ໃນມື້ວັນສຸກວານນີ້ ປະທານາທິບໍດີບາຣັກ ໂອບາມາໄດ້ຮຽກຮ້ອງ
ໃຫ້ສະພາຕໍ່າສະຫະລັດທີ່ຄອບງຳໂດຍພັກຣີພັບບລີກັນ ຜ່ອນສັ້ນ
ຜ່ອນຍາວໃນເລື່ອງພາສີແລະຂໍ້ຕົກລົງກ່ຽວກັບການໃຊ້ຈ່າຍຂອງ
ລັດຖະບານເພື່ອປ້ອງກັນບໍ່ໃຫ້ເກີດວິກິດການໃນທ້າຍປີນີ້ທີ່ຂົ່ມຂູ່
ວ່າ ຈະເຮັດໃຫ້ເສດຖະກິດຂອງສະຫະລັດ ທີ່ໃຫຍ່ທີ່ສຸດໃນໂລກ
ນັ້ນ ກ້າວເຂົ້າສູ່ສະພາບຖົດຖອຍ.
ໃນການຖະແຫຼງທີ່ບໍ່ມີການຕອບຄຳຖາມຕິດຕາມມານັ້ນ ປະທາ
ນາທິບໍດີໂອບາມາ ໄດ້ຮຽກຮ້ອງ ໃຫ້ສະມາຊິກຂອງພັກຣີພັບບລີ
ກັນສວຍໃຊ້ວັນພັກເນື່ອງໃນໂອກາດເທສະການຄຣິສຕ໌ມາສ ໃນ
ວັນທີ 25 ທັນວາຂອງພວກເຂົາເຈົ້າທົບທວນເບິ່ງຄວາມທຸກຍາກ ທີ່ຊາວອາເມຣິກັນຈະໄດ້ຮັບ ຖ້າຫາກບໍ່ສາມາດບັນລຸການຕົກລົງ
ກັນໄດ້ກ່ຽວກັບການຂຶ້ນພາສີແລະການຕັດການໃຊ້ຈ່າຍຂອງລັດຖະບານລົງ ໃນໄລຍະ 10 ມື້ຕໍ່ໜ້ານີ້.
ຖ້າຫາກຕົກລົງກັນບໍ່ໄດ້ ກໍຈະມີການບັງຄັບໃຫ້ຕັດການໃຊ້ຈ່າຍຂອງລັດຖະບານລົງເກືອບ 500 ພັນລ້ານໂດລາ ແລະການຂຶ້ນພາສີກໍຈະມີຜົນບັງຄັບແບບອັດຕະໂນມັດ ໃນວັນທີ 1 ມັງກອນນີ້ ຊຶ່ງຈະມີຜົນກະທົບຕໍ່ຊາວອາເມຣິກັນເກືອບທຸກໆຄົນ.
ປະທານາທິບໍດີກ່າວວ່າ ທ່ານຈະຍອມຮັບເອົາການຂຶ້ນພາສີສຳລັບທຸກໆຄົນ ທີ່ມີລາຍໄດ້ ກາຍລະດັບ 400,000 ໂດລາ ແທນຂໍ້ສະເໜີຂອງພັກຣີພັບບລີກັນ ຈາກລະດັບຕົ້ນຕໍ 250,000 ໂດລາຕໍ່ປີ ທີ່ປະທານາທິບໍດີໄດ້ຕັ້ງເປົ້າໝາຍເອົາໄວ້ ໃນຂະນະທີ່ພັກຣີພັບບລີ ກັນຢາກໃຫ້ມີການຕໍ່ອາຍຸການຫຼຸດພາສີໃຫ້ແກ່ທຸກໆທີ່ມີຢູ່ໃນປັດຈຸບັນ. ໃນມື້ວັນສຸກວານ ນີ້ປະທານາທິບໍດີໄດ້ກ່າວເຖິງຄວາມເປັນໄປໄດ້ໃນການ ປະນີປະນອມໂດຍທີ່ບໍ່ມີຝ່າຍໃດ ໄດ້ຮັບ 100% ຕາມທີ່ຕົນຕ້ອງການ.
ບັນດາສະມາຊິກສະພາສະຫະລັດ ໄດ້ພາກັນເດີນທາງກັບຄືນໄປບ້ານເກີດເມືອງນອນໃນ ຕອນແລງ ຂອງວັນພະຫັດຜ່ານມາ ຊຶ່ງພາໃຫ້ປະທານາທິບໍດີ ຮຽກຮ້ອງໃຫ້ພວກເຂົາເຈົ້າ ເດີນທາງກັບຄືນມາຍັງກຸງວໍຊິງຕັນໃນອາທິດໜ້າ ເພື່ອໃຫ້ບັນລຸການຕົກລົງກັນ.
ໃຫ້ສະພາຕໍ່າສະຫະລັດທີ່ຄອບງຳໂດຍພັກຣີພັບບລີກັນ ຜ່ອນສັ້ນ
ຜ່ອນຍາວໃນເລື່ອງພາສີແລະຂໍ້ຕົກລົງກ່ຽວກັບການໃຊ້ຈ່າຍຂອງ
ລັດຖະບານເພື່ອປ້ອງກັນບໍ່ໃຫ້ເກີດວິກິດການໃນທ້າຍປີນີ້ທີ່ຂົ່ມຂູ່
ວ່າ ຈະເຮັດໃຫ້ເສດຖະກິດຂອງສະຫະລັດ ທີ່ໃຫຍ່ທີ່ສຸດໃນໂລກ
ນັ້ນ ກ້າວເຂົ້າສູ່ສະພາບຖົດຖອຍ.
ໃນການຖະແຫຼງທີ່ບໍ່ມີການຕອບຄຳຖາມຕິດຕາມມານັ້ນ ປະທາ
ນາທິບໍດີໂອບາມາ ໄດ້ຮຽກຮ້ອງ ໃຫ້ສະມາຊິກຂອງພັກຣີພັບບລີ
ກັນສວຍໃຊ້ວັນພັກເນື່ອງໃນໂອກາດເທສະການຄຣິສຕ໌ມາສ ໃນ
ວັນທີ 25 ທັນວາຂອງພວກເຂົາເຈົ້າທົບທວນເບິ່ງຄວາມທຸກຍາກ ທີ່ຊາວອາເມຣິກັນຈະໄດ້ຮັບ ຖ້າຫາກບໍ່ສາມາດບັນລຸການຕົກລົງ
ກັນໄດ້ກ່ຽວກັບການຂຶ້ນພາສີແລະການຕັດການໃຊ້ຈ່າຍຂອງລັດຖະບານລົງ ໃນໄລຍະ 10 ມື້ຕໍ່ໜ້ານີ້.
ຖ້າຫາກຕົກລົງກັນບໍ່ໄດ້ ກໍຈະມີການບັງຄັບໃຫ້ຕັດການໃຊ້ຈ່າຍຂອງລັດຖະບານລົງເກືອບ 500 ພັນລ້ານໂດລາ ແລະການຂຶ້ນພາສີກໍຈະມີຜົນບັງຄັບແບບອັດຕະໂນມັດ ໃນວັນທີ 1 ມັງກອນນີ້ ຊຶ່ງຈະມີຜົນກະທົບຕໍ່ຊາວອາເມຣິກັນເກືອບທຸກໆຄົນ.
ປະທານາທິບໍດີກ່າວວ່າ ທ່ານຈະຍອມຮັບເອົາການຂຶ້ນພາສີສຳລັບທຸກໆຄົນ ທີ່ມີລາຍໄດ້ ກາຍລະດັບ 400,000 ໂດລາ ແທນຂໍ້ສະເໜີຂອງພັກຣີພັບບລີກັນ ຈາກລະດັບຕົ້ນຕໍ 250,000 ໂດລາຕໍ່ປີ ທີ່ປະທານາທິບໍດີໄດ້ຕັ້ງເປົ້າໝາຍເອົາໄວ້ ໃນຂະນະທີ່ພັກຣີພັບບລີ ກັນຢາກໃຫ້ມີການຕໍ່ອາຍຸການຫຼຸດພາສີໃຫ້ແກ່ທຸກໆທີ່ມີຢູ່ໃນປັດຈຸບັນ. ໃນມື້ວັນສຸກວານ ນີ້ປະທານາທິບໍດີໄດ້ກ່າວເຖິງຄວາມເປັນໄປໄດ້ໃນການ ປະນີປະນອມໂດຍທີ່ບໍ່ມີຝ່າຍໃດ ໄດ້ຮັບ 100% ຕາມທີ່ຕົນຕ້ອງການ.
ບັນດາສະມາຊິກສະພາສະຫະລັດ ໄດ້ພາກັນເດີນທາງກັບຄືນໄປບ້ານເກີດເມືອງນອນໃນ ຕອນແລງ ຂອງວັນພະຫັດຜ່ານມາ ຊຶ່ງພາໃຫ້ປະທານາທິບໍດີ ຮຽກຮ້ອງໃຫ້ພວກເຂົາເຈົ້າ ເດີນທາງກັບຄືນມາຍັງກຸງວໍຊິງຕັນໃນອາທິດໜ້າ ເພື່ອໃຫ້ບັນລຸການຕົກລົງກັນ.
