ສອນ ​ແລະ​ນັ້ນແມ່ນ​ບັນ ຍາກາດ​ທີ່ ຂ້ອຍ​ຢາກ​ມີ​ປະສົບ​ການ.”

​ໃນ​ຂະນະ​ທີ່ການ​ຈົດ​ທະ​ບຽນເຂົ້າ​ຮຽນ​ຂອງນັກ​ສຶກສາ​ຈີນ ​ຍັງ​ສືບ​ຕໍ່​ເພີ້​ມ ຈຳ​ນວນຂື້ນ​ຢູ່ນັ້ນ
​ໃນສົກ​ປີ​ການ​ສຶກສາ ​ທີ່​ຜ່ານ​ມາ​ນີ້ ກໍໄດ້​ເຫັນ​ນັກ​ສຶກ ສາ​ທີ່​ມາຈາກ​ປະ​ເທດ Kuwait,
Brazil, Saudi Arabia ​ແລະ​ແມ່ນ​ກະທັງອີຣ່ານເພີ້ມ​ຂຶ້ນ​ໃນ​ຈຳ​ນວນ​ທີ່​ສຳ​ຄັນ​ເຊັ່ນ​ດຽວ​
ກັນ. ຫລາຍ​ກວ່າ​ສີ່​ເປີ​ເຊັນ​ຂອງ ບັນດາ​ນັກ​ສຶກສາ​ ໃນສະ​ຖາ​ບັນ​ຊັ້ນ​ສູງ​ຂອງສະຫະລັດ
​ແມ່ນ​ ເປັນນັກ​ສຶກສາ​ຕ່າ​ງປະ​ເທດ. ບັນ​ດາ​ນັກ​ຊ່ຽວ​ຊານ​ ດ້ານ​ການສຶກສາກ່າວວ່າ ການມີ​
ໜ້າຂອງ​ພວກ​ນັກ​ສຶກສາ​ຕ່າງປະ​ເທດ ​ຢູ່​ໃນມະ​ຫາ​ວິ​ທະ​ຍາ​ໄລ​ຕ່າງໆ​ຂອງ ສະຫະລັດ ນັ້ນ
ແມ່ນ​ເປັນ​ຜົນດີ ​ແລະມີວິ​ທະ​ຍາ​ໄລ ​ແລະ​ມະຫາ​ວິ​ທະ​ຍາ​ໄລ ປະມານ 4,000 ​ແຫ່ງ ສາມາດ​
ຮັບເອົາ​ພວກ​ນັກ​ສຶກ​ສາ ຕ່າງ​ປະ​ເທດ​ ໄດ້​ຫລາຍກວ່າ​ນັ້ນອີກ.

ທ່ານນາງ Rajika Bhandari ຮອງ​ປະ​ທານສະ​ຖາ​ບັນ​ການ​ສຶກສາ​ນາໆ​ຊາດກ່າວ​ວ່າ:

“ພວກ​ເຮົາ​ຮູ້​ວ່າ ບັນດາ​ນັກ​ສຶກສາ​ຕ່າງປະ​ເທດ ແມ່ນ​ປະ​ກອບ​ສ່ວນ​ທີ່ ​ສຳຄັນ​ຢູ່​ໃນ​
ຫ້ອງ​ຮຽນ​ຂອງສະຫະລັດ​ແລະ​ວິ​ທະ​ຍາ​ເຂດຕ່າງໆ ​ໂດຍ​ຜ່ານ​ທັດ​ສະ​ນະ​ວິ​ໄສ​ຕໍ່​ໂລກ
​ຂອງ​ເຂົາ​ເຈົ້າ ​ແລະໂດຍການ​ສະ​ໜອງ​ການສຳ​ຜັດ​ກັບ​ນາໆ​ຊາດ ​ໃຫ້ແກ່​ບັນດາ​ນັກ
ສຶກສາ​
ອາ​ເມຣິກັນ ຜູ້​ທີ່ອາດ​ຈະບໍ່​ມີ​ໂ​ອກາດ​ໄດ້ໄປ​ສຶກສາ​ຢູ່​ນອກ​ປະ​ເທດ.”

ການ​ຈົດ​ທະບຽນ​ເຂົ້າ​ຮຽນ​ຂອງ​ບັນດາ​ນັກ​ສຶກສາ​ຕ່າງປະ​ເທດ ຍັງ​ເປັນ​ການ​ເພີ້​ມພູນ​ໃຫ້​ແກ່
ເສດຖະກິດ​ຂອງ​ສະຫະລັດ​ນຳ​ດ້ວຍ.

ທ່ານນາງ Evan Ryan ​ລັດຖະມົນຕີ​ຊ່ອຍ​ວ່າ​ການ​ກະ​ຊວງ​ການ​ຕ່າງ​ປະ​ເທດ ຮັບ​ຜິດ​ຊອບ​ໃນ​ດ້ານການ​ສຶກສາ​ ກ່າວ​ວ່າ:

“ປີ​ນີ້ ​ມີ 27 ພັນ​ລ້ານໂດ​ລາ ​ໄດ້​ປະ​ກອບສ່ວນ​ເຂົ້າ​ໃນເສດຖະກິດຂອງ ພວກ​ເຮົາ​
​ທັງ​ໃນ​ລະ​ດັບ​ທ້ອງ​ຖິ່ນ ລະ​ດັບລັດ​ ​ແລະ​ລະດັບ​ຊາດ ​ໂດຍ​ຜ່ານ​ການ​ຈ່າຍ​ຄ່າ​ຮຽນ
ທີ່​ພັກ​ພາ​ອາ​ໄສ ​ແລະ​ຄ່າ​ໃຊ້​ຈ່າຍ​ອື່ນໆ.”

ກະ​ຊວງ​ການ​ຕ່າງປະ​ເທດສະຫະລັດ ​ແລະ​ກະຊວງ​ສຶກສາ ຍັງ​ສົ່ງ​ເສີມໃຫ້ພວກ​ນັກ​ສຶກ​ສາ
ອາ​ເມ​ຣິ​ກັນ ໄປ​ຮຽນ​ຢູ່​ຕ່າງປະ​ເທດນຳ​ດ້ວຍ.

ລັດຖະມົນຕີ​ຊ່ອຍ​ວ່າ​ການ​ກະ​ຊວງ​ການ​ຕ່າງ​ປະ​ເທດ ຮັບ​ຜິດ​ຊອບ​ໃນ​ດ້ານການ​ສຶກສາ
ທ່ານນາງ Evan Ryan ກ່າວ​ຕື່ມວ່າ:

“ພວກ​ເຮົາ​ເຊື່ອ​ວ່າ ການ​ສຶກສາ​ຢູ່​ຕ່າງປະ​ເທດ ສາມາດ​ເພີ້​ມການ​ແຂ່ງ ຂັນ​ຂອງ
ຊາວອາ​ເມຣິກັນ ​ໂດຍ​ຊ່ວຍ​ໃຫ້ນັກ​ສຶກສາສະຫະລັດ ມີ​ຄວາມ​ຊຳນິຊຳນານ​ດ້ານ
​ພາສາ ພ້ອມ​ດ້ວຍທັດ​ສະ​ນະ​ວິ​ໄສ​ຕໍ່ຂົງ​ເຂດ ​ແລະ​ຕໍ່ໂລກ ທີ່​ມີ​ຄວາ​ມຈຳ​ເປັນ ​
ເພື່ອ​ຈະ​ປະ​ສົບ​ຜົນ​ສຳ​ເລັດໄ​ດ້ໃນສັດຕະວັດ​ທີ 21.”

​ນັກ​ສຶກສາ ສະຫະລັດ ປະມານ 290,000 ​ຄົນ ​ໄປ​ສຶກສາ​ຢູ່​ຕ່າງປະ​ເທດ​ໃນ​ສົກ​ປີ 2012-
2013 ​ເພຶ່ອ​ເອົາຄະ​ແນນ ຈາກ​ສະ​ຖາ​ບັນການ​ສຶກສາ​ຕ່າງໆ​ຢູ່ໃນຢູ​ໂຣບ ​ໂດຍ​ສະ​ເພາະ
​ແລ້ວ​ແມ່ນ​ຢູ່​ທີ່ປະ​ເທດ​ອັງກິດ ທີ່​ຍັງ​ສືບ​ຕໍ່​ເປັນ​ປາຍ​ທາງອັນ​ດັບ​ນຶ່ງຂອງບັນດາ​ນັກ​ສຶກສາ
ອາ​ເມຣິກັນ ​ແຕ່​ລາຍງານ “​ເປີດປະຕູ​ກວ້າງ” ​ສະ​ບັບ​ຫລ້າ​ສຸດ ​ສະ​ແດງ​ໃຫ້​ເຫັນ​ວ່າ ປັດ​ຈຸ
​ບັນນີ້ ​ມີນັກ​ສຶກສາ​ຫຼາຍ​ຂື້ນ​ ທີ່​ເລືອກ​ໄປ​ຮຽນ​ຢູ່​ໃນບັນດາ​ປະ​ເທດ ອາ​ເມ​ຣິ​ກາ​ລາ​ຕິ​ນ
​ແລະ​ຈີນ.

ທ່ານ​ນາງ Christine Farrugia ຈາກ​ສະ​ຖາ​ບັນ​ການ​ສຶກສາ​ນາໆ​ຊາດ​ກ່າວ​ຊີ້​ແຈງວ່າ:

“ປັດຈຸ​ບັນ​ນີິ້ ຈີນ ເປັນ​ປະ​ເທດເຈົ້າພາບອັນດັບ​ຫ້າ ສຳ​ຫລັບພວກນັກ​ສຶກສາຈາກ
ສະຫະລັດ ​ໂດຍ​ໃຫ້​ການຕ້ອນຮັບພວກ​ນັກ​ສຶກສາ​ອາ​ເມ​ຣິ ກັນ​ທັງ​ໝົດ ລາຍ​ກວ່າ 14,000 ຄົນ.”

​ໃນ​ຂະນະ​ທີ່ ບັນດາ​ໂຮງຮຽນໃນ​ສະຫະລັດ ຍັງ​ສືບ​ຕໍ່ດຶງດູດເອົາບັນດາ​ຊາວ​ໜຸ່ມຈາກ​ທົ່ວ​
ໂລກນັ້ນ ການແລກປ່ຽນ​ນັກ​ສຶກສາລະຫວ່າງ​ປະ​ເທດ​ ຕ່າງໆ ກໍ​ພວມ​ເພີ້​ມຂຶ້ນ​ເລື້​ອຍໆ.

ເບິ່ງຄວາມເຫັນ (1)

ຟໍຣັມສະແດງຄວາມເຫັນ ກ່ຽວກັບເລື່ອງນີ້ ອັດແລ້ວ

ລາຍງານບລອກສົດ! ຜົນການເລືອກຕັ້ງ ປະທານາທິບໍດີ ສະຫະລັດ 2020

ລາຍງານບລອກສົດ! ການເລືອກຕັ້ງ ໃນ ສະຫະລັດ ປີ 2020

ອະດີດຮອງປະທານາທິບໍດີິສະຫະລັດ ທ່ານໂຈ ໄບເດັນ ຊຶ່ງເປັນບຸກຄົນທີ່ຮູ້ຈັກກັນດີໃນວົງການເມືອງຂອງນະຄອນ ຫຼວງວໍຊິງຕັນ ເກືອບເຄິ່ງສັດຕະວັດແລ້ວນັ້ນ ຄາດຄະເນກັນວ່າ ຈະເປັນຜູ້ຊະນະການເລືອກຕັ້ງປະທານາທິບໍດີຂອງສະຫະລັດ ແລະຈະໄດ້ສາບານຕົວເຂົ້າຮັບຕຳແໜ່ງໃນວັນທີ 20 ມັງກອນຈະມາ ເປັນປະທານາທິບໍດີທີ່ມີອາຍຸແກ່ທີ່ສຸດ ໃນປະຫວັດສາດ. ທ່ານໄບເດັນ ສັງກັດພັກເດໂມແຄຣັດ ທີ່ໄດ້ເປັນສະມາຊິກສະພາສູງມາ 36 ປີ ແລະ 8 ປີ ເປັນຮອງປະທານາທິບໍດີ ໃນສະໄໝປະທານາທິບໍດີບາຣັກໂອບາມາ ແມ່ນຄາດກັນໂດຍອົງການຂ່າວຕ່າງໆ ໄດ້ເອົາຊະນະປະທານາທິບໍດີດໍໂນລ ທຣຳ ທີ່ລົງສະໝັກແຂ່ງຂັນເອົາຕຳແໜ່ງຕື່ມອີກ ໃນການໂຄສະນາຫາສຽງທີ່ຂົມຂື່ນ ແລະຫຼັງຈາກໄດ້ມີການນັບບັດຄະແນນສຽງຫຼັງຈາກການເລືອກຕັ້ງມາໄດ້ຫຼາຍມື້ແລ້ວ. ຄະແນນສຽງແມ່ນຍັງຈະໄດ້ຮັບການຢືນຢັນຢ່າງເປັນທາງການ ແລະພວມໄດ້ຮັບການທ້າທາຍຢູ່ໃນສານ ແຕ່ກໍຄາດກັນວ່າ ຈະຜ່ານຜ່າໄປໄດ້. ທ່ານໄບເດັນ ໄດ້ຊະນະຕຳແໜ່ງປະທານາທິບໍດີ ໂດຍໄດ້ຮັບຄະແນນຈາກຜູ້ແທນລັດ ຢ່າງໜ້ອຍ 270 ຄະແນນ ຂອງຈຳນວນທັງໝົດ 538 ຄະແນນ. ການໄດ້ຮັບໄຊຊະຂອງທ່ານໄບເດັນ ເຮັດໃຫ້ທ່ານທຣຳເປັນປະທານາທິບໍດີຄົນທີ 3 ໃນຮອບສີ່ທົດສະວັດ ທີ່ບໍ່ສາມາດໄດ້ຮັບເລືອກ ໃຫ້ເຂົ້າຮັບຕຳແໜ່ງຕື່ມອີກ ຫຼັງຈາກໄດ້ຂຶ້ນເປັນປະທານາທິບໍດີ 4 ປີແລ້ວ.

00:30 8.11.2020

ລາຍງານຂ່າວຫຼ້າສຸດ ໃນເຊົ້າວັນເສົາມື້ນີ້ແຈ້ງວ່າ ທ່ານໂຈ ໄບເດັນ ແລະທ່ານນາງຄາມາມາ ແຮຣິສ ຜູ້ສະໝັກເປັນປະທານາທິບໍດີ ຈາກພັກເດໂມແຄຣັດ ໄດ້ຮັບຄະແນນ 273 ຄະແນນສຽງຂອງຜູ້ຕາງໜ້າລັດແລ້ວ ເຊີນເບິ່ງແຜນທີ່ການເລືອກຕັ້ງໃນສະຫະລັດຂອງເຮົາຕື່ມ!

23:51 7.11.2020

ມາຮອດເຊົ້າວັນເສົາມື້ນີ້ ຕາມເວລາໃນພາກຕາເວັນອອກຂອງສະຫະລັດ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍງານໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214 ຄະແນນ. ທ່ານໄບເດັນຕອ້ງການອີກພຽງ 17 ຄະແນນ ຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາ ແມ່ນຕ້ອງການອີກ 56 ຄະແນນຈຶ່ງຈະຮອດ 270 ຄະແນນເພື່ອຈະເຂົ້າກຳຕຳແໜ່ງຕື່ມອີກ 4 ປີ. ເວລານີ້ຫຼາຍລັດຍັງສືບຕໍ່ນັບຄະແນນກັນຢູ່ ແລະລັດຈໍເຈຍ ໄດ້ປະກາດໃນວັນສຸກມື້ວານນີ້ວ່າ ຕົນຈະນັບຄະແນນ ຄືນໃໝ່ທັງໝົດ ຍ້ອນວ່າ ປະທານາທິບໍດີດໍໂນລ ທຣຳ ຜູ້ສະໝັກຂອງພັກຣີພັບບລີກັນ ແລະຜູ້ທ້າຊິງ ຫຼືຄູ່ແຂ່ງຈາກພັກເດໂມແຄຣັດ ທ່ານໂຈ ໄບເດັນ ມີຄະແນນໃກ້ຄຽງກັນຫຼາຍ.

18:52 7.11.2020

ໃນຕອນຄ່ຳຂອງວັນພະຫັດວານນີ້ ປະທານາທິບໍດີດໍໂນລ ທຣຳ ໄດ້ກ່າວອ້າງ ໂດຍບໍ່ມີຫຼັກຖານວ່າ ທ່ານໄດ້ຖືກສໍ້ໂກງ ໃຫ້ອອກຈາກຕໍາແໜ່ງ ໃນສະໄໝທີສອງ. ທ່ານກ່າວວ່າ “ຖ້າທ່ານນັບບັດຄະແນນສຽງທີ່ປ່ອນແບບຖືກຕ້ອງຕາມກົດໝາຍ, ຂ້າພະເຈົ້າຈະໄດ້ຊະນະຢ່າງງ່າຍໆ.” ທ່ານກ່າວຕໍ່ໄປອີກວ່າ "ຖ້າທ່ານນັບບັດຄະແນນສຽງທີ່ຜິດກົດໝາຍ, ພວກເຂົາສາມາດພະຍາຍາມລັກເອົາການເລືອກຕັ້ງໄປ ຈາກພວກເຮົາໄດ້." ທ່ານທຣໍາ ໄດ້ໃຊ້ເວລາ 16 ນາທີ ຢືນກ່າວຄໍາປາໄສ ຢູ່ຫ້ອງປະຊຸມຖະແຫລງຂ່າວ ໃນທຳນຽບຂາວ ໂດຍກ່າວວ່າ ຄະແນນນຳໜ້າຂອງທ່ານທີ່ມີຢູ່ໃນລັດຕ່າງໆກຳລັງຖືກ "ລັກເອົາອອກໄປຢ່າງລັບໆ ເທື່ອລະເລັກລະນ້ອຍ" ໃນຂະນະທີ່ມີການນັບຄະແນນສຽງຍັງສືບຕໍ່ດໍາເນີນໄປຢູ່ນັ້ນ. ມາຮອດວັນສຸກ ຄະແນນສຽງກໍຍັງບໍ່ມີການປ່ຽນແປງ ຈາກທີ່ພວກເຮົາໄດ້ລາຍໄປແລ້ວ ຄື ທ່ານໄບເດັນໄດ້ຮັບ 253 ຄະແນນ ແລະປະທານາທິບໍດີທຣຳ ໄດ້ຮັບ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາແໜ່ງໄວ້ ໃນອີກ 4 ປີຕໍ່ໜ້າ.

19:29 6.11.2020

ໃນຕອນບ່າຍວັນພະຫັດມື້ນີ້ ຕາມເວລາໃນເຂດພາກຕາເວັນອອກຂອງສະຫະລັດ ທ່ານໂຈ ໄບເດັນ ໄດ້ປາກົດຕົວເປັນເວລາສັ້ນໆ ທີ່ນະຄອນວິລມິງຕັນ ໃນລັດເດລາແວ ໂດຍກ່າວວ່າ "ບັດທຸກໆບັດຈະຕ້ອງໄດ້ຖືກນັບ." ທ່ານກ່າວຕື່ມວ່າ "ມັນແມ່ນກ່ຽວກັບວ່າ ປະຊາຊົນໃນປະເທດນີ້ ໄດ້ສະແດງອອກເຖິງການຕັດສິນໃຈຂອງພວກເຂົາເຈົ້າແບບໃດ ແລະມັນເປັນຄວາມປະສົງຂອງຜູ້ມີສິດປ່ອນບັດ ບໍ່ມີໃຜ ແລະບໍ່ມີສິ່ງໃດທັງໝົດ ທີ່ໄດ້ເລືອກເອົາປະທານາທິບໍດີຂອງສະຫະລັດ."

06:13 6.11.2020

ໃນເວລາ 12 ໂມງເຄິ່ງຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທ່ານໂຈ ໄບເດັນ ຄູ່ແຂ່ງຈາກພັກເດໂມແຄຣັດ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ແຕ່ທ່ານປະທານາທິບໍດີ ດໍໂນລ ທຣຳ ໄດ້ຮັບຕື່ມອີກນຶ່ງຄະແນນ ເພີ້ມຂຶ້ນເປັນ 214. ຂະນະນີ້ ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 56 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນຊຶ່ງຄາດໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້. ລາຍງານຂ່າວແຈ້ງວ່າ ມາຮອດວັນພະຫັດມື້ນີ້ ທ່ານໄບເດັນແມ່ນນຳໜ້າ ໃນຄະແນນສຽງຂອງປະຊາຊົນ ຄືໄດ້ 71 ລ້ານ 6 ແສນຄົນ ປຽບທຽບໃສ່ທ່ານທຣຳ ທີ່ໄດ້ຮັບ​ແຕ່ 68​ ລ້ານ 1 ແສນຄົນ ອີງຕາມອົງການຄົ້ນຄວ້າເອດີສັນແລະອົງການຂ່າວເອພີ.

00:38 6.11.2020

ມາຮອດ 7:00 ຕອນເຊົ້າຂອງວັນພະຫັດ, ທີ 5 ພະຈິກ (ຕາມເວລາວໍຊິງຕັນ) ທັງທ່ານໂຈ ໄບເດັນ ແລະປະທານາທິບໍດີດໍໂນລ ທຣຳ ຍັງມີຄະແນນເທົ່າເດີມ ຕາມທີ່ພວກເຮົາໄດ້ລາຍໄປແລ້ວ ຄື 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນ ຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້ ແຕ່ພວກທ່ານກໍສາມາດຕິດຕາມເບິ່ງໜ້າເວັບໄຊຂອງພວກເຮົາ ກ່ຽວກັບຄະແນນຫລ້າສຸດ.

19:20 5.11.2020

ມາຮອດ 9:00 ຕອນຄໍ່າຂອງວັນພຸດ, ທີ 4 ພະຈິກ ທ່ານໂຈ ໄບເດັນໄດ້ຄະແນນຈາກຜູ້ແທນລັດຕື່ມອີກສອງລັດ ຄືມິຊິແກນ ແລະວິສຄັນຊິນ ຈຶ່ງເຮັດໃຫ້ທ່ານນໍາໜ້າ ທ່ານທຣໍາ ໂດຍມີ 253 ຕໍ່ 213 ຄະແນນ. ຂະນະນີ້ທ່ານໄບເດັນຕອ້ງການອີກພຽງ 17 ຄະແນນຈາກຜູ້ແທນລັດ ກໍຈະຊະນະການເລືອກຕັ້ງແລ້ວ. ສ່ວນທ່ານທຣໍາແມ່ນຕ້ອງການອີກ 57 ຄະແນນຈຶ່ງຈະໄດ້ຮອດ 270 ເພື່ອຈະຮັກສາຕໍາ ແໜ່ງຂອງທ່ານໄວ້ອີກ 4 ປີຕໍ່ໜ້າ. ຍັງເຫຼືອອີກຢູ່ 6 ລັດທີ່ຍັງບໍ່ທັນສຳເລັດການນັບຄະແນນເທື່ອບັດເລືອກຕັ້ງທີ່ສົ່ງທາງໄປສະນີ ປະກອບດ້ວຍລັດເພັນຊິລເວເນຍ, ຄາໂຣໄລນາເໜືອ, ຈໍເຈຍ, ເນວາດາ, ອາຣິໂຊນາ ແລະອາລາສກາ. ທ່ານໄບເດັນໄດ້ຊະນະການເລືອກຕັ້ງແບບມີຄະແນນສູສີກັນກັບທ່ານທຣໍາ ໃນລັດວິສຄັນຊິນ ແລະຄະນະໂຄສະນາຫາສຽງຂອງທ່ານທຣໍາ ຢາກໃຫ້ມີການນັບຄະແນນຄືນໃໝ່. ສ່ວນຜົນການເລືອກຕັ້ງຂັ້ນສຸດທ້າຍນັ້ນ ກໍອາດຈະໃຊ້ເວລາອີກຫລາຍວັນຈຶ່ງຮູ້ໄດ້!

ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ
ທ. ໂຈ ໄບເດັນ ໄດ້ຮັບຄະແນນຈາກຜູ້ແທນລັດ 253 ຄະແນນ ແລະ ປ. ດໍໂນລ ທຣຳ ໄດ້ຮັບ 213 ຄະແນນ

08:42 5.11.2020
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະໃນ 3 ລັດ ເທັກຊັສ ມອນຕານາ ແລະ ໄອໂອວາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ປະທານາທິບໍດີ ດໍໂນລ ທຣຳ ໄດ້ຊະນະ ລັດ ຟລໍຣິດາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ
ອະດີດຮອງປະທານາທິບໍດີ ໂຈ ໄບເດັນ ໄດ້ຊະນະ ລັດ ມິນເນໂຊຕາ

ມາເຖິງປັດຈຸບັນນີ້ ຄະແນນຈາກຜູ້ແທນ ຂອງທ່ານດໍໂນລ ທຣຳ ແລະທ່ານໂຈ ໄບເດັນ ສູສີກັນ 213 ຕໍ່ 220 ໃນຂະນະນີ້ ຍັງເຫຼືອອີກຢູ່ 9 ລັດທີ່ຍັງບໍ່ທັນສຳເລັດການນັບຄະແນນສຽງເທື່ອ ປະກອບດ້ວຍລັດ ເມນ ເພັນຊີລເວເນຍ ຄາໂຣໄລນາເໜືອ ຈໍເຈຍ ມິຊິແກນ ວິສຄັນຊິນ ເນວາດາ ອາຣິໂຊນາ ແລະອາລາສກາ ຄາດກັນວ່າ ຜົນການນັບບັດເລືອກຕັ້ງ ທີ່ສົ່ງເຂົ້າໄປທາງໄປສະນີ ຈະເລີ້ມຂຶ້ນໃນຕອນເຊົ້າ ວັນທີ 4 ພະຈິກນີ້ ຢູ່ໃນສະຫະລັດ ແລະຈະໃຊ້ເວລາຫຼາຍສົມຄວນ ບໍ່ຮູ້ວ່າ ຈະແລ້ວເສັດໃນມື້ນີ້ຫຼືບໍ່!

16:01 4.11.2020

ລາຍງານກ່ຽວກັບການນັບຄະແນນສຽງໃນເບື້ອງຕົ້ນຈາກລັດຕ່າງໆທາງພາກຕາເວັນອອກ ທີ່ໄດ້ປິດໜ່ວຍເລືອກຕັ້ງ

ມື້ນີ້ ປະທານາທິບໍດີ ດໍໂນລ ທຣໍາທີ່ສັງກັດພັກຣີພັບບລິກັນ ແລະຄູ່ແຂ່ງຂອງ ທ່ານກໍຄື ອະດີດຮອງປະທານາທິບໍດີ ໂຈ ໄບເດັນໄດ້ຮັບໄຊຊະນະໃນຫລາຍລັດ ແລ້ວ ຂະນະທີ່ຜົນຂອງການເລືອກຕັ້ງກໍາລັງອອກມາເລື້ອຍໆຢູ່ ແລະຊາວອາເມຣິ ກັນຕັດສິນໃຈວ່າໃຜຈະບໍລິຫານປະເທດຈາກທໍານຽບຂາວໃນນຶ່ງສະໄໝກໍຄື 4 ປີຕໍ່ໜ້າ ຊຶ່ງເລີ້ມຈາກເດືອນມັງກອນຈະມາເຖິງນີ້.

ໜ່ວຍເລືອກຕັ້ງຂອງບັນດາລັດຢູ່ໃນເຂດແຄມຝັ່ງທະເລທາງຕາເວັນອອກ ແລະ ຫລາຍໆລັດໃນເຂດພາກໃຕ້ ແລະພາກຕາເວັນຕົກຕອນກາງ ຂອງປະເທດ ໄດ້ປິດລົງ ແລະກໍໄດ້ເລີ້ມນັບຄະແນນສຽງແລ້ວ. ສ່ວນບັນດາລັດໃນພາກຕາເວັນ ຕົກຂອງປະເທດກໍກໍາລັງປິດໜ່ວຍປ່ອນບັດລົງ ແລະກໍຈະເລີ້ມນັບບັດເລືອກຕັ້ງ ໃນໄວໆນີ້.

ໃນຊົ່ວໂມງທີ່ຈະມາເຖິງນີ້ ຄວນເອົາໃຈໃສ່ຕິດຕາມການນັບຄະແນນສຽງໃນລັດທີ່ຕັ້ງແຄມມະຫາສະໝຸດແອດແລນຕິກ ຄືລັດຟລໍຣິດາ ແລະ ຄາໂລໄຣນາເໜືອ- ເຊິ່ງທັງສອງລັດນີ້ໄດ້ຊ່ວຍໃຫ້ທ່ານທຣໍາ ໄດ້ຮັບໄຊຊະນະໃນປີ 2016 ແລະບ່ອນທີ່ການຢັ່ງຫາງສຽງທ້າຍປີນີ້ສະແດງໃຫ້ເຫັນວ່າທ່ານທຣໍາ ແລະທ່ານໄບເດັນມີ ຄະແນນສູສີກັນ. ລັດເພັນໂຊວາເນຍ ທີ່ເປັນລັດຍາດແຍ່ງກັນ ກໍ່ແມ່ນຈຸດສຸມຂອງຄວາມສົນໃຈອີກແຫ່ງນຶ່ງ ແຕ່ອາດຈະບໍ່ລາຍງານຜົນເລືອກຕັ້ງທີ່ສົມບູນເປັນເວລາຫຼາຍມື້. ນັກວິເຄາະກ່າວວ່າທັງສາມລັດແມ່ນມີຄວາມຈຳເປັນ ສຳລັບທ່ານທຣໍາ ຖ້າເພິ່ນຕ້ອງການດຳລົງຕຳແໜ່ງ ເປັນສະໄໝທີສອງແລະຫລີກລ້ຽງການເປັນປະທານາທິບໍດີສະຫະລັດ ຄົນທີສາມໃນສີ່ທົດສະວັດທີ່ຜ່ານມາທີ່ຈະເສຍໄຊຢູ່ໃນການເລືອກຕັ້ງຄືນ.

ສຳລັບທ່ານໄບເດັນແລ້ວ ການໄດ້ໄຊຊະນະໃນລັດໃດກໍ່ຕາມໃນ 3 ລັດນັ້ນແມ່ນຈະເພີ່ມໂອກາດໃຫ້ທ່ານໄດ້ຮັບຕຳແໜ່ງປະທານາທິບໍດີໃນການພະຍາຍາມຄັ້ງທີສາມຂອງທ່ານ. ທ່ານໄດ້ສູນເສຍການແຂ່ງຂັນເປັນຜູ້ຕາງໜ້າພັກເດໂມແຄຣັດ ເພື່ອເຂົ້າຮ່ວມການເລືອກຕັ້ງປະທານາທິບໍດີ ໃນປີ 1988 ແລະ 2008 ມາແລ້ວ.

ໃນການເລືອກເອົາຜູ້ນໍາປະເທດນັ້ນສະຫະລັດແມ່ນໃຊ້ລະບົບປະຊາທິປະໄຕແບບທາງອ້ອມ ຊຶ່ງບໍ່ໄດ້ເອົາຕາມຄະແນນນິຍົມຂອງປະຊາຊົນທັງຊາດ. ຜົນຂອງການເລືອກຕັ້ງແມ່ນຖືກຕັດສິນໂດຍການເລືອກຕັ້ງຢູ່ໃນແຕ່ລະລັດໃນທົ່ວປະເທດ ທີ່ມີ 50 ລັດ ແລະນະຄອນຫລວງວໍຊິງຕັນ. ເພື່ອຈະໃຫ້ໄດ້ໄຊຊະນະ ໃນການເລືອກຕັ້ງ, ຜູ້ສະໝັກປະທານາທິບໍດີຕ້ອງໄດ້ຮັບ 270 ຄະແນນສຽງ ຈາກຜູ້ແທນໃນລັດ ທີ່ມີສະມາຊິກທັງໝົດ 538 ຄົນ ກໍຄື 538 ສຽງນັ້ນ.

ການເລືອກຕັ້ງປະທານາທິບໍດີສະຫະລັດຈັດຂຶ້ນໃນທຸກໆ 4 ປີໃນວັນອັງຄານທໍາອິດຂອງເດືອນພະຈິກ ຊຶ່ງປີນີ້ກໍກົງກັບວັນທີ 3 ກໍຄືມື້ນີ້ເອງ. ຕາມປົກກະຕິແລ້ວປະຊາຊົນອາເມຣິກັນພາກັນໄປປ່ອນບັດດ້ວຍຕົວເອງຢູ່ສະຖານທີ່ບ່ອນບັດຕ່າງໆ. ແຕ່ວ່າໃນປີນີ້ຍ້ອນການລະບາດຂອງໄວຣຣັສໂຄໂຣນາຫລາຍໆ ລັດແມ່ນຈັດໃຫ້ມີການປ່ອນບັດກ່ອນການເລືອກຕັ້ງ ຊຶ່ງຜູ້ມີສິດປ່ອນບັດ ເລືອກຕັ້ງ ສາມາດສົ່ງບັດລົງຄະແນນສຽງຂອງຕົນໄປທາງໄປສະນີ ຫລືໄປປ່ອນບັດດ້ວຍ ຕົວເອງກ່ອນວັນເລືອກຕັ້ງຕາມສະຖານທີ່ທີ່ຈັດໄວ້ໃຫ້ໃນເມືອງ ແລະເຂດເລືອກ ຕັ້ງຕ່າງໆ ອີງຕາມກົດລະບຽບຂອງແຕ່ລະລັດ.

10:47 4.11.2020
ມີລາຍງານ ຕື່ມອີກ

ທ່ານອາດຈະມັກເລື້ອງນີ້ຄືກັນ

XS
SM
MD
LG