ກອງທັບສະຫະລັດ ກ່າວວ່າ ຕົນໄດ້ສັ່ງໃຫ້ຢຸດບິນ ເຮືອບິນລົບ
F-35 ທັງໝົດ ຈົນກວ່າຈະເສັດສິ້ນການສືບສວນ ກ່ຽວກັບການ
ເກີດໄຟໄໝ້ຢູ່ທາງແລ່ນ ທີ່ພົວ ພັນກັບເຮືອບິນລົບດັ່ງກ່າວລຳ
ນຶ່ງ ໃນອາທິດແລ້ວນີ້ິ.
ກະຊວງປ້ອງກັນປະເທດ ກ່າວວ່າ ໄດ້ມີຄຳສັ່ງອອກໄປແລ້ວ ໃຫ້
ການກວດກາ ເບິ່ງເຄື່ອງຈັກຂອງເຮືອບິນລົບ F-35 ຕື່ມ.
ເຫດໄຟໄໝ້ໃນອາທິດແລ້ວນີ້ ທີ່ຖານທັບອາກາດ Elgin ໃນລັດ
Florida ທາງ ພາກໃຕ້ຂອງສະຫະລັດ ແມ່ນເຫດການຫລ້າສຸດ
ກ່ຽວກັບ ບັນຫາທາງດ້ານເທັກນິກ ທີ່ມີມາເປັນລຳດັບ ແລະການ
ຊັກຊ້າ ທີ່ໄດ້ເກີດຂຶ້ນຢູ່ໃນໂຄງການເຮືອບິນລົບມູນ ຄ່າ 369 ພັນລ້ານໂດລາຂອງທຳນຽບ
ຫ້າແຈ. ມັນເປັນໂຄງການອາວຸດທີ່ແພງທີ່ສຸດໃນປະຫວັດສາດ ຂອງກອງທັບສະຫະລັດ.
ການຊັກຊ້າເພີ້ມເຕີມນັ້ນ ອາດຈະເຮັດໃຫ້ລາຄາເຮືອບິນດັ່ງກ່າວແພງຂື້ນຕື່ມອີກ.
ນ້ຳມັນຮົ່ວ ຂະນະທີ່ພວມບິນຢູ່ນັ້ນ ໄດ້ເຮັດໃຫ້ມີການກວດກາຝູງບິນທັງໝົດ ໃນເດືອນ
ແລ້ວນີ້.
ກະຊວງປ້ອງກັນປະເທດ ກ່າວວ່າ ການໄດ້ຮັບອະນຸຍາດໃຫ້ບິນໄດ້ອີກຂອງເຮືອ ບິນລົບນີ້
ຈະຖືກພິຈາລະນາອີງຕາມຜົນຂອງການກວດສອບ ແລະວິໄຈກ່ຽວກັບ ຂໍ້ມູນການອອກແບບ.
ຖະແຫລງການສະບັບນຶ່ງ ຢູ່ໜ້າເວັບໄຊທ໌ F-35.com ກ່າວວ່າ ເຮືອບິນລົບ ອາຍພົ່ນດັ່ງ
ກ່າວນີ້ “ສາມາດປະຕິບັດງານໄດ້ ຢູ່ໃນທຸກໆສະພາບການສູ້ລົບ ຈາກເດີ່ນທີ່ປູຊີມັງ ຢູ່ເທິງ
ກຳປັ່ນບັນທຸກເຮືອບິນ ຢູ່ຖະໜົນແລະຖານທັບແບບ ງ່າຍຕ່າງໆ.” ເວັບໄຊທ໌ນີ້ຍັງກ່າວວ່າ
ບໍ່ມີເຮືອບິນລົບຊະນິດໃດ “ທີ່ມີປະໂຫຍດ ຫລາຍໆຢ່າງ ແລະປະສົມກັບສະມັດຖະພາບຕ່າງໆ ຢູ່ໃນຫລາຍບົດບາດທຽບ ເຮືອບິນລົບ F-35 ໄດ້.”
