ສະຫະຣັດ ອາເມຣິກາ ໄດ້ມອບເຄຶ່ອງອຸປະກອນໃໝ່ໃຫ້ແກ່ຫວຽດນາມ ເພື່ອຊ່ວຍເລັ່ງລັດ
ໃນການກວດຫາພະຍາດປອດແຫ້ງ ຫຼື TB ທີ່ຕ້ານທານຢານັ້ນ.
ອົງການຢູເສດຂອງສະຫະຣັດ ກ່າວວ່າໄດ້ສົ່ງເຄື່ອງອຸປະກອນວິໄຈຈຸທຳອິດສອງໜ່ວຍ
ຂອງຈໍານວນທັງໝົດ 17 ໜ່ວຍທີ່ໄດ້ວາງແຜນສົ່ງໄປໃຫ້ຫວຽດນາມ ເພື່ອກວດຫາພະຍາດ
ເຊື້ອພະຍາດດັ່ງກ່າວ ໃນວັນຈັນວານນີ້.
ອົງການຢູເສດ ໄດ້ກ່າວເພີ້ມເຕີມອີກວ່າ ເຄື່ອງຈັກດັ່ງກ່າວນີ້ຈະຊ່ວຍໃຫ້ນາຍແພດ ສາມາດ
ກວດຫາເຊື້ອ TB ທີ່ຕ້ານທານຢາ ພາຍໃນສອງຊົ່ວໂມງເທົ່ານັ້ນ ແທນທີ່ຈະໄຊ້ເວລາຫຼາຍ
ເດືອນດັ່ງທີ່ຜ່ານມາ.
ສາຍພັນການຕ້ານທານຢາຫລາຍໆຊະນິດຂອງພະຍາດປອດແຫ້ງ ບໍ່ໄດ້ຕອບຮັບໃດໆຕໍ່
ຢາຕໍ່ຕ້ານປະຕິຊີວະນະທໍາມະດາ ທີ່ໄດ້ສັ່ງໃຫ້ແກ່ພວກເປັນພະຍາດປອດແຫ້ງ.
ເຄື່ອງມືໃໝ່ສຳຫຼັບຫ້ອງວິໄຈ ພ້ອມທັງແຜ່ນກວດສອບພະຍາດຈໍານວນ 12,000 ແຜ່ນນັ້ນ
ຈະໄດ້ນໍາໄປແຈກຢາຍໃຫ້ແກ່ໂຮງໝໍ ແລະຄລິນິກປົວພະຍາດປອດແຫ້ງ ຢູ່ໃນກວ່າ 10
ແຂວງຂອງຫວຽດນາມ.
