ລັດຖະມົນຕີການຕ່າງປະເທດສະຫະລັດ ທ່ານນາງ Hillary Clinton ກ່າວວ່າ ສະຫະ
ລັດຈຳເປັນຕ້ອງໄດ້ນຳເອົາເລື່ອງເສດຖະກິດ ມາເປັນຈຸດໃຈກາງຂອງນະໂຍບາຍການ
ຕ່າງປະເທດ ແລະຍື່ນມືໄປຫາເຂດປາຊີຟິກ ເພື່ອເສີມສ້າງການເປັນພັນທະມິດທີ່ເຂັ້ມແຂງ
ກັບເອເຊຍ.
ໃນຄຳປາໄສທີ່ກະກຽມສຳລັບກ່າວໃນວັນສຸກມື້ນີ້ ຢູ່ທີ່ສະໂມສອນເສດຖະກິດ ໃນນະຄອນ
ນິວຢອກນັ້ນ ທ່ານນາງ Clinton ຈະແຈ້ງໃຫ້ພວກຜູ້ນຳທຸລະກິດຊາບວ່າ ສະຫະລັດກຳລັງ
ປະເຊີນກັບໂລກບ່ອນທີ່ອຳນາດຈະໄດ້ຮັບການຕັດສິນຫຼາຍຂຶ້ນນັບມື້ໂດຍເສດຖະກິດ ແທນ
ທີ່ຈະແມ່ນຄວາມເຂັ້ມແຂງທາງທະຫານ ນອກນັ້ນແລ້ວ ທ່ານນາງຍັງຈະເວົ້າວ່າ ຄວາມສຳ
ພັນທີ່ເຂັ້ມແຂງຂ້າມມະຫາສະມຸດອັດລັນຕິກທີ່ວໍຊິງຕັນໄດ້ຫຼໍ່ຫຼອມມາກັບຢູໂຣບນັ້ນຕ້ອງໄດ້
ຖອດແບບຫຼືນຳມາໃຊ້ຊໍ້າຄືນກັບພາກພື້ນເອເຊຍ.
ທ່ານ Patrick Chovanec ສາສະດາຈານສອນວິຊາເສດຖະສາດທີ່ມະຫາວິທະຍາໄລ
Tsinghua ໃນກຸງປັກກິ່ງ ກ່າວຕໍ່ວີໂອເອວ່າ ແຜນການໃຫ້ຄວາມເຫັນດັ່ງກ່າວຂອງທ່ານ
ນາງ Clinton ແມ່ນໄດ້ສະແດງໃຫ້ເຫັນເຖິງການເນັ້ນຢໍ້າອີກຄັ້ງນຶ່ງເຖິງເຂດເອເຊຍ ໂດຍ
ສະເພາະແລ້ວແມ່ນມີຂຶ້ນ ໃນຂະນະທີ່ສະຖານະພາບທາງດ້ານເສດຖະກິດຂອງຈີນພວມ
ເຕີບໃຫຍ່ຂະຫຍາຍໂຕແລະຄວາມທະເຍີທະຍານກ່ຽວກັບເລື່ອງເຂດນໍ້າແດນດິນຂອງຕົນ ໃນຍ່ານມະຫາສະມຸດປາຊີຟິກ.
ສາສະດາຈານ Chovanec ເວົ້າວ່າ ນຶ່ງໃນການເນັ້ນຢໍ້າຂອງລັດຖະບານທ່ານໂອບາມາ
ໃນໄລຍະສອງປີຜ່ານມານີ້ ກໍແມ່ນ ເພື່ອພະຍາຍາມເວົ້າວ່າພວກເຮົາໄດ້ກັບຄືນມາແລ້ວ. ເວລານີ້ຂ້າພະເຈົ້າບໍ່ຄິດວ່າ ສະຫະລັດເຄີຍໄດ້ຈາກເຂດເອເຊຍໄປເລີຍ ແຕ່ໃນເລື່ອງ
ຄວາມເຂົ້າໃຈແລະການເນັ້ນຢໍ້າແລ້ວແນ່ນອນມັນເປັນເນື້ອໄນທີ່ສຳຄັນ.
ນອກນັ້ນ ທ່ານນາງ Clinton ຍັງຈະກ່າວຢໍ້າວ່າ ການປະສານໃນດ້ານນະໂຍບາຍເສດ
ຖະກິດແລະການຕ່າງປະເທດຕ້ອງໄດ້ມີການນໍາໃຊ້ເພື່ອຮັບມືກັບສະຖານະການທີ່ພວມ
ມີການປ່ຽນແປງຢູ່ໃນພາກຕາເວັນອອກກາງ ໂດຍເວົ້າວ່າ ການຕື່ນໂຕທາງດ້ານການ
ເມືອງຂອງຊາວອາຣັບ ຕ້ອງເປັນການຕື່ນໂຕທາງດ້ານເສດຖະກິດນຳດ້ວຍ.
