ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ເຮືອບິນລົບສະຫະລັດ ເກິດອຸປະຕິເຫດ ຕົກລົງໃສ່ ຕຶກອາຄານພັກຂອງປະຊາຊົນ


ເຮືອບິນລົບ ສະຫະລັດ ອາເມລິກາ ເກີດຕິດຂັດຕົກລົງໃສ່ອາຄານຂອງ ປະຊາຊົນທີ່ ເມຶອງ Virginia Beach ລັດ Virginia ວັນສຸກ ທີ່ 6, 2012.
ເຮືອບິນລົບ ສະຫະລັດ ອາເມລິກາ ເກີດຕິດຂັດຕົກລົງໃສ່ອາຄານຂອງ ປະຊາຊົນທີ່ ເມຶອງ Virginia Beach ລັດ Virginia ວັນສຸກ ທີ່ 6, 2012.

ພວກ​ໜ່ວຍ​ກູ້​ໄພ​ຂອງສະຫະ​ລັດ ກໍາລັງ​ຊອກ​ຫາ​ ​3 ຄົນ ຫລັງ​ຈາກ​ເຮືອ​ບິນລົບຂອງ​
ກອງທັບ​ເຮືອສະຫະລັດລໍາ​ນຶ່ງ ໄດ້ເກີດ​ເຄື່ອງ​ຈັກ​ຕິດ​ຂັດ ​ແລະ​ຕົກລົງ​ໃສ່​ຕຶກອາ​ຄານ​ທີ່​
ພັກ​ຂອງ​ປະຊາຊົນ ຢູ່ໃນລັດ​ເວີ​ຈີ​ເນຍ ​ທາງພາກ​ຕາ​ເວັນ​ອອກ​ຂອງສະຫະລັດ​ ​ໃນ​ວັນ​
ສຸກ​ວານ​ນີ້ ​ເຮັດ​ໃຫ້​ມີ​ຜູ້ໄດ້​ຮັບ​ບາດ​ເຈັບ 7 ຄົນ ຮວມ​ທັງ​ນັກ​ບິນທັງ 2 ຄົນ.

ເຈົ້າໜ້າ​ທີ່​ກ່າວ​ວ່າ ພວກ​ນັກ​ບິນໄດ້ບີ​ບຕັ່ງ​ນັ່ງ ກະ​ໂດດ​ອອກ​ຈາກເຮືອ​ບິນ ກ່ອນ​ທີ່​ມັນ​
ຈະ​ຕົກລົງ. ພວກໄດ້​ຮັບ​ບາດ​ເຈັບ​ທັງ​ໝົດ ຍົກ​ເວັ້ນ​ແຕ່​ນັກ​ບິນ​ຜູ້​ນຶ່ງ ​ໄດ້ໄປ​ຮັບ​ການ​ປີ່​ນ
ປົວບາດ​ແຜ ແລະ​ປ່ອຍ​ອອກ​ຈາກ​ໂຮງໝໍ.

ຜູ້​ບັນຊາ​ການ​ກອງພັນ ທີ່ຖານ​ທັບ​ກອງທັຍ​ເຮືອ​ຢູ່​ເມືອງ Virginia Beach ​ທ່າ​ນ
Tim Riley ​ກ່າວໃນ​ຕອນ​ແລງ​ວັນ​ສຸກວ່າ ການ​ຄົ້ນ​ຫາ​ ​ຢູ່​ຕຶກ​ອາຄານທີ່​ຖືກເສຍ​ຫາຍ
ທີ່​ຢູ່​ໃກ້​ກັບຝັ່ງ​ມະຫາ​ສະມຸດອັດແລນ​ຕິກ ນັ້ ​ເກືອບຈະ​ເສັດ​ສີ້​ນ​ແລ້ວ ​ແລະ​ໂອກາດ​ທີ່​ວ່າ
ຈະ​ມີຜູ້ໃດຍັງ​ມີ​ຊີວິດ​ຢູ່​ໃນ​ອາຄານ​ນັ້ນ​ມີ​ນ້ອຍ​ຫລາຍ ແຕ່​ວ່າ​ມາ​ຮອດ​ປັດຈຸບັນ​ນີ້​ກໍຍັງບໍ່​
ມີ​ລາຍ​ງານ​ວ່າ​ ມີ​ຜູ້​ໃດ​ເສຍ​ຊີວິດ.

ເຮືອບິນ​ຕົກ​ຄັ້ງ​ນີ້​ໄດ້​ສ້າງ​ຄວາມເສຍ​ຫາຍໜັກ​ໃຫ້ແກ່ຕຶກອາພາດ​ທະ​ມັ້ນ​ນ້ອຍໆຫລາຍ​
ຫລັງ ​ທີ່ເຊື່ອ​ວ່າ​ເປັນ​ທີ່​ພັກ​ເຊົາ​ຂອງ​ພວກ​ຜູ້​ເຖົ້າ. ​ເຮືອ​ບິນ​ຕົກ ທີ່​ໄດ້​ເກີດ​ຂື້ນ​ໃນເວລາບໍ່​ດົນ
​ຫລັງ​ຈາກເຮືອບິນຂື້ນຈາກເດິ່ນ ​ໄດ້​ສົ່ງ​ແປວໄຟສູງ​ ກຸ້​ມຂື້ນ​ສູ່​ທ້ອງ​ຟ້າ.

ໂຄສົກ​ກະ​ຊວງ​ປ້ອງ​ກັນ​ປະ​ເທດສະຫະລັດຄົນ​ນຶ່ງກ່າວອອກທາງຕາໜ່າງສັງຄົມ Twitter
ກ່າວ​ວ່າ ລັດຖະມົນ​ຕີ​ປ້ອງ​ກັນ​ປະ​ເທດ ທ່ານ Leon Panetta ກໍາລັງ “ຕິດຕາມ​ເບິ່ງ​ເຫດ
ການ​ນີ້​ຢູ່ຢ່າງ​ໃກ້​ຊິດ” ​ແລະ “ມີຄວາມ​ເປັນ​ຫ່ວງ ກ່ຽວ​ກັບ​ການ​ທີ່​ອາດ​ໄດ້​ມີຄົນ​ເສຍ​ຊີວິດ.”

ຜູ້​ວ່າການລັດ​ເວີ​ຈີ​ເນຍ ທ່ານ Bob McDonnell ກ່າວ​ວ່າ “ພວກ​ເຮົາ​ຂໍ​ພາວະນາ​ໄຫ້​ວວອນ​
ຢ່າງ​ແຮງ​ກ້າ ຂໍບໍ່​ມີ​ໃຜ​ໄດ້​ຮັບ​ບາດ​ເຈ​ບ ​ຫລື​ຕາຍ​ຈາກ​ອຸປະຕິ​ເຫດ​ຄັ້ງນີ້.”

ເຮືອບິນ​ລົບ ລຸ່ນ F/A-18 Hornet ​ລໍາ​ທີ່​ຕົກ ​ແມ່ນປະ​ຈໍາ​ການ​ຢູ່​ຖານ​ທັບ​ອາກາດ​ຂອງ​
ກ​ອງທັບເຮືອສະຫະລັດ ທີ່ Virginia Beach ​ໃກ້​ບ່ອນ​ເກີດ​ເຫດ​ນັ້ນ ຊຶ່ງ​ເປັນ​ເຂດ​ທີ່​ຕັ້ງ​
ຂອງ​ຖາ​ນທັບ​ຫລາຍ​ແຫ່ງ.

XS
SM
MD
LG