ອະດີດເອກອັກຄະລັດຖະທູດຫຼືຫົວໜ້າສະຖານທູດສະຫະລັດປະຈຳປະເທດລາວ 6 ທ່ານ
ໄດ້ສົ່ງສານສະບັບນຶ່ງ ໄປຫາລັດຖະມົນຕີການຕ່າງປະເທດສະຫະລັດ ທ່ານນາງ Hillary
Clinton ຮ້ອງຂໍໃຫ້ທ່ານນາງເດີນທາງໄປຢ້ຽມຢາມປະເທດລາວໃນລະຫວ່າງທີ່ທ່ານນາງ ເດີນທາງໄປຢ້ຽມຢາມເຂດເອເຊຍຕາເວັນອອກສຽງໃຕ້ຄັ້ງຈະມາ ແລະໃຫ້ຄວາມໝັ້ນໝາຍ ທີ່ຈະເພີ່ມການໃຫ້ຄວາມຊ່ອຍເຫຼືອຂອງສະຫະລັດ ໃນການເກັບກູ້ລະເບີດທີ່ບໍ່ທັນແຕກທີ່
ຍັງຕົກຄ້າງແຕ່ປາງສົງຄາມຫວຽດນາມນັ້ນ.
ບັນດາເອກອັກຄະລັດຖະທູດສະຫະລັດຂຽນວ່າ ໃນລະຫວ່າງສົງຄາມ ໄດ້ມີການຖິ້ມລະ
ເບີດຫຼາຍກວ່າ 2 ລ້ານໂຕນລົງໃສ່ລາວ ຊຶ່ງເປັນລະເບີດໃນປະລິມານທີ່ຫຼາຍກວ່າ ທີ່ມີ ການຖິ້ມລົງໃສ່ເຢຍຣະມັນແລະຍີ່ປຸ່ນຮວມກັນໃນສົງຄາມໂລກຄັ້ງ ທີ 2. ອີງຕາມອັດຕາ
ການສະເລ່ຍແລ້ວ ລາວແມ່ນປະເທດທີ່ຖືກຖິ້ມລະເບີດລົງໃສ່ ໜັກທີ່ສຸດເປັນປະວັດການ.
ມີຫຼາຍກວ່າ 30 ເປີເຊັນຂອງລະເບີດທີ່ຖິ້ມລົງໄປນັ້ນບໍ່ແຕກແລະລະເບີດທີ່ບໍ່ແຕກຢູ່ລາວ
ນີ້ຍັງສືບຕໍ່ເປັນອຸບປະສັກຂັດຂວາງ ຕໍ່ການພັດທະນາ ແລະເຮັດໃຫ້ມີຜູ້ຄົນບາດເຈັບລົ້ມ
ຕາຍຫຼາຍຮ້ອຍຄົນໃນແຕ່ລະປີ.
ຈົດໝາຍສະບັບນີ້ໄດ້ມີການລົງນາມໂດຍອະດີດເອກອັກຄະລັດຖະທູດຫຼືຫົວໜ້າສະຖານທູດ
ສະຫະລັດປະຈຳ ສປປ ລາວ ປະກອບມີທ່ານນາງ Theresa A. Tull ທ່ານ Harriet
Isom ທ່ານນາງ Wendy Chamberlin ທ່ານ Charles Salmon Jr. ທ່ານ Victor
Tomseth ແລະທ່ານ Douglas Hartwick. ພວກທ່ານເຫຼົ່ານີ້ເຄີຍປະຈຳການຢູ່ລາວແຕ່
ປີ 1983 ຫາ 2004.
