ລິ້ງ ສຳຫລັບເຂົ້າຫາ

ວັນອັງຄານ, 16 ສິງຫາ 2022

ຜູ້ບັນຊາການ ສຫລ ຢູ່ອັຟການິສຖານ ກໍາລັງ ຖືກສືບສວນ


ທ່ານນາຍພົນ John Allen, ຜູ້ບັນຊາການກອງກຳລັງທະຫານ ສະຫະລັດໃນອັຟການນີສຖານ
ກະຊວງປ້ອງກັນປະເທດສະຫະລັດ ກໍາລັງທໍາການສືບສວນສອບ
ສວນທ່ານນາຍພົນ John Allen, ຜູ້ບັນຊາການກອງກຳລັງທະຫານ
ສະຫະລັດໃນອັຟການນີສຖານ ໃນຖານທີ່ມີການ ກ່າວຫາວ່າ
ໄດ້ຕິດຕໍ່ແບບບໍ່ເໝາະສົມກັບຜູ້ຍິງຄົນນຶ່ງ ພົວພັນນໍາຂ່າວນອງນັນ
ທີ່ພາໃຫ້ ທ່ານ David Petraeus ລາອອກຈາກການເປັນຫົວໜ້າ
ອົງການສືບລັບຊີໄອເອຂອງສະຫະລັດ.

ເຈົ້າໜ້າທີ່ຂັ້ນສູງຂອງກະຊວງປ້ອງກັນປະເທດສະຫະລັດໄດ້ກ່າວ
ໃນວັນອັງຄານມື້ນີ້ວ່າ ທໍານຽບຫ້າແຈກຳລັງທົບທວນກວດກາເບິ່ງ
email ຈຳນວນ 20 ຫາ 30 ພັນໜ້າ ທີ່ສົ່ງໄປມາລະຫວ່າງນາຍພົນ
Allen ແລະ ນາງ Jill Kelly ແຕ່ປີ 2010 ຫາ 2012.

ເຈົ້າໜ້າທີ່ບໍ່ໄດ້ລະບຸເຖິງລາຍລະອຽດຂອງເອກກະສານເຫຼົ່ານີ້,
ແຕ່ໄດ້ກ່າວວ່າ ມັນອາດເປັນໄປໄດ້ທີ່ວ່າເລື່ອງນີ້ ພົວພັນເຖິງການ
ສືບສວນທ່ານນາຍພົນ Petraeus.

ນາງ Jill Kelly ນັ້ນແມ່ນເປັນເພື່ອນຂອງທ່ານ Petraeus ແລະນາງແມ່ນຜູ້ທີ່ໄດ້ຮ້ອງທຸກ ແລະຕິດຕໍ່ຫາອົງການສັນທິບານກາງ FBI ສະຫະລັດ ກ່ຽວກັບອີແມລທີ່ຂົ່ມຂູ່ຈາກແມ່ຍິງທີ່ທ່ານ Petraeus ມີຄວາມສຳພັນນອກສົມລົດນໍານັ້ນ ຊຶ່ງໃນທີ່ສຸດໄດ້ພາໃຫ້ທ່ານ Petraeus ລາອອກໃນວັນສຸກຜ່ານມານີ້.

ທາງຫ້ອງການສັນທິບານກາງສະຫະລັດໄດ້ນໍາສະເໜີບັນຫາທີ່ພົວພັນກັບນາຍພົນ Allen ຕໍ່ກະຊວງປ້ອງກັນປະເທດສະຫະລັດໃນວັນອາທິດແລ້ວນີ້ ແລະລັດຖະມົນຕີກະຊວງປ້ອງ ກັນປະເທດສະຫະລັດ ທ່ານ Leon Panetta ໄດ້ສັ່ງໃຫ້ຜູ້ກວດກາຂອງທໍານຽບຫ້າແຈ
ທໍາການສືບສວນສອບສວນເບິ່ງເລື່ອງນີ້.

ທ່ານນາຍພົນ Allen ໄດ້ປະຕິເສດວ່າທ່ານບໍ່ໄດ້ເຮັດຫຍັງຜິດ ແລະກໍຈະຍັງສືບຕໍ່ກຳໜ້າທີ່ ເປັນຜູ້ບັນຊາທະຫານສະຫະລັດໃນອັຟການນີສຖານ ໃນຂະນະທີ່ການສືບສວນດັ່ງກ່າວດຳ ເນີນຕໍ່ໄປຢູ່ນີ້.

ທ່ານອາດຈະມັກເລື້ອງນີ້ຄືກັນ

XS
SM
MD
LG