ລິ້ງ ສຳຫລັບເຂົ້າຫາ

logo-print
ກະຊວງການຕ່າງປະເທດສະຫະລັດໄດ້ອອກຄຳເຕືອນກ່ຽວກັບ
ການເດີນທາງສຳລັບຊາວອາເມຣິກັນທີ່ອາໄສຢູ່ຫຼືຈະເດີນທາງ
ໄປຍັງເຮຕີ ໂດຍອ້າງເຖິງອັນຕະລາຍຈຳນວນນຶ່ງຮວມທັງການ
ຄາດຕະກຳ ການປຸ້ນຈີ້ລັກຂະໂມຍແລະພະຍາດຕິດຕໍ່ຊຶ່ງສ່ວນ ໃຫຍ່ແລ້ວແມ່ນໃນເຂດນະຄອນ Port au Prince.

ຄຳເຕືອນ ທີ່ນຳອອກເຜີຍແຜ່ໃນວັນສຸກວານນີ້ເວົ້າວ່າ ບໍ່ມີໃຜ ປອດໄພຈາກການຖືກລັກພາໂຕ ບໍ່ສຳຄັນວ່າຈະມີອາຊີບຫຍັງ
ມີສັນຊາດໃດ ເຊື້ອຊາດໃດ ເພດ ຫຼືອາຍຸເທົ່າໃດ.

ຄຳເຕືອນເວົ້າວ່າ ພວກທີ່ເດີນທາງໄປປະເທດດັ່ງກ່າວເມື່ອໄວໆ
ມານີ້ໄດ້ຖືກໂຈມຕີ ແລະຖືກປຸ້ນເອົາເຄື່ອງບໍ່ດົນລຸນຫຼັງທີ່ໄດ້ອອກ
ຈາກສະໜາມບິນ Port au Prince ໄປ.

ມີຊາວອາເມຣິກັນຢ່າງໜ້ອຍ 2 ຄົນໄດ້ຖືກຍິງຕາຍ ໃນການປຸ້ນແລະການລັກພາໂຕໃນປີນີ້.

ຄຳເຕືອນເວົ້າວ່າ ເຈົ້າໜ້າທີ່ເຮຕີມີຄວາມສາມາດໃນຂີດຈຳກັດທີ່ຈະສະກັດກັ້ນຫຼືທຳການ ສືບສວນກ່ຽວກັບການກໍ່ຄວາມຮຸນແຮງ ຫຼືດຳເນີນຄະດີພວກທີ່ກໍ່ການ.

ຄຳເຕືອນຂອງກະຊວງການຕ່າງປະເທດສະຫະລັດເວົ້າວ່າ ໂຣກອະຫິວາຍັງແຜ່ລະບາດຢູ່ ຕໍ່ມາ ໃນຫຼາຍໆເຂດຂອງເຮຕີ.
XS
SM
MD
LG