ລິ້ງ ສຳຫລັບເຂົ້າຫາ

logo-print

ສະ​ຫະ​ລັດ ໂຈມ​ຕີ​ຕອບ​ໂຕ້ ໃນ ອີ​ຣັກ ແນ​ເປົ້າ​ໃສ່ພວກ​ທະ​ຫານ​ບ້ານ ທີ່​ອີ​ຣ່ານໜຸນ​ຫຼັງ​


ທະ​ຫານ ອີ​ຣັກ ຄົນ​ນຶ່ງ​ຢືນ​ຍາມ​ຢູ່​ໃກ້​ເຮືອ​ບິນ​ລົບ F-16, ຖ​ານ​ທັບ​ອາ​ກາດ ບາ​ລາດ, ພາກ​ເໜືອ​ຂອງ ນະ​ຄອນຫຼວງ ແບັກ​ແດດ, ອີ​ຣັກ. 13 ກຸມ​ພາ, 2018.

ເຮືອ​ບິນ​ລົບ ສະ​ຫະ​ລັດ ທີ່​ບິນ​ຜ່ານ​ທ້ອງ​ຟ້າ​ ຂອງ ອີ​ຣັກ ໄດ້ໂຈມຕີຫຼາຍ​ຄັ້ງ​ຕໍ່​ທີ່​ຕັ້ງ​ຂອງ​ກຸ່ມ​ທະ​ຫານ​ບ້ານ ​ທີ່​ໄດ້​ຮັບ​ການ​ໜູນຫຼັງ​ໂດຍ ອີ​ຣ່ານ, ເພື່ອ​ພະ​ຍາ​ຍາມ​ແກ້​ແຄ້ນ ສຳ​ລັບ​ການ​ໂຈມ​ຕີ​ທີ່​ຮ້າຍ​ແຮງ​ຕໍ່​ກອງ​ທະ​ຫານ ສະ​ຫະ​ລັດ ແລະ ພັນ​ທະ​ມິດ​ພຽງ 24 ຊົ່​ວ​ໂມງ​ກ່ອນ​ໜ້າ​ນັ້ນ.

ການ​ໂຈມ​ຕີ​ທາງ​ອາ​ກາດໃນ​ຕອນ​ຄ່ຳ​ຂອງວັນ​ພະ​ຫັດ ແລະ ວັນ​ສຸກມື້ນີ້ ໄດ້​ແນ​ເປົ້າ​ໃສ່​ຄັງ​ອາ​ວຸດ 5 ແຫ່ງ​ຂອງ​ພວກ ເຮັ​ສໂ​ບລ​ລາ ກາ​ຕາ​ອິບ, ທີ່​ຖືກ​ຖິ້​ມ​ໂທດ​ໃນ​ການ​ໂຈມ​ຕີ​ດ້ວຍ​ຈະຫຼວດ​ໃສ່​ຖານ​ທັບ ອີ​ຣັກ ທາງ​ພາກ​ເໜືອ​ຂອງ​ນະ​ຄອນ ຫຼວງ ແບັກ​ແດດ ໃນ​ຄືນ​ວັນ​ພຸດ​ທີ່​ຜ່ານ​ມາ ທີ່​ໄດ້​ສັງ​ຫານ​ທະ​ຫານ ສະ​ຫະ​ລັດ ສອງ​ຄົນ ແລະ ທະ​ຫານ ອັງ​ກິດ ຄົນ​ນຶ່ງ, ແລະ 14 ຄົນ​ອື່ນໆ​ໄດ້​ຮັບ​ບາດ​ເຈັບ.

ໃນ​ຖະ​ແຫຼງ​ການ​ສະ​ບັບ​ນຶ່ງ, ທຳ​ນຽບ​ຫ້າ​ແຈ ໄດ້​ອະ​ທິ​ບາຍ​ການ​ໂຈມ​ຕີ​ຕ່າງໆວ່າ “ເປັນ​ການ​ປ້ອງ​ກັນ​ຕົວ, ​ສົມສ່ວນ, ແລະ ເປັນ​ການ​ຕອບ​ໂຕ້​ໂດຍ​ກົງ​ຕໍ່​ໄພ​ຂົ່ມ​ຂູ່,” ແລະ ໄດ້​ກ່າວ​ຕື່ມ​ວ່າ​ຄັງ​ອາ​ວຸດ​ບາງ​ແຫ່ງ​ໄດ້​ຖືກ​ໃຊ້​ເພື່ອ​ເກັບ​ຈະຫຼວດກາ​ຢຸດ​ຊາ (Katyusha) ທີ່​ຖືກ​ໃຊ້​ໃນ​ການ​ໂຈມ​ຕີ​ຖານ​ທັບຕາ​ຈີ (Camp Taji).

ຖະ​ແຫຼງ​ການ​ຂອງ ສະ​ຫະ​ລັດ ຍັງ​ໄດ້​ກ່າວ​ວ່າ ການ​ໂຈມ​ຕີ​ຕໍ່​ພວກ ເຮັ​ສໂບ​ລ​ລາ ກາ​ຕາ​ອິບ ແມ່ນ​ແນ​ໃສ່​ເພື່ອ “ຫຼຸດ​ຜ່ອນ​ຄວາມ​ສາ​ມາດ​ຂອງ​ພວກ​ເຂົາ​ຢ່າງຫຼວງ ຫຼາຍ ​ໃນ​ການ​ດຳ​ເນີນ​ການ​ໂຈມ​ຕີ​ໃນ​ອະ​ນາ​ຄົດ ​ຕໍ່ກອງ​ບັນ​ຊາ​ການ​ປະ​ຕິ​ບັດ​ການ​ຮ່ວມ​ຂອງ​ກຳ​ລັງ​ພັນ​ທະ​ມິດ.”

ໃນ​ຖະ​ແຫຼງ​ການ​ທີ່​ອອກ​ໃນ​ວັນ​ສຸກມື້ນີ້ ໂຄ​ສົກ​ກະ​ຊວງ​ການ​ຕ່າງ​ປະ​ເທດ​ອີ​ຣ່ານ
ທ່​ານ​ອັບ​ບາ​ສ ມູ​ຊາ​ວີ ກ່າວ​ວ່າ “ແທນ​ທີ່​ຈະ​ເອົາ​ບາດ​ກ້າວ ​ທີ່​ເປັນ​ອັນ​ຕະ​ລາຍ

ກ່າວ​ຫາ​ແບບ​ບໍ່​ມີ​ພື້ນ​ຖານນັ້ນ ທ່ານ​ທ​ຣຳ​ຄວນ​ພິ​ຈາ​ລະ​ນາ​ຄືນ​ໃໝ່ ກ່ຽວ​ກັບ​ການ
ມີ​ໜ້າ​ແລະ​ການ​ກະ​ທຳ​ຂອງ​ພວກ​ທະ​ຫານ​ຂອງ​ທ່ານ​ຢູ່​ໃນ​ພາ​ກ​ພື້ນນີ້.”

ກອງ​ທັບ ອີ​ຣັກ ໄດ້​ຢືນ​ຢັນ​ການ​ໂຈມ​ຕີ​ຕ່າງໆ, ໂດຍ​ເວົ້າ​ວ່າ ສະ​ຖານ​ທີ່​ເປົ້າ​ໝາຍ​ບາງ​ແຫ່ງ ແມ່ນ​ໄດ້​ເພີ່ມ​ຂຶ້ນ​ເປັນ​ສອງ​ເທົ່າ​ ເຊິ່ງ​ແມ່ນ​ສຳ​ນັກ​ງານ​ໃຫຍ່​ຂອງ​ພວກ​ທະ​ຫານ​ບ້ານ.

ການ​ດຳ​ເນີນ​ການ​ຂອງ ສະ​ຫະ​ລັດ ແມ່ນ​ວ່ອງ​ໄວ ແຕ່ບໍ່​ແມ່ນ​ສິ່ງ​ທີ່ບໍ່​ຄາດ​ຄິດ ໃນ​ຂະ​ນະ​ທີ່​ບັນ​ດາ​ເຈົ້າ​ໜ້າ​ທີ່​ກະ​ຊວງ​ປ້ອງ​ກັນ​ປະ​ເທດ ແລະ ກອງ​ທັບ​ໄດ້​ລະ​ບຸ​ໃນ​ຕອນ​ເຊົ້າ​ວັນ​ພະ​ຫັດ​ວານນີ້​ວ່າ ມັນ​ຂຶ້ນ​ກັບ​ເວ​ລາ ກ່ອນ​ທີ່​ ສະ​ຫະ​ລັດ ຈະ​ຕອບ​ໂຕ້.

ລັດ​ຖະ​ມົນ​ຕີ​ປ້ອງ​ກັນ​ປະ​ເທດ ທ່ານ ມາກ ເອັ​ສ​ເປີ ໄດ້​ກ່າວ​ຕໍ່​ບັນ​ດາ​ນັກ​ຂ່າວ​ຢູ່​ທຳ​ນຽບ​ຫ້າ​ແຈ​ວ່າ “ສະ​ຫະ​ລັດ ຈະ​ບໍ່​ຍອມ​ໃຫ້​ມີ​ການ​ໂຈມ​ຕີ​ໃສ່​ປ​ະ​ຊາ​ຊົນ​ຂອງ​ພວກ​ເຮົາ, ຜົນ​ປະ​ໂຫຍດ​ຂອງ​ພວກ​ເຮົາ ຫຼື ພັນ​ທະ​ມິດ​ຂອງ​ພວກ​ເຮົາ, ເຈົ້​າ​ຈະ​ຍິງ​ໃສ່​ຖານ​ທັບ​ຂອງ​ພວກ​ເຮົາ​ບໍ່​ໄດ້ ແລະ ສັງ​ຫານ ແລະ ເຮັດ​ໃຫ້​ຄົນ​ ອາ​ເມ​ຣິ​ກັນ ບາດ​ເຈັບ ແລ້ວ​ໜີ​ໄປ​ບໍ່​ໄດ້.”

ແມ່ນ​ກະ​ທັ້ງ​ກ່ອນ​ໜ້ານີ້, ຜູ້​ບັນ​ຊາ​ການ​ຂອງກອງ​ກຳ​ລັງ ສະ​ຫະ​ລັດ ​ໃນພາກ​ຕາ​ເວັນ​ອອກ​ກາງ ນາຍ​ພົນ. ເຄັນ​ເນັດ ແມັກ​ເຄັນ​ຊີ ໄດ້​ກ່າວ​ຕໍ່​ບັນ​ດາ​ສະ​ມາ​ຊິກ​ສະ​ພາ​ວ່າ ການ​ຕາຍ​ຂອງກອງ​ທະ​ຫານ ສະ​ຫະ​ລັດ ຫຼື ພັນ​ທະ​ມິດ ແມ່ນ “ເສັ້ນສີ​ແດງ.”

ທ່ານ​ໄດ້​ກ່າວ​ຕື່ມ​ວ່າ ​ບໍ່​ມີ​ຄວາມ​ສົງ​ໄສຫຍັງ​ຫຼາຍວ່າ​ແມ່ນ​ໃຜ​ເປັນ​ຜູ້​ຮັບ​ຜິດ​ຊອບ.

ອ່ານ​ຂ່າວນີ້​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG