ນອກຈາກມີການຊ່ວຍເຫລືອດ້ານຢາວັກຊີນໃຫ້ຄົນທົ່ວໄປໃນປະເທດ ໂດຍບໍ່ຈຳແນກວ່າຖືສັນຊາດໃດກໍຕາມ ແລະເງິນບັນເທົາທຸກແກ່ຄົນອາເມຣິກັນທີ່ມີລາຍໄດ້ຕ່ຳແລ້ວ ນັບແຕ່ກາງປີ 2021 ເປັນຕົ້ນມາ ລັດຖະບານພາຍໃຕ້ການນຳຂອງປະທານາທິບໍດີ ໂຈ ໄບເດັນໄດ້ໃຫ້ເງິນຊ່ວຍເຫລືອຫລາຍເຖິງ 9,000 ໂດລາ ເພື່ອໃຊ້ຈ່າຍເຂົ້າໃນການສົ່ງສະການຂອງຜູ້ທີ່ເສຍຊີວິດຍ້ອນພະຍາດໂຄວິດ-19. ການຊ່ວຍເຫລືອດັ່ງກ່າວນີ້ແມ່ນສຳຄັນຫລາຍສຳລັບປະຊາຄົມສ່ວນນ້ອຍ ເຊັ່ນຊົນເຜົ່າມົ້ງທີ່ມີເຊື້ອສາຍມາຈາກລາວ ດັ່ງທີ່ທ່ານານາງໂບ ທາວ, ຜູ້ນຳປະຊາຄົມ ອາເມຣິກັນເຊື້ອສາຍມົ້ງທີ່ມາຈາກລາວໃນລັດເມນີໂຊຕາ ບອກກັບວີໂອເອວ່າ:
"ອົງການຟີມາ (FEMA) ມີເງິນຈຳນວນນຶ່ງທີ່ເຂົາເຈົ້າເອົາໄປຈັດພິທີສົ່ງສະການ, ຄ່າໃຊ້ຈ່າຍໃນການເຮັດງານສົບໃຫ້ແກ່ຊຸມຊົນ, ແຕ່ບໍ່ມີໃຜເອົາຂໍ້ມູນນັ້ນອອກມາ ສູ່ຊຸມຊົນ ແລະ ຂ້ອຍຄິດວ່າເຈົ້າຮູ້ໃນງານສົບຂອງຊຸມຊົນ ພວກເຮົາແມ່ນ ແພງຫຼາຍເນື່ອງຈາກພິທີກຳຕ່າງໆທີ່ຄອບຄົວເຮັດ. ຂ້າພະເຈົ້າ ຄິດວ່າປ ະຊາຊົນບໍ່ໄດ້ເຂົ້າເຖິງຂໍ້ມູນປະເພດນັ້ນ. ດັ່ງນັ້ນບາງຄອບຄົວມີຄືກັບ ພະນັກ ງານຂອງຂ້ອຍທີ່ມີພໍ່, ແມ່ ແລະ ແມ່ຕູ້ຂອງນາງເສຍຊີວິດໄປ ເກືອບວ່າພ້ອມໆ ກັນ ສະນັ້ນສາມຄົນເສຍຊີວິດໃນຄອບຄົວດຽວ ມັນເປັນເລື້ອງເຈັບປວດໃຈຫຼາຍ, ທັງຍັງເປັນພາລະທາງດ້ານການເງິນຫຼາຍອີກ.”
ໃນຕອນນີ້ ເຖິງແມ່ນວ່າ ຈະຍັງບໍ່ທັນມີເງິນຊ່ວຍເຫລືອບັນເທົາທຸກສຳລັບໂຣກໝາກສຸກລີງເທື່ອກໍຕາມ ແຕ່ບັນດາຜູ້ນຳໃນປະຊາຄົມຕ່າງໆ ໂດຍສະເພາະແມ່ນປະຊາຄົມຊົນເຜົ່າສ່ວນນ້ອຍໃນສະຫະລັດ ເຊັ່ນຄົນເຊື້ອສາຍລາວທີ່ລວມທັງເຜົ່າມົ້ງຄວນເອົາໃຈໃສ່ຕິດຕາມການປະກາດຂອງລັດຖະບານກ່ຽວກັບການຊ່ວຍເຫລືອຕ່າງໆ ລວມທັງເລື້ອງນີ້ ຊຶ່ງຫລາຍຄົນອາດບໍ່ຮູ້, ອີງຕາມທ່ານນາງໂບ ທາວກ່າວ.
