ທ່ານນາງ Janet Napolitano ລັດຖະມົນຕີກະຊວງຄວາມໝັ້ນຄົງພາຍໃນປະເທດຂອງສະຫະລັດ ເດີນທາງໄປລັດ Oklahoma ໃນວັນພຸດມື້ນີ້ ເພື່ອປະເມີນເບິ່ງການປະຕິບັດງານຊ່ອຍກູ້ໄພ ໃນເມືອງ Moore ທີ່ໄດ້ຖືກພາຍຸ Tornado ກະທົບຢ່າງຮ້າຍແຮງ ທີ່ພາໃຫ້ມີຜູ້ເສຍຊີວິດຢ່າງນ້ອຍ 24 ຄົນ ແລະ 240 ຄົນໄດ້ຮັບບາດເຈັບ.
ກະຊວງຂອງທ່ານນາງ Napolitano ແມ່ນກວມທັງ ຫ້ອງການຊ່ວຍເຫລືອສຸກເສີນຂອງລັດຖະ ບານກາງ ຫລື FEMA ຊຶ່ງມີທີມງານ ກໍາລັງຂຸ້ນຂ້ຽວ ໃຫ້ການຊ່ອຍເຫຼືອໃນການຊອກຄົ້ນຫາ ແລະກູ້ໄພ ຕີລາຄາຄວາມເສຍຫາຍ ແລະສະໜອງການຊ່ອຍເຫຼືອຂອງລັດຖະບານກາງ ໃຫ້ແກ່ພວກຊາວເມືອງທີ່ໄດ້ຮັບເຄາະຍ້ອນໄພພິບັດ ຈາກພາຍຸ Tornado ຂອງວັນຈັນແລ້ວນີ້.
ພາຍຸດັ່ງກ່າວ ໄດ້ທໍາລາຍ ອານາເຂດອັນກວ້າງໃຫຍ່ຂອງ ເມືອງ Moore ທາງພາກກາງຂອງສະຫະລັດ ດ້ວຍອັນທີ່ເຈົ້າໜ້າທີ່ອຸຕຸນິຍົມ ກ່າວວ່າ ລົມແຮງທີ່ມີຄວາມໄວຢ່າງນ້ອຍ 322 ກິໂລແມັດ ຕໍ່ຊົ່ວໂມງ.
ຫົວໜ້າໜ່ວຍດັບເພິີງຂອງເມືອງກ່າວວ່າ ພວກເຈົ້າໜ້າທີ່ກູ້ໄພຈະບໍ່ລົດລະຄວາມພະຍາ ຍາມຊອກຄົ້ນຫາພວກທີ່ອາດຈະຍັງມີຊີວິດລອດຢູ່ນັ້ນ ແລະວາງແຜນທີ່ຈະຮື້ຄົ້ນຕາມຊາກຫັກພັກຂອງແຕ່ລະຕຶກອາຄານ ຢ່າງນ້ອຍ 3 ເທື່ອ.
![Massive Tornado Hits Oklahoma]()
Photo Gallery:
ປະທານນາທິບໍດີ Barrack Obama ໄດ້ປະກາດໃຫ້ເຂດນະຄອນ Oklahoma City ເປັນເຂດຫາຍະນະຮ້າຍແຮງ ຍ້ອນໄພພິບັດຈາກພາຍຸ Tornado ລູກນີ້. ທ່ານກ່າວວ່າ ຊາວເມືອງ Moore ນັ້ນຈະບໍ່ຢູ່ໂດດດ່ຽວລໍາພັງຜູ້ດຽວ ໃນຂະນະທີ່ພວກເຂົາເຈົ້າພື້ນຕົວຄືນແລະ ສ້າງສາພັດທະນາຄືນໃໝ່.
“ຊາວເມືອງ Moore ຄວນຮູ້ວ່າ ປະເທດຂອງພວກເຂົາເຈົ້ານັ້ນ ຈະຢູ່ຄຽງບ່າ
ຄຽງໄລ່ຊ່ວຍເຫລືອ ພວກເຂົາເຈົ້າຢູ່ທີ່ນັ້ນ ດົນເທົ່າທີ່ຈໍາເປັນ ເພາະວ່າບ້ານເຮືອນ
ແລະໂຮງຮຽນ ທີ່ຈະຕ້ອງໄດ້ສ້າງສາຄືນໃໝ່ ມີຫ້າງຮ້ານທຸລະກິດແລະໂຮງ
ພະຍາບານ ທີ່ຈະຕ້ອງໄດ້ເປີດຄືນໃໝ່ ມີພໍ່ແມ່ທີ່ເສຍລູກເຕົ້າໄປ ທີ່ຈະຕ້ອງ
ໄດ້ປອບໂຍນ ມີພວກໄປຊ່ວຍກູ້ໄພ ຊຸດທໍາອິດທີ່ຈະຕ້ອງໄດ້ປອບໂຍນຄືກັນ
ແລະແນ່ນອນ ມີພວກເດັກນ້ອຍທີ່ຕົກໃຈ ອົກສັ່ນຂັວນຫາຍ ທີ່ມີຄວາມຈໍາເປັນ
ຢ່າງຍິ່ງ ທີ່ເຮົາຈະຕ້ອງໃຫ້ຄວາມຮັກແລະຄວາມເອົາໃຈໃສ່ ຢ່າງຕໍ່ເນື່ອງແລະ
ຕະຫຼອດໄປ.”
ເມືອງ Moore ຕັ້ງຢູ່ໃນເຂດຊານເມືອງ Oklahoma City ຊຶ່ງເປັນເມືອງເອກຂອງລັດ Oklahoma. ພາຍຸ Tornado ເຄີຍໄດ້ປະທະເມືອງນີ້ມາແລ້ວ ໃນປີ 1999.
ຫລັງຈາກຢ້ຽມຢາມເມືອງ Moore ແລ້ວ ໃນບ່າຍວັນພຸດມື້ນີ້ ທ່ານນາງ Napolitano ຈະເດີນທາງໄປ ທີ່ເມືອງ Joplin ລັດ Missouri ເພື່ອຮ່ວມພິທີຄົບຮອບ 2 ປີ ຂອງ Tornado ລູກນຶ່ງ ທີ່ໄດ້ສັງຫານ 161 ຄົນ ໃນວັນທີ 22 ເດືອນ ພຶດສະພາ 2011 ຊຶ່ງເປັນໄພພິບັດຂອງລົມພາຍຸທີ່ຮ້າຍແຮງທີ່ສຸດ ໃນສະຫະລັດ ໃນຮອບ 6 ທົດສະວັດ.
ກະຊວງຂອງທ່ານນາງ Napolitano ແມ່ນກວມທັງ ຫ້ອງການຊ່ວຍເຫລືອສຸກເສີນຂອງລັດຖະ ບານກາງ ຫລື FEMA ຊຶ່ງມີທີມງານ ກໍາລັງຂຸ້ນຂ້ຽວ ໃຫ້ການຊ່ອຍເຫຼືອໃນການຊອກຄົ້ນຫາ ແລະກູ້ໄພ ຕີລາຄາຄວາມເສຍຫາຍ ແລະສະໜອງການຊ່ອຍເຫຼືອຂອງລັດຖະບານກາງ ໃຫ້ແກ່ພວກຊາວເມືອງທີ່ໄດ້ຮັບເຄາະຍ້ອນໄພພິບັດ ຈາກພາຍຸ Tornado ຂອງວັນຈັນແລ້ວນີ້.
ພາຍຸດັ່ງກ່າວ ໄດ້ທໍາລາຍ ອານາເຂດອັນກວ້າງໃຫຍ່ຂອງ ເມືອງ Moore ທາງພາກກາງຂອງສະຫະລັດ ດ້ວຍອັນທີ່ເຈົ້າໜ້າທີ່ອຸຕຸນິຍົມ ກ່າວວ່າ ລົມແຮງທີ່ມີຄວາມໄວຢ່າງນ້ອຍ 322 ກິໂລແມັດ ຕໍ່ຊົ່ວໂມງ.
ຫົວໜ້າໜ່ວຍດັບເພິີງຂອງເມືອງກ່າວວ່າ ພວກເຈົ້າໜ້າທີ່ກູ້ໄພຈະບໍ່ລົດລະຄວາມພະຍາ ຍາມຊອກຄົ້ນຫາພວກທີ່ອາດຈະຍັງມີຊີວິດລອດຢູ່ນັ້ນ ແລະວາງແຜນທີ່ຈະຮື້ຄົ້ນຕາມຊາກຫັກພັກຂອງແຕ່ລະຕຶກອາຄານ ຢ່າງນ້ອຍ 3 ເທື່ອ.
Massive Tornado Hits Oklahoma
ປະທານນາທິບໍດີ Barrack Obama ໄດ້ປະກາດໃຫ້ເຂດນະຄອນ Oklahoma City ເປັນເຂດຫາຍະນະຮ້າຍແຮງ ຍ້ອນໄພພິບັດຈາກພາຍຸ Tornado ລູກນີ້. ທ່ານກ່າວວ່າ ຊາວເມືອງ Moore ນັ້ນຈະບໍ່ຢູ່ໂດດດ່ຽວລໍາພັງຜູ້ດຽວ ໃນຂະນະທີ່ພວກເຂົາເຈົ້າພື້ນຕົວຄືນແລະ ສ້າງສາພັດທະນາຄືນໃໝ່.
“ຊາວເມືອງ Moore ຄວນຮູ້ວ່າ ປະເທດຂອງພວກເຂົາເຈົ້ານັ້ນ ຈະຢູ່ຄຽງບ່າ
ຄຽງໄລ່ຊ່ວຍເຫລືອ ພວກເຂົາເຈົ້າຢູ່ທີ່ນັ້ນ ດົນເທົ່າທີ່ຈໍາເປັນ ເພາະວ່າບ້ານເຮືອນ
ແລະໂຮງຮຽນ ທີ່ຈະຕ້ອງໄດ້ສ້າງສາຄືນໃໝ່ ມີຫ້າງຮ້ານທຸລະກິດແລະໂຮງ
ພະຍາບານ ທີ່ຈະຕ້ອງໄດ້ເປີດຄືນໃໝ່ ມີພໍ່ແມ່ທີ່ເສຍລູກເຕົ້າໄປ ທີ່ຈະຕ້ອງ
ໄດ້ປອບໂຍນ ມີພວກໄປຊ່ວຍກູ້ໄພ ຊຸດທໍາອິດທີ່ຈະຕ້ອງໄດ້ປອບໂຍນຄືກັນ
ແລະແນ່ນອນ ມີພວກເດັກນ້ອຍທີ່ຕົກໃຈ ອົກສັ່ນຂັວນຫາຍ ທີ່ມີຄວາມຈໍາເປັນ
ຢ່າງຍິ່ງ ທີ່ເຮົາຈະຕ້ອງໃຫ້ຄວາມຮັກແລະຄວາມເອົາໃຈໃສ່ ຢ່າງຕໍ່ເນື່ອງແລະ
ຕະຫຼອດໄປ.”
ເມືອງ Moore ຕັ້ງຢູ່ໃນເຂດຊານເມືອງ Oklahoma City ຊຶ່ງເປັນເມືອງເອກຂອງລັດ Oklahoma. ພາຍຸ Tornado ເຄີຍໄດ້ປະທະເມືອງນີ້ມາແລ້ວ ໃນປີ 1999.
ຫລັງຈາກຢ້ຽມຢາມເມືອງ Moore ແລ້ວ ໃນບ່າຍວັນພຸດມື້ນີ້ ທ່ານນາງ Napolitano ຈະເດີນທາງໄປ ທີ່ເມືອງ Joplin ລັດ Missouri ເພື່ອຮ່ວມພິທີຄົບຮອບ 2 ປີ ຂອງ Tornado ລູກນຶ່ງ ທີ່ໄດ້ສັງຫານ 161 ຄົນ ໃນວັນທີ 22 ເດືອນ ພຶດສະພາ 2011 ຊຶ່ງເປັນໄພພິບັດຂອງລົມພາຍຸທີ່ຮ້າຍແຮງທີ່ສຸດ ໃນສະຫະລັດ ໃນຮອບ 6 ທົດສະວັດ.
