ສະຫະລັດແມ່ນເປັນຜູ້ຊ່ວຍເຫລືອດ້ານສະບຽງອາຫານລາຍ ໃຫຍ່ທີ່ສຸດຂອງໂລກ ຊຶ່ງການຊ່ວຍເຫລືອນັ້ນໄດ້ໄປຮອດ ໄປເຖິງປະຊາຊົນ 55 ລ້ານຄົນໃນ 46 ປະເທດເມື່ອປີ ຜ່ານມາ ອິງຕາມອົງການພັທະນາລະຫວ່າງປະເທດຂອງ ສະຫະລັດ ຫລື ຢູເສດ.
ການຊ່ວຍເຫລືອດັ່ງກ່າວນີ້ຂອງສະຫະລັດແມ່ນໄດ້ຊ່ວຍ ຫລາຍລ້ານຊີວິດໄວ້ ຕະຫລອດໄລຍະຫລາຍປີຜ່ານມາ ແຕ່ທ່ານ Patrick Webb ປະຈໍາມະຫາວິທະຍາໄລ Tufts University ກ່າວວ່າ ຍັງຂາດບາງສິ່ງບາງຢ່າງຢູ່
ທ່ານ ເວບ ກ່າວວ່າ “ໄດ້ມີຄວາມຮູ້ສຶກກັນວ່າ ຕາບໃດທີ່ເຮົາເອົາອາຫານໄປຊ່ວຍ ກໍຖືວ່າເປັນການພຽງພໍແລ້ວ ແລະແທ້ໆແລ້ວສິ່ງທີ່ພວກເຮົາໄດ້ພະຍາຍາມໂຕ້ແຍ້ງ ແລະສະແດງອອກໃຫ້ເຫັນ ກໍຄືວ່າ ບໍ່ ມັນບໍ່ເປັນແນວນັ້ນ ຄື ບໍ່ແມ່ນວ່າອາຫານ ເກົ່າອັນໃດກໍພຽງພໍແລ້ວ.”
ທ່ານເວບ ກ່າວຕໍ່ໄປວ່າ ຂໍ້ນີ້ແມ່ນເປັນຄວາມຈິງ ໂດຍສະເພາະສໍາລັບ ພວກເດັກນ້ອຍ. ໃນລາຍງານຜົນການຄົ້ນຄ້ວາໃໝ່ສະບັບນຶ່ງທີ່ອົງການຢູເສດວ່າຈ້າງໃຫ້ເຮັດຂຶ້ນນັ້ນ ທ່ານ ເວບ ແລະທີມຮ່ວມງານຂອງທ່ານໄດ້ໃຫ້ຂໍ້ສັງເກດວ່າ ການໄດ້ຮັບອາຫານທີ່ຂາດທາດ
ໂພຊະນາການໃນ 1000 ມື້ທໍາອິດຂອງຊີວິດ ຄືເລີ່ມຈາກຕັ້ງແຕ່ຢູ່ໃນທ້ອງແມ່ ຈົນເຖິງ
ອາຍຸສອງຂວບ ກໍສາມາດສ້າງຄວາມເສຍຫາຍຢ່າງທີ່ປົວແປງບໍ່ໄດ້ ຕໍ່ການເຕີບໂຕທີ່ສົມ
ບູນ ແລະພັດທະນາການທາງສະໝອງຂອງເດັກໄດ້ ຊຶ່ງສົ່ງຜົນກະທົບຕໍ່ຄວາມສາມາດໃນ
ການຮໍ່າຮຽນຂອງເດັກ ແລະໃນທີ່ສຸດແລ້ວ ກໍເຮັດໃຫ້ຜົນຜະລິດຂອງຊາດຫລຸດຕໍ່າລົງໄປ.
ລາຍງານໄດ້ແນະນໍາໃຫ້ຈັດຫາອາຫານທີ່ມີຄຸນຄ່າທາງໂພຊະນາການຫລາຍ ເພີ່ມຂຶ້ນແກ່ ເດັກນ້ອຍອາຍຸຕໍ່າກວ່າສອງປີ ແລະພວກແມ່ຍິງຖືພາ ຊຶ່ງທ່ານ Rajiv Shah ຜູ້ອໍານວຍ ການອົງການຢູເສດກ່າວວ່າ ລາຍງານດັ່ງກ່າວອາດຈະເປັນຕົວຊຸກຍູ້ໃຫ້ມີການປ່ຽນແປງຄັ້ງ ສໍາຄັນໃນພວກອາຫານທີ່ຈະນໍາໄປຊ່ວຍເຫລືອນັ້ນ.
ທ່ານ Rajiv Shah ກ່າວວ່າ “ພວກເຮົາຈະສຶກສາເບິ່ງຄໍາຊີ້ແນະເຫລົ່ານັ້ນ ໂດຍ
ສະເພາະຄໍາແນະນໍາກ່ຽວກັບ ວິທີນໍາເອົາທາດໂປຣທີນຈາກເນື້ອສັດເຂົ້າປະສົມ
ໃສ່ໃນ ອາຫານ ເພື່ອວ່າພວກເດັກນ້ອຍຈະບໍ່ໄດ້ຮັບແຕ່ທາດແຄໂລຣີ່ເທົ່ານັ້ນ
ແຕ່ໄດ້ຮັບທາດໂປຣທີນທີ່ຕ້ອງການໄປບໍາລຸງສະໝອງ ແລະການເຕີບໂຕຂອງ ຮ່າງກາຍນັ້ນນໍາ.”
ນອກນີ້ແລ້ວ ລາຍງານຍັງໄດ້ແນະນໍາອີກໃຫ້ປັບປຸງທາດວິຕາມິນ ແລະແຮ່ທາດຢູ່ໃນອາ ຫານປະເພດເມັດແລະນໍ້າມັນພືດຊະນິດຕ່າງໆ ຊຶ່ງເປັນ ເລຶ່ອງທີ່ເຮັດໄດ້ງ່າຍ ແລະອາດ ໄປຮອດໄປເຖິງຜູ້ທີ່ຈະໄດ້ຮັບການຊ່ວຍເຫລືອ ໃນປີນີ້. ທ່ານ Stephen Moody ຜູ້
ຊ່ຽວຊານວິຊາການອາຫານ ປະຈໍາອົງການຢູເສດກ່າວວ່າ ແຕ່ການທີ່ຈະປະສົມທາດໂປຣ
ທີນຈາກເນື້ອສັດ ໃສ່ພວກອາຫານທີ່ຈະເອົາໄປແຈກຢາຍໃຫ້ພວກເດັກນ້ອຍໂດຍສະເພາະ ນັ້ນແມ່ນຈະຍາກແດ່. ທ່ານ ມູດດີ ກ່າວວ່າ:
“ບໍ່ເປັນຈັ່ງບຸນ ທີ່ມັນມີສິ່ງທ້າທາຍທາງດ້ານການຜະລິດພົວພັນນໍາ ເປັນຕົ້ນວ່າ ພວກເຮົາຈະຕ້ອງໄດ້ສຶກສາເບິ່ງຫລາຍໆຢ່າງ ເຊ່ນ ອາຍຸຂອງອາຫານ ພ້ອມທັງ ຄ່າໃຊ້ຈ່າຍນໍາ. ”
ພວກນັກວິເຄາະເວົ້າວ່າ ລາຍງານສະບັບດັ່ງກ່າວແມ່ນເພັ່ງເລັງໃສ່ຄ່າໃຊ້ຈ່າຍຫລາຍເກີນໄປ
ຄືພວກເຂົາເຈົ້າກ່າວວ່າ ອົງການຢູເສດຄວນຈະໃຫ້ການສະໜັບສະໜຸນຫລາຍຂຶ້ນແກ່ພວກ
ອາຫານສໍາເລັດຮູບທີ່ມີທາດໂພຊະນາການຫລາຍຂຶ້ນ ແລະແພງກວ່າເກົ່າ.
ພວກເຈົ້າໜ້າທີ່ອົງການຢູເສດກ່າວວ່າ ພວກເຂົາເຈົ້າໄດ້ເຫັນຜົນປະໂຫຍດຢູ່ໃນໂຄງການ ຕ່າງໆທີ່ໄດ້ປະຕິບັດໄປຕາມຄໍາຊີ້ແນະຕ່າງໆນັ້ນແລ້ວ ຊຶ່ງພວກເຂົາເຈົ້າເວົ້າຕື່ມວ່າ ພາຍ ໃນນຶ່ງປີ ພວກໂຄງການອື່ນໆກໍຈະເລິ່ມເຫັນມີການປ່ຽນແປງ ທີ່ຈະປາບປາມການຂາດທາດ ໂພຊະນາການຢ່າງມີປະສິດທິຜົນຫລາຍຂຶ້ນໃນພວກຄົນທີ່ອ່ອນແອທີ່ສຸດຂອງໂລກນັ້ນ.
