ລິ້ງ ສຳຫລັບເຂົ້າຫາ

ກອງປະຊຸມ ຜູ້ປົກຄອງລັດ ປະຈຳປີ ຫາລື ເລື່ອງຄົນເຂົ້າເມືອງ ແລະໂຄງລ່າງພື້ນຖານ


ຮອງປະທານາທິບໍດີ Mike Pence ຟັງພັນລະຍາຂອງທ່ານ ໃນຂະນະທີ່ກ່າວຕ້ອນຮັບ ບັນດາຜູ້ປົກຄອງລັດທີ່ເຂົ້າຮ່ວມປະຊຸມ.

ການສະ​ເໜີ​ງົບປະມານ​ໃນ​ມູນ​ຄ່າ 1 ພັນຕື້​ໂດ​ລາຂອງປະທານາທິບໍດີ​ສະຫະລັດ ທ່ານ
Donald Trump ທີ່​ຈະ​ສ້ອມ​ແປງ​ພື້ນຖານ​ໂຄງ​ລ່າງ​ຂອງ​ປະ​ເທດ​ທີ່​ເພພັງ ແມ່ນ​ເພັ່ງ
​ເລັງທີ່ສຳ​ຄັນ ຂອງ​ບັນດາຜູ້​ປົກ​ຄອງ​ລັດ​ທົ່ວປະ​ເທດ ​ໃນ​ຂະນະ​ທີ່​ພວກ ທ່ານ​ເຕົ້າ​ໂຮມ​
ກັນ​ຢູ່ນະຄອນຫລວງ​ວໍ​ຊິງ​ຕັນ ​ເພື່ອ​ປະຊຸມ​ເປັນ​ເວລາ​ສາມ​ວັນ​.

ການປະຕິ​ຮູບ​ປະກັນ​ໄພ​ສຸຂະພາ​ບ ການ​ສຶກສາ ການ​ແກ້​ໄຂບັນຫາຄວາມອຶດຫິວ
ຂອງ​ເດັກນ້ອຍ ​ແລະ​ຄວາມ​ປອດ​ໄພ​ທາງ​ອິນ​ເຕີ​ແນັດ ກໍ​ຈະ​ຄອບ​ງໍາການຫາລື​ໃນ​
ເລື່ອງນະ​ໂຍບາຍ​ ລະຫວ່າງບັນດາ​ຜູ້​ປົກຄອງ​ລັດ ຈາກ​ທັງສອງ​ພັກ​ການ ​ເມືອງ ທີ່
ກອງ​ປະຊຸມປະຈຳ​ປີ​ລະດູ​ໜາວ ​ຂອງສະມາຄົມ​ບັນດາ​ຜູ້​ປົກຄອງ​ລັດ​ແຫ່ງ​ຊາດຫລື
NGA.

ຜູ້​ປົກຄອງ​ລັດ California ທ່ານ Jerry Brown ​ໃນ​ວັນ​ສຸກ​ວານ​ນີ້ ​ໄດ້​ປະກາດ
​ແຜນມູນ​ຄ່າ 437 ລ້ານ​ໂດ​ລາ ​ເພື່ອຄວບຄຸມນໍ້າຖ້ວມ ​ແລະ​ການຮັບ​ມືກັບ​ເຫດ
ການສຸກ​ເສີນ ຫຼັງ​ຈາກໄດ້ເກີດ​ຄວາມ​ຢ້ານ​ກົວ​ກ່ຽວກັບ​ເຂື່ອນ​ທີ່ເກືອບ ​ຈະ​ແຕກ ຊຶ່ງ
ໄດ້ບັງຄັບ​ໃຫ້ມີ​ການ​ຍົກຍ້າຍ​ປະມານ 200,000 ຄົນ​.

​ໂຄສົກ​ທຳນຽບຂາວ​ທ່ານ Sean Spicer ຮ້ອງ​ສະຖານະ​ການນີ້​ວ່າ “​ເປັນໂຕ​ຢ່າງບົດ
ຮຽນ” ທີ່​ວ່າ​ເປັນ​ຫຍັງ​ລັດຖະສະພາ​ຕ້ອງໄດ້​ຮັບ​ຜ່ານ​ຮ່າງ​ກົດໝາຍທີ່ສຳຄັນ ​ໃນການ
ໃຫ້​ທຶນ​ສະໜັບສະໜຸນ​ພື້ນຖານ​ໂຄງ​ລ່າງ.

ກອງ​ປະຊຸມ​ທີ່ເລີ້ມໃນ​ວັນ​ສຸກ​ວານ​ນີ້ ມີ​ຂຶ້ນບໍ່​ດົນ​ຫລັງ​ຈາກທີ່​ໄດ້​ມີ​ການ​ລົງ​ນາມ​ໃນ ​ດຳ
ລັດ ​ໂດຍປະທານາທິບໍດີ Trump ທີ່ແນ​ໃສ່ ​ເພື່ອ​ເອົາ​ມາດ​ຕະການ​ຢ່າງ​ເຂັ້ມງວດຕໍ່
ພວກ​ຄົນ​ເຂົ້າ​ເມືອງ​ຜິດ​ກົດໝາຍ ທີ່​ມີ​ຢູ່ປະມານ 11 ລ້ານ​ຄົນ​ໃນ​ສະຫະລັດ ​ໂດຍຈະ
​ຕັດເງິນ​ຊ່ວຍ​ເຫລືອ​ຂອງ​ລັດຖະບານ​ກາງ​ຫລາຍ​ພັນ​ລ້ານ​ໂດ​ລາ ຕໍ່​ອັນ​ທີ່​ຮ້ອງ​ວ່່າ
ຫົວ​ເມືອງ​ທີ່​ໃຫ້ບ່ອນ​ຫລົບ​ລີ້​ອາ​ໄສ​ແກ່​ພວກ​ຄົນເຂົ້າ​ເມືອງ​ຜິດ​ກົດໝາຍນັ້ນ. ນີ້​ແມ່ນ​
ບັນດາ​ເມືອງ​ໃຫຍ່​ ແລະ​ນ້ອຍ​ຕ່າງ​ໆ​ຂອງ​ສະຫະລັດ ທີ່​ຈຳກັດ​ການ​ຮ່ວມ​ມື​ກັບ​ບັນດາ​
ເຈົ້າ​ໜ້າ​ທີ່​ກວດ​ຄົນ​ເຂົ້າ​ເມືອງ ຂອງລັດຖະບານ​ກາງ.

​ແຜນ​ຂອງ​ປະທານາທິບໍດີ Trump ຍັງຮວມທັງ​ແຕ່ງ​ຕັ້ງ​ໃຫ້ບັນ​ດາເຈົ້າ​ໜ້າ​ທີ່ ທ້ອງ
​ຖິ່ນ ປະຕິບັດ​ໜ້າ​ທີ່​ຄື​ດັ່ງ​ເຈົ້າ​ໜ້າ​ທີ່​ກວດ​ຄົນ​ເຂົ້າ​ເມືອງ.

ຜູ້​ປົກຄອງ​ລັດ Virginia ​ແລະປະທານອົງການ GNA ທ່ານ Terry McAuliffe ທີ່
ສັງກັດ​ພັກ​ເດ​ໂມ​ແຄຣັດ ກ່າວ​ຕໍ່​ບັນດາ​ນັກ​ຂ່າວ​ຢູ່​ກອງ​ປະຊຸມໃນ​ວັນ​ສຸກ​ວານ​ນີ້ວ່າ
​ທ່ານເຫັນ​ວ່າມາດ​ຕະການ​ໃໝ່ນີ້ “ບໍ່​ມີ​ສິນ​ທຳ ​ແລະ​ຜິດ​ກົດ ໝາຍ.” ທ່ານ​ກ່າວຕື່ມ​
ວ່າ ທ່ານ​ຕ້ອງການ​ຢາກໃຫ້ການຄໍ້າປະກັນ​ແກ່ຊາວ Virginia ທີ່​ເກີດ​ຢູ່​ຕ່າງປະເທດ
ວ່າ ​ເຂົາ​ເຈົ້າ​ຈະ​ໄດ້​ຮັບ​ການ​ປ້ອງ​ກັນ​ຈາກ​ການ​ຮາວີລົບ​ກວນ.

ອ່ານຂ່າວນີ້ຕື່ມເປັນາສາອັງກິດ

XS
SM
MD
LG