ລິ້ງ ສຳຫລັບເຂົ້າຫາ

ຊາຍອາເມຣິກັນຄົນນຶ່ງ ໄດ້ຮັບການຜ່າຕັດ ປ່ຽນໜ້າຕາ ໃໝ່ໝົດ

  • ສິງ ບູຣົມມະວົງ

ນາຍ Richard Norris ທີ່ໄດ້ຮັບການຜ່າຕັດໜ້າຕາໃໝ່ ໃນເມືອງ Baltimore ລັດ Maryland.ວັນທີ 28 ມີນາ 2012.

ຜູ້​ຊາຍ​ອາ​ເມຣິກັນ​ຄົນ​ນຶ່ງ​ໄດ້​ຜ່ານ​ອັນ​ທີ່​ພວກ​ນາຍ​ແພດ​ຂອງ​ຜູ້ກ່ຽວ​ເວົ້າວ່າການ​ຜ່າຕັດ​ປ່ຽນ
ໜ້າ​ຕາ​ໃໝ່​ຢ່າງ​ຂະໜານ​ໃຫຍ່​ທີ່​ບໍ່​ເຄີຍ​ເຮັດ​ມາ​ກ່ອນ.

ທີ​ມໝໍ​ຜ່າຕັດແລະ​ນາງພະຍາບານ ຈໍານວນ​ຫຼາຍ​ກວ່າ 100 ຄົນ​ ທີ່​ສູນ​ການ​ແພດ​ມະຫາ
ວິທະຍາ​ໄລ​ລັດ Maryland ທີ່​ເມືອງ Baltimore ​ໃຊ້​ເວລາ 36 ຊົ່ວ​ໂມງ ໃນ​ສັບປະດາ​
ແລ້ວ​ນີ້ ​ເພື່ອ​ທໍາ​ການຜ່າຕັດ​ປ່ຽນ​ໜ້າໃໝ່ໃຫ້​ນາຍ Richard Norris ​ໄວ 37 ປີ ຊາວ​
ເມືອງ Baltimore ທີ່​ມີ​ໃບ​ໜ້າ​ຜິດ​ປົກກະຕິຢ່າງ​ໜ້າ​ຢ້ານ​ກົວ ຍ້ອນ​ອຸບັດ​ເຫດຖືກ​ປືນ​ລັ່ນ
ໃສ່ ເມື່ອ 15 ປີຜ່ານມາ.

ຮູບສາມໜ້າຂອງນາຍ Richard Lee Norris (AP Photo/Gail Burton)
ຮູບສາມໜ້າຂອງນາຍ Richard Lee Norris (AP Photo/Gail Burton)

ນາຍ Norris ​ໄດ້​ຮັບ​ໜ້າ​ໃໝ່​ຈາກ
​ຜູ້​ບໍລິຈາກ​ໜ້າ​ຄົນ​ດຽວ​ທີ່​ບໍ່​ບອກຊື່
​ໃຫ້​ຊາບ ທີ່ໄດ້ບໍລິຈາກຫົວ​ໃຈ
ປອດ ຕັບ​ແລະ​ໝາກ​ໄຂ່ຫຼັງ​ໃຫ້​ຄົນ
ເຈັບ​ອື່ນ​ອີກ 5 ຄົນ​ເຊ່ນ​ກັນ​ນັ້ນ.
ລີ້ນ ​ແຂ້ວ ແລະກະ​ດູກປາກ​ຂ້າງ​
ເທິງ​ແລະ​ກະດູກ​ຄາງກະ​ໄຕ​ຂອງ
ນາຍ Norris ກໍໄດ້​ຖືກປ່ຽນ​ເຊ່ນ
ກັນ​ ໃນ​ລະຫວ່າງການຜ່າຕັດ
​ຢ່າງ​ດົນ​ນານ​ນັ້ນ.

ທ່ານໝໍ Eduardo Rodriguez
ທີ່​ເປັນ​ຫົວໜ້າ​ທີ​ມຜ່າຕັດ​ໃນ​ຄັ້ງ​ນີ້
ກ່າວ​ວ່າ ນາຍ Norris ສາມາດ
​ເໜັງ​ຕີງ ​ລີ້ນ ຖູ​ແຂ້ວ​ ແລະ​ແຖ
​ໜວດ​ຂອງ​ລາວໄດ້​ແລ້ວ. ນາຍ
Norris ໄດ້​ພັກ​ອາ​ໄສ​ຢູ່​ຢ່າງ​ໂດດ
ດ່ຽວໃນ​ເຮືອນ​ຂອງ​ພໍ່ແມ່​ຂອງ​ລາວມາ ນັບ​ແຕ່​ເກີດ​ອຸບັດ​ເຫດ ບໍ່​ສູ້​ອອກ​ໄປ​ນອກເຮືອນ
​ແລະ​ເວລາ​ອອກ​ໄປ ກໍ​ຕ້ອງ​ໃສ່​ໜ້າ​ກາກ​ຜ່າຕັດ ປົກ​ຄຸມ​ໜ້າ​ຂອງ​ລາວໄວ້.

ການ​ຜ່າຕັດ​ນີ້ມີ​ຂຶ້ນ​ຫຼັງ​ຈາກ​ການ​ຄົ້ນຄວ້າ​ມາ​ເປັນ​ເວລາ​ນຶ່ງ​ທົດ​ສະ​ວັດທີ່​ໄດ້​ຮັບ​ທຶນ​ຈາກ​
ກອງທັບ​ສະຫະລັດ ທີ່​ມີ​ວັດຖຸ​ປະສົງ​ເພື່ອ​ຊ່ອຍ​ພວກນັກ​ລົບ​ເກົ່າ​ຈາກ​ສົງຄາມ​ອັຟກາ​ນິສ
ຖານ​ແລະອິຣັກ ທີ່​ໄດ້​ຮັບ​ບາດ​ແຜ​ຈາກ​ວັດຖຸ​ລະ​ເບີດ​ຕ່າງໆ​ນັ້ນ.

XS
SM
MD
LG