ໂຄສົກກອງທັບອີຣັກ ກ່າວວ່າ ກຳລັງຊາວເຄີດສ໌ແລະທະຫານ
ຕໍ່ຕ້ານການກໍ່ການຮ້າຍຂອງອີຣັກ ໄດ້ເຂົ້າຄວບຄຸມເຂື່ອນໄຟຟ້າ
ທີ່ສຳຄັນຄືນແລ້ວ ຈາກພວກນັກຕໍ່ສູ້ຂອງກຸ່ມລັດອິສລາມ.
ກອງທັບອີຣັກ ກ່າວໃນວັນຈັນມື້ນີ້ວ່າ ພວກກຳລັງຂອງພວກຕົນ
ໄດ້ຂັບໄລ່ພວກຫົວຮຸນແຮງອອກຈາກເຂດເຂື່ອນໄຟຟ້າ Mosul
ທີ່ສະໜອງໄຟຟ້າ ແລະການຊົນລະປະທານ ໃຫ້ແກ່ຂົງເຂດສ່ວນ
ໃຫຍ່ໃນພາກເໜືອຂອງອີຣັກນັ້ນ.
ເບິ່ງພາບຫລ້າສຸດ ທີ່ເຂື່ອນ Mosul
ແຕ່ບໍ່ມີການຢືນຢັນຈາກແຫຼ່ງຂ່າວທີ່ເປັນອິດສະລະເທື່ອ ໃນເວລານີ້.
ພວກໂຄສົກກອງທັບອີຣັກ ກ່າວວ່າ ການປະຕິບັດງານໄດ້ດຳເນີນໄປຢ່າງສຳເລັດຜົນ
ດ້ວຍການຊ່ອຍເຫຼືອທາງອາກາດ ແຕ່ບໍ່ໄດ້ໃຫ້ລາຍລະອຽດເພີ້ມຕື່ມ.
ກອງທັບສະຫະລັດ ກ່າວໃນວັນອາທິດວານນີ້ວ່າ ຕົນໄດ້ທຳການໂຈມ ຕີທາງອາກາດ
ຕໍ່ພວກຫົວຮຸນແຮງລັດອິສລາມ ໃກ້ກັບເຂື່ອນ Mosul ອັນເປັນພາກສ່ວນນຶ່ງຂອງພາ
ລະກິດຂອງຕົນ ໃນການປົກປັກຮັກສາໂຄງລ່າງພື້ນຖານ ແລະພວກພະນັກງານຂອງສະ
ຫະລັດ.
ສະຫະລັດໄດ້ເລີ້ມທຳການໂຈມຕີທາງອາກາດຄັ້ງທຳອິດຂອງຕົນໃນຕົ້ນເດືອນນີ້ ຕໍ່ພວກ
ກະບົດ ຊຶ່ງເຫດຜົນສ່ວນນຶ່ງກໍແມ່ນເພື່ອປ້ອງກັນບໍ່ໃຫ້ມີການເຂັ່ນຂ້າພວກຊົນກຸ່ມນ້ອຍ
ເຜົ່າ Yazidi ທີ່ຕົກຄ້າງຢູ່ເທິງພູ Sinjar ໃນພາກເໜືອຂອງອີຣັກນັ້ນ.
