ລິ້ງ ສຳຫລັບເຂົ້າຫາ

ສະຫະລັດຊ່ວຍເຫລືອລາວ ອະນຸລັກສັດປ່າ

  • ດາຣາ ບັກຄໍາ

ເອກອັກຄະລັດຖະທູດສະຫະລັດ ທ່ານນາງ Karen Stewart ມອບເຊັກຊ່ວຍເຫລືອຂອງສະຫະລັດ ຈໍານວນ $14,400 ໃຫ້ທ່ານ ວົງແສງ ເຮືອງພັນໄຊ ຫົວໜ້າຄະນະປົກຄອງເຂດເມືອງວຽງທອງ ແຂວງຫົວພັນ ສໍາລັບກໍ່ສ້າງສະຖານີປ່າໄມ້ນ້ອຍ San Ong ໃນ ເຂດປ່າສະຫງວນນໍ້າແອດ.

ເມື່ອໄວໆມານີ້ ທາງການ ສປປ ລາວ ໄດ້ທໍາພິທີເປີດສະຖານີປ່າໄມ້ນ້ອຍ ທີ່ເປັນສາຂາ ຂອງສະຖານີໃຫຍ່ນັ້ນ ຢູ່ໃນເຂດປ່າສະຫງວນແຫ່ງຊາດ ນໍ້າແອັດ-ພູເລີຍ ທີ່ແຂວງຫົວພັນ ຊຶ່ງສ້າງຂຶ້ນດ້ວຍເງິນຊ່ວຍເຫລືອລ້າ ຈາກສະຫະລັດ. ດາຣາມີລາຍລະອຽດກ່ຽວກັບເລື້ອງນີ້ ມາສະເໜີທ່ານ ໃນອັນດັບຕໍ່ໄປ.

ທ່ານນາງ Karen B. Stewart ເອກອັກຄະລັດຖະທູດສະຫະລັດປະຈໍາ ສປປ ລາວ ໄດ້ເຂົ້າຮ່ວມໃນພິທີເປີດສະຖານີປ່າໄມ້ນ້ອຍໃນເຂດສະຫງວນແຫ່ງຊາດນໍ້າແອດ-ພູເລີຍ
ໃນແຂວງຫົວພັນ ຢ່າງ​ເປັນ​ທາງ​ການ ເມື່ອວັນທີ 28 ເດືອນມີນາ ທີ່ຜ່ານມາ.

ໃນພິທີດັ່ງກ່າວນີ້ ຍັງໄດ້ມີບຸກຄົນສໍາຄັນຫລາຍທ່ານເຂົ້າຮ່ວມນໍາ ເຊັ່ນ ທ່ານຄໍາຮຸ່ງ
ເຮືອງວົງສາ ເຈົ້າແຂວງໆຫົວພັນ, ທ່ານພົມມາ ຄໍາມະນີຈັນ ເອກອະທິບໍດີກົມພາກ
ພື້ນຢຸໂຣບແລະອາເມຣິກາ ຂອງກະຊວງຕ່າງປະເທດ ​ແລະເຈົ້າເມືອງ ພ້ອມທັງນາຍ
ບ້ານຈາກ 20 ໝູ່ບ້ານ ທີ່ຕັ້ງຢູ່ພາຍໃນເຂດປ່າສະຫງວນ. ພິທີໄດ້ຈັດຂຶ້ນທີ່ໂຮງຮຽນ
ປະຖົມສົມບູນເກດສອນ ທີ່ຕັ້ງຢູ່ບໍ່ຫ່າງຈາກສະຖານີປ່າໄມ້ນ້ອຍດັ່ງກ່າວ.

ໃນຄໍາປາໃສຂອງທ່ານນາງນັ້ນ ເອກອັກຄະລັດຖະທູດສະຫະລັດກ່າວວ່າ ສະຫະລັດ
ແມ່ນມີຄວາມໝັ້ນໝາຍຕໍ່ການຊ່ວຍເຫລືອລັດຖະບານ ສປປ ລາວ ພິທັກປົກປ້ອງ
ແຫລ່ງທີ່ຢູ່ທໍາມະຊາດຂອງສັດປ່າ ແລະລະບົບຊີວະນາໆພັນ.

ທ່ານນາງເອກອັກຄະລັດຖະທູດ Karen Stewart ກ່າວຕໍ່ໄປວ່າ ສະຖານີປ່າໄມ້ນ້ອຍ
ແຫ່ງນີ້ ແລະ​ແຫ່ງອື່ນໆທີ່ສະໜັບສະໜຸນໂດຍທຶນຊ່ວຍເຫລືອລ້າກ້ອນນີ້ ​ແມ່ນເປັນ
ຕົວຢ່າງຂອງຄວາມໝັ້ນໝາຍຂອງສະຫະລັດ ທີ່ຈະຊ່ວຍເຫລືອລັດຖະບານລາວພິທັກ
ປົກປ້ອງຊັບພະຍາກອນທໍາມະຊາດທັງຫລາຍ ເອົາໄວ້​ໃຫ້ປະຊາຊົນລາວ.

ທ່ານວົງແສງ ເຮືອງພັນໄຊ ມອບຮູບເສືອທີ່ໃກ້ຈະ ສູນພັນ ໃນເຂດປ່າສະຫງວນ ນໍ້າແອດ-ພູເລີຍ ໃຫ້ເອກອັກຄະລັດຖະທູດ ສະຫະລັດ ທ່ານນາງ Karen B. Stewart, ວັນທີ 28 ມີນາ 2011
ທ່ານວົງແສງ ເຮືອງພັນໄຊ ມອບຮູບເສືອທີ່ໃກ້ຈະ ສູນພັນ ໃນເຂດປ່າສະຫງວນ ນໍ້າແອດ-ພູເລີຍ ໃຫ້ເອກອັກຄະລັດຖະທູດ ສະຫະລັດ ທ່ານນາງ Karen B. Stewart, ວັນທີ 28 ມີນາ 2011

ນັບຕັ້ງແຕ່ປີ 2002 ເປັນຕົ້ນມາ
ລັດຖະບານສະຫະລັດໄດ້​ໃຫ້ເງິນ
ຊ່ວຍເຫລືອໄປແລ້ວ ຫລາຍກວ່າ
500,000 ໂດລາ ເພື່ອສະໜັບ
ສະໜຸນຄວາມ​ພະຍາຍາມ​ດ້ານ
ການອະນຸລັກສິ່ງ​ແວດ​ລ້ອມ ດ້ານ
ການທ່ອງທ່ຽວຕາມແຫລ່ງທໍາ​ມະ
ຊາດ ການບັງຄັບກົດໝາຍແລະ
ການຕິດຕາມເບິ່ງສະພາບຂອງ
ສັດປ່າ ໃນເຂດປ່າສະຫງວນ
ແຫ່ງຊາດນໍ້າແອດ-ພູເລີຍນັ້ນ.
ສະຖານີປ່າໄມ້ນ້ອຍ​ແຫ່ງ​ນີ້​ແມ່ນ
ນຶ່ງໃນສີ່ສະຖານີນ້ອຍທີ່ໄດ້ສ້າງ
ຂຶ້ນເມື່ອປີຜ່ານມາ ໂດຍສະມາ
ຄົມອະນຸລັກສັດແລະພືດປ່າ ທີ່
ໃຊ້ເງິນທຶນທີ່ອອກໃຫ້ ໂດຍສະຖານທູດສະຫະລັດ ຊຶ່ງສະຖານີນ້ອຍສອງແຫ່ງແມ່ນໄດ້ສ້າງ
ຂຶ້ນທີ່ເຂດປ່າສະຫງວນແຫ່ງຊາດນໍ້າກະດິງ ແລະສອງແຫ່ງຢູ່ເຂດປ່າສະຫງວນແຫ່ງຊາດ
ນໍ້າແອດ-ພູເລີຍ. ແຕ່ລະສະຖານີນ້ອຍ ຈະມີເຈົ້າໜ້າທີປ່າໄມ້ປະຈໍາການຢູ່ 6 ຄົນ ເພື່ອປະຕິ
ບັດງານອອກລາດຕະເວນຢູ່​ໃນ​ທົ່ວເຂດປ່າສະຫງວນ ແລະປ້ອງກັນການລັກລອບຈັບ ຫລື
ຂ້າຢ່າງຜິດກົດໝາຍ ​ພວກສັດປ່າທີ່​ໃກ້ຈະສູນພັນນັ້ນ.

ເຂດປ່າສະຫງວນແຫ່ງຊາດນໍ້າແອດ-ພູເລີຍ ມີຊື່ສຽງ​ວ່າ ເປັນຖິ່ນຢູ່ອາໃສຂອງພວກເສືອທີ່
ຂະຫຍາຍພັນ ພຽງຊະນິດດຽວທີ່ຍັງຫລົງເຫລືອຢູ່ ໃນພາກພື້ນອິນໂດຈີນ. ທ່ານນາງເອກ
ອັກຄະລັດຖະທູດ Karen Stewart ໃຫ້ຂໍ້ສັງເກດວ່າ

“ປະຊາກອນເສືອພວກ​ນີ້ ເປັນຊັບພະຍາກອນທໍາມະຊາດ ທີ່ທົດແທນບໍ່ໄດ້ ສໍາລັບ
ລະບົບຊີວະນາໆພັນ ແລະການທ່ອງທ່ຽວຕາມ​ແຫ​ລ່ງທໍາ​ມະ​ຊາດ ຊຶ່ງຂ້າພະເຈົ້າ
ຫວັງຢ່າງຍິ່ງວ່າ ແຜນການໃດໆ​ກໍຕາມສໍາລັບ​ການປັບປຸງຖະໜົນຫົນທາງຫລືກິດ
ຈະກໍາອື່ນ​ໆ​ ຜ່ານເຂດສະຫງວນດັ່ງກ່າວນີ້ ຈະປົກປ້ອງເຂດທີ່ເປັນແກນກາງເອົາ
ໄວ້ ​ແລະ​ດໍາ​ເນີນ​ໄປໂດຍ​ມີຜົນກະທົບໃນທາງລົບຕໍ່ສັດແລະພືດປ່າ ໜ້ອຍ​ທີ່​ສຸດ.”


(ຂ່າວຈາກເວັບໄຊ້ຂອງສະຖານທູດສະຫະລັດ)

XS
SM
MD
LG