ລິ້ງ ສຳຫລັບເຂົ້າຫາ

logo-print

ສະ​ຕີ​ໝາຍ​ເລກ​ນຶ່ງ ສະ​ຫະ​ລັດ ເດີນ​ທາງ​ຢ້ຽມ​ຢາມ​ ປະ​ເທດ ອີ​ຈິບ


ສະ​ຕ​ີ​ໝາ​ຍ​ເລກ​ນຶ່ງ ທ່ານ​ນາງ ເມ​ລາ​ເນຍ ທ​ຣຳ ພົບ​ປະ​ກັ​ບປະ​ທາ​ນາ​ທິ​ບໍ​ດີ ອີ​ຈິບ ທ່ານ ອັບ​ແດ​ລ ຟັດ​ທາ ອາ​ລ-ຊີ​ຊີ ແລະ ພັນ​ລະ​ຍາ​ຂອງ​ທ່າ​ນ, ທ່ານ​ນາງ ເອັນ​ທິ​ສ​ຊາ ໂມ​ຮຳ​ມີ ອາ​ເມີ ຢູ່​ທຳ​ນຽບ​ປະ​ທາ​ນາ​ທິ​ບໍ​ດີ, ນະ​ຄອນຫຼວງ​ ໄຄ​ໂຣ ປະ​ເທດ ອີ​ຈິບ. 6 ຕຸ​ລາ, 2018.

ສະ​ຕີ​ໝາຍ​ເລກ​ນຶ່ງ​ຂອງ ສະ​ຫະ​ລັດ ທ່າ​ນ​ນາງ ເມ​ລາ​ເນຍ ທ​ຣຳ ໄດ້​ເດີນ​ທາງ​ຮອດ​ນະ
ຄອນຫຼວງ ໄຄໂຣ, ປະເທດ ອີຈິບ ໃນວັນເສົາວານນີ້, ເຊິ່ງທ່ານນາງໄດ້ຮັບການທັກ
ທາຍ ໃນພິທີຕ້ອນຮັບໂດຍປະທານາທິບໍດີ ອັບແດລ ຟັດທາ ອາລ-ຊີຊີ (Abdel
Fattah al-Sisi) ພ້ອມກັບພັນລະຍາທ່ານນາງ ເອັນທິສຊາ (Entissar).

ຫຼັງ​ຈາກ​ການ​ຢ້ຽມ​ຢາມ​ທຳ​ນຽບ​ປະ​ທາ​ນາ​ທິ​ບໍ​ດີ ແລະ ຢຸດ​ແວ່​ທີ່​ສະ​ຖານ​ທູດ​ ສະ​ຫະ​ລັດ
ໃນ​ນະ​ຄອນຫຼວງ ໄຄ​ໂຣ ແລ້ວ, ທ່ານ​ນາງສະ​ຕີ​ໝາຍ​ເລກ​ນຶ່ງ​ກໍໄດ້​ມີ​ກຳ​ນົດ​ຢ້ຽມ​ຢາມ​
ທາດ ປີຣາມິດ ແລະ ຮູບປັ້ນແມວໃຫ​ຍ່ ສຟິ້ງສ໌ (Sphynx).

ປະ​ເທດ ອີ​ຈິບ ແມ່ນ​ບ່ອນ​ຢຸດ​ແວ່​ແຫ່ງ​ສຸດ​ທ້າຍ​ຂອງ​ທ່ານ​ນາງ ທ​ຣຳ ສຳ​ລັບ​ການ​ເດີນ​
ທາງຢ້ຽມຢາມ 4 ປະເທດ ອາຟຣິກາ ທີ່ລວມມີການຢ້ຽມຢາມປະເທດ ເຄັນຢາ, ບ່ອນ
ທີ່ທ່ານນາງໄດ້ໄປຢາມສູນເດັກກຳພ້າສອງແຫ່ງ, ເຊິ່ງແຫ່ງນຶ່ງແມ່ນສຳລັບເດັກນ້ອຍ
ແລະ ອີກບ່ອນນຶ່ງແມ່ນສຳລັບຈຳພວກຊ້າງ.

ທ່ານ​ນາງ ທ​ຣຳ ໄດ້​ຢຸດ​ແວ່​ສູນ​ຊ້າ​ງກຳ​ພ້າ ​ໃນ​ການ​ຢ້ຽມ​ຢາມ​ສວນ​ອຸດ​ທະຍານ​ແຫ່ງ​ຊາດ
ໄນ​ໂຣ​ບີ, ເປັນ​ບ່ອນ​ອະ​ນຸ​ລັກ​ທຳ​ມະ​ຊາດ​ ຕັ້ງ​ຢູ່​ພຽງ​ບໍ່​ເທົ່າ​ກິ​ໂລ​ແມັດ​ທາງ​ພາກ​ໃຕ້​ຂອງ​
ນະຄອນຫຼວງປະເທດ ເຄັນຢາ.

ເຈົ້າ​ໜ້າ​ທີ່​ສວນ​ອຸດ​ທະຍານ​ໄດ້​ກ່າວ​ຕໍ່​ສະ​ຕີ​ໝາຍ​ເລກ​ນຶ່ງ ກ່ຽວ​ກັບ ການ​ເອົາ​ບາດ​ກ້າວ​
ຕ່າງໆຂອງ ເຄັນຢາ ເພື່ອອະນຸລັກປະຊາກອນຊ້າງ ແລະ ແຮດໄວ້, ເຊິ່ງໄດ້ຖືກຂ້າຕາຍ
ໂດຍພວກນັກລ່າສັດ. ແຮດ ອີກ 11 ໂຕໄດ້ຕາຍໄປໃນເດືອນກໍລະກົດທີ່ຜ່ານມາ ຈາກ
ການກິນນ້ຳເຄັມ ຫຼັງຈາກຖືກສົ່ງໄປເຂດອະນຸລັກສັດປ່າແຫ່ງໃໝ່ຂອງ ເຄັນຢາ.

ເສັ້ນ​ທາງ​ລົດ​ໄຟ​ໃໝ່ທີ່​ຖືກ​ສ້າງ​ໂດຍ ຈີນ ຜ່ານ​ສວນ​ອຸດ​ທະ​ຍານ​ດັ່ງ​ກ່າວ ຍັງ​ເປັນ​ແຫຼ່ງ​
ຂອງບັນຫາ. ໂຄງການດັ່ງກ່າວ, ເຊິ່ງໄດ້ແຍກສວນອຸດທະຍານອອກເປັນສອງສ່ວນນັ້ນ,
ແມ່ນໄດ້ຮັບການໜູນຫຼັງໂດຍລັດຖະບານ ກ່ຽວກັບ ການຄັດຄ້ານຂອງບັນດານັກອານຸ
ລັກທຳມະຊາດ ຜູ້ທີ່ໄດ້ຕຳນິ ກ່ຽວກັບ ການສຶກສາຜົນກະທົບສິ່ງແວດລ້ອມທີ່ບໍ່ພຽງພໍ.

ໃນ​ວັນ​ສຸກ​ທີ່​ຜ່ານ​ມາ, ທ່າ​ນ​ນາງ ທ​ຣຳ ໄດ້​ປ້ອນ​ລູກ​ຊ້າງ​ດ້ວຍ​ການ​ໃຊ້​ຕຸກ​ນົມ​ຂະ​ໜາດ​
ໃຫຍ່, ແລ້ວຖືກລູກຊ້າງຊູນເອົາໜ້ອຍນຶ່ງ ໃນຂະນະທີ່ທ່ານນາງພະຍາຍາມທີ່ຈະປ້ອນ
ອີກເທື່ອນຶ່ງ. ທັງສະຕີໝາຍເລກນຶ່ງ ແລະ ຊ້າງນ້ອຍ ແມ່ນບໍ່ໄດ້ຮັບບາດເຈັບຈາກເຫດ
ການດັ່ງກ່າວ.

ອ່ານ​ຂ​່າວນີ້​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG