ສະຫະລັດ ຝຣັ່ງ ແລະອັງກິດ ໄດ້ຕົກລົງກັນ ກ່ຽວກັບຄວາມຕ້ອງການໃຫ້ມີມະຕິທີ່ເຂັ້ມແຂງຂອງອົງການສະຫະປະຊາຊາດ ທີ່ຕັ້ງຂໍ້ກໍານົດວັນເສັ້ນຕາຍທີ່ແນ່ນອນ ແລະມີຂໍ້ຜູກມັດ ສໍາລັບໃຫ້ຊີເຣຍປະຖິ້ມອາວຸດເຄມີຂອງຕົນນັ້ນ.
ຫ້ອງການຂອງ ປະທານາທິບໍດີຝຣັ່ງ ທ່ານ Francois Holland ໄດ້ປະກາດຂໍ້ຕົກລົງກັນດັ່ງກ່າວໃນວັນຈັນມື້ນີ້ ຫຼັງຈາກກອງປະຊຸມບັ້ນນຶ່ງທີ່ ນະຄອນຫຼວງປາຣີ ປະເທດຝຣັ່ງ ກັບທ່ານ ຈອນ ແຄຣີ ລັດຖະມົນຕີຕ່າງ ປະເທດສະຫະລັດ, ທ່ານ Laurent Fabius ລັດຖະມົນຕີຕ່າງປະເທດຝຣັ່ງ ແລະທ່ານ William Hague ລັດຖະມົນຕີຕ່າງປະເທດອັງກິດ.
ກ່ອນໜ້ານີ້ ຄວາມພະຍາຍາມຕ່າງໆເພື່ອຫາທາງແກ້ໄຂບັນຫາວິກິດການໃນຊີເຣຍ ຢູ່ທີ່ສະພາຄວາມໝັ້ນຄົງອົງການສະຫະປະຊາຊາດນັ້ນ ບໍ່ປະສົບຜົນສໍາເລັດ ຍ້ອນວ່າ ທັງຣັດເຊຍ ແລະຈີນ ໄດ້ພາກັນໃຊ້ອໍານາດສິດທິຍັບຍັ້ງ ຫຼືວີໂຕ້ ເພື່ອກີດກັ້ນການແຊກແຊງໃດໆຈາກຕ່າງປະເທດ.
ກອງປະຊຸມເມື່ອວັນຈັນນີ້ ແມ່ນມີຂຶ້ນໃນໄລຍະຫຼາຍມື້ ຫຼັງຈາກສະຫະລັດ ແລະຣັດເຊຍ ໄດ້ປະກາດແຜນການນຶ່ງອອກໄປ ທີ່ຮຽກຮ້ອງໃຫ້ຊີເຣຍຈົ່ງ ໃຫ້ແຈ້ງລາຍລະອຽດຂອງຈໍານວນອາວຸດເຄມີຂອງຕົນທັງໝົດ ທີ່ເກັບສະສົມໄວ້ນັ້ນ ຊຶ່ງລັດຖະບານຊີເຣຍ ກໍໄດ້ສັນຍາວ່າຈະປະຕິບັດຕາມ.
ທີ່ນີວຢ໊ອກ ທ່ານ ພັນ ຄີມູນ ເລຂາທິການໃຫຍ່ອົງການສະຫະປະຊາຊາດ ຈະລາຍງານໂດຍສັງເຂບ ຕໍ່ສະພາຄວາມໝັ້ນຄົງ ແລະ ສະມັດຊາໃຫຍ່ ກ່ຽວກັບລາຍງານສະບັບນຶ່ງໂດຍຄະນະສືບສວນສອບສວນອາວຸດເຄມີ ທີ່ໄດ້ເກັບກໍາຫຼັກຖານຕ່າງໆຈາກການໂຈມຕີທີ່ອັນຕະລາດເຖິງຂັ້ນເສຍຊີວິດ ຢູ່ບໍລິເວນໃກ້ນະຄອນຫຼວງດາມັສກັສ ຂອງຊີເຣຍ ເມື່ອເດືອນຜ່ານມານັ້ນ.
ຫ້ອງການຂອງ ປະທານາທິບໍດີຝຣັ່ງ ທ່ານ Francois Holland ໄດ້ປະກາດຂໍ້ຕົກລົງກັນດັ່ງກ່າວໃນວັນຈັນມື້ນີ້ ຫຼັງຈາກກອງປະຊຸມບັ້ນນຶ່ງທີ່ ນະຄອນຫຼວງປາຣີ ປະເທດຝຣັ່ງ ກັບທ່ານ ຈອນ ແຄຣີ ລັດຖະມົນຕີຕ່າງ ປະເທດສະຫະລັດ, ທ່ານ Laurent Fabius ລັດຖະມົນຕີຕ່າງປະເທດຝຣັ່ງ ແລະທ່ານ William Hague ລັດຖະມົນຕີຕ່າງປະເທດອັງກິດ.
ກ່ອນໜ້ານີ້ ຄວາມພະຍາຍາມຕ່າງໆເພື່ອຫາທາງແກ້ໄຂບັນຫາວິກິດການໃນຊີເຣຍ ຢູ່ທີ່ສະພາຄວາມໝັ້ນຄົງອົງການສະຫະປະຊາຊາດນັ້ນ ບໍ່ປະສົບຜົນສໍາເລັດ ຍ້ອນວ່າ ທັງຣັດເຊຍ ແລະຈີນ ໄດ້ພາກັນໃຊ້ອໍານາດສິດທິຍັບຍັ້ງ ຫຼືວີໂຕ້ ເພື່ອກີດກັ້ນການແຊກແຊງໃດໆຈາກຕ່າງປະເທດ.
ກອງປະຊຸມເມື່ອວັນຈັນນີ້ ແມ່ນມີຂຶ້ນໃນໄລຍະຫຼາຍມື້ ຫຼັງຈາກສະຫະລັດ ແລະຣັດເຊຍ ໄດ້ປະກາດແຜນການນຶ່ງອອກໄປ ທີ່ຮຽກຮ້ອງໃຫ້ຊີເຣຍຈົ່ງ ໃຫ້ແຈ້ງລາຍລະອຽດຂອງຈໍານວນອາວຸດເຄມີຂອງຕົນທັງໝົດ ທີ່ເກັບສະສົມໄວ້ນັ້ນ ຊຶ່ງລັດຖະບານຊີເຣຍ ກໍໄດ້ສັນຍາວ່າຈະປະຕິບັດຕາມ.
ທີ່ນີວຢ໊ອກ ທ່ານ ພັນ ຄີມູນ ເລຂາທິການໃຫຍ່ອົງການສະຫະປະຊາຊາດ ຈະລາຍງານໂດຍສັງເຂບ ຕໍ່ສະພາຄວາມໝັ້ນຄົງ ແລະ ສະມັດຊາໃຫຍ່ ກ່ຽວກັບລາຍງານສະບັບນຶ່ງໂດຍຄະນະສືບສວນສອບສວນອາວຸດເຄມີ ທີ່ໄດ້ເກັບກໍາຫຼັກຖານຕ່າງໆຈາກການໂຈມຕີທີ່ອັນຕະລາດເຖິງຂັ້ນເສຍຊີວິດ ຢູ່ບໍລິເວນໃກ້ນະຄອນຫຼວງດາມັສກັສ ຂອງຊີເຣຍ ເມື່ອເດືອນຜ່ານມານັ້ນ.
