ລິ້ງ ສຳຫລັບເຂົ້າຫາ

ວັນອາທິດ, ໒໑ ເມສາ ໒໐໒໔

ສຫລ ເນລະເທດ ເດັກນ້ອຍ ແລະແມ່ເຂົາເຈົ້າ ຈຸທຳອິດ 38 ຄົນ ກັບຄືນປະເທດ (ວີດີໂອ)


ເດັກອົບພະຍົບ ທີ່ຂາ້ມຊາຍແດນ ເຂົ້າມາໃນສະຫະລັດ ຖືກເຈົ້າໜ້າທີ່ຕຳຫລວດຊາຍແດນ ຈັບຕົວໄວ້ ທີ່ປ້ອມຕຳຫຼວດ ເມືອງ McAllen ລັດ Texas ເມື່ອວັນທີ 15 ກໍລະກົດ 2014.
ເດັກອົບພະຍົບ ທີ່ຂາ້ມຊາຍແດນ ເຂົ້າມາໃນສະຫະລັດ ຖືກເຈົ້າໜ້າທີ່ຕຳຫລວດຊາຍແດນ ຈັບຕົວໄວ້ ທີ່ປ້ອມຕຳຫຼວດ ເມືອງ McAllen ລັດ Texas ເມື່ອວັນທີ 15 ກໍລະກົດ 2014.

ສະຫະລັດໄດ້​ເນລະ​ເທດ​ເດັກ​ນ້ອຍ 38 ຄົນ ​ແລະ​ແມ່​ຂອງ​ພວກ
​ເຂົາ​ເຈົ້າ ກັບ​ຄືນ​ປະ​ເທດຮອນ​ດູຣາສ ໃນອາທິດ​ນີ້ ​ຊຶ່ງເປັນ​ເທື່ອ
​ທຳ​ອິດໃນ​ອັນທີ່ທາງການ​ສະຫະລັດ ໃຫ້​ຄຳ​ສັນຍາວ່າ ຈະ​ເປັນ
ຖ້ຽວ​ບິນປົກກະຕິ ເພື່ອນຳ​ສົ່ງພວກ​ເຂົ້າເມືອງຜິດກົດໝາຍຈາກ
​ອາ​ເມຣິກາ​ກາງ​ ກັບຄືນ​ປະ​ເທດ​ຂອງພວກ​ເຂົາ​ເຈົ້າ.

​ແຕ່​ສະຫະລັດ ​ໄດ້​ພົບ​ເຫັນຄວາມ​ຫຍຸ້ງຍາກ ນຳ​ຈຳນວນ​ເດັກ
ນ້ອຍ​ທີ່ຫຼັ່ງ​ໄຫຼ​ເຂົ້າມາ ຈຳນວນຫຼາຍໆພັນຄົນ ຊຶ່ງບາງ​ສ່ວນ
ກໍ​ມາ​ພ້ອມກັບ​ແມ່ ​ແລະ​ບາງ​ສ່ວນ​ມາ​ຕາມ​ລຳພັງ ພວກ​ເຂົາ​ເຈົ້າ
​ໄດ້ອອກ​ເດີນທາງ​ເປັນລະຍະໄກ ​ທີ່ເຕັມ​ໄປດ້ວຍ​ໄພອັນຕະລາຍ
​ຈາກ Honduras Guatemala ​ແລະ El Salvador ​ເພື່ອ​ຊອກ
​ຫາ​ຊີວິດ​ທີ່​ດີກ​ວ່າເກົ່າ ຢູ່​ໃນສະຫະລັດ. ມີ​ເດັກນ້ອຍ​ທີ່​ບໍ່ມີຜູ້​ປົກຄອງ​ຕິດຕາມ ປະມານ 9
ໝື່ນຄົນ​ ອາດສາມາດ​ຖືກ​ຈັບ​ກຸມ​ ຢູ່ຕາມຊາຍ​ແດນ​ໃນ​ປີ​ນີ້ ຊຶ່ງ​ໄດ້​ເພີ້​ມຂຶ້ນ 3​ ​ເທົ່າ​ ຂອງ​ຈຳ
ນວນເມື່ອສອງ​ສາມປີທີ່ຜ່ານ​ມາ.

US Lawmakers Clash Over the Fate of Children Crossing the Border
please wait

No media source currently available

0:00 0:03:14 0:00


ວິ​ກິດ​ການຄົນ​ເຂົ້າ​ເມືອງ ຕາມເຂດຊາຍ​ແດນ​ໃນ​ພາກຕາ​ເວັນ​ຕົກສຽງ​ໃຕ້ຂອງ​ສະຫະ​ລັດ
​ໂດຍ​ສະ​ເພາະ​ແມ່ນ​ລັດ Texas ຊຶ່ງ​ເປັນ​ເລື່ອງ​ໃໝ່ຂອງ​ປະ​ເທດ ​ໃນ​ແງ່​ຂອງ​ຈຳນວນ ​ແລະ
​ທີ່​ມາ​ ຂອງ​ພວກຄົນ​ເຂົ້າ​ເມືອງ ທີ່​ມາຈາກເຂດອາ​ເມຣິກາ​ກາງ ບໍ່​ແມ່ນ ປະ​ເທດ Mexico ທີ່​
ຢາກ​ເຂົ້າມາ​ຢູ່ໃນສະຫະລັດ.

Central American Children Fleeing Gangs and Poverty Touch Off Debate
please wait

No media source currently available

0:00 0:02:35 0:00

XS
SM
MD
LG