ສະຫະລັດ ໄດ້ປິດສະຖານທູດຂອງຕົນ ທີ່ລີີເບຍ ເປັນການຊົ່ວ
ຄາວ ແລະໄດ້ຍົກຍ້າຍ ພະນັກງານໄປຢູ່ປະເທດເພື່ອນບ້ານ
ຕູນິເຊຍ ຍ້ອນການສູ້ລົບກັນຢ່າງໜັກ ຢູ່ໃກ້ກັບສະຖານທູດ
ໃນເມືອງຫລວງ Tripoli.
ກະຊວງການຕ່າງປະເທດສະຫະລັດ ກ່າວວ່າ ຕົນໄດ້ໂຈະ
ການປະຕິບັດງານ ຂອງສະຖານທູດໄວ້ ຍ້ອນ “ຄວາມຮຸນ
ແຮງທີ່ດຳເນີນຢູ່ຕໍ່ມາ ລະຫວ່າງພວກ ທະຫານບ້ານລີເບຍ.”
ຢູ່ໃນຄຳຖະແຫລງວັນເສົາວານນີ້ ກະຊວງການຕ່າງປະເທດ
ຍັງໄດ້ສະເໜີໃຫ້ ພົນລະເມືອງສະຫະລັດ ໃນລີເບຍ ເດີນ
ທາງອອກຈາກປະເທດໄປໂດຍທັນທີ.
ລັດຖະມົນຕີ ຕ່າງປະເທດ ສະຫະລັດ ທ່ານ John Kerry ກ່າວວ່າ ຄວາມຮຸນແຮງຢ່າງບໍ່
ເລືອກໜ້າລະຫວ່າງພວກທະຫານບ້ານ ກຳລັງເກີດຂື້ນຢູ່ໃນນະຄອນ ຫລວງລີເບຍ. ທ່ານ
ກ່າວວ່າ ເຖິງແມ່ນວ່າຄວາມຮຸນແຮງໃນTripoli ບໍ່ໄດ້ແນ ໃສ່ສະຖານທູດ ແຕ່ມັນກໍເປັນ
ການສ່ຽງຕໍ່ “ອັນຕະລາຍຢ່າງທີ່ສຸດ” ຕໍ່ບັນດາພະນັກງານ.
ທ່ານ Kery ໄດ້ຖະແຫລງຈາກ ນະຄອນປາຣີ ໃນວັນເສົາວານນີ້ ບ່ອນທີ່ທ່ານໄດ້ພົບປະ
ກັບບັນດານັກການທູດ ກ່ຽວກັບບັນຫາຂັດແຍ້ງ ອິສຣາແອລ-ປາແລສໄຕນ໌.
ໃນວັນສຸກທີ່ຜ່ານມາ ກະຊວງຕ່າງປະເທດ ເທິກີ ກໍປະກາດວ່າ ຕົນໄດ້ໂຈະ ການປະຕິບັດງານຢູ່ສະຖານທູດຂອງຕົນ ໃນ Tripoli ແລະຍົກຍ້າຍ ພົນລະເມືອງເທິກິ ຫລາຍກ່ວາ
500 ຄົນ ໄປຍັງ Tunisia.
ໃນຫວ່າງບໍ່ເທົ່າໃດອາທິດທີ່ຜ່ານມາ ພວກທະຫານບ້ານທີ່ຄູ່ສັດຕູກັນ ໄດ້ທຳການຕໍ່ສູ້ກັນ
ເພື່ອຄວບຄຸມເດີ່ນບິນ Tripoli ໃນການສູ້ລົບກັນທີ່ຮຸນແຮງທີ່ສຸດບັ້ນນຶ່ງ ນັບແຕ່ອະດີດຜູ້
ນຳ Moammar Gadhafi ໄດ້ຖືກໂຄ່ນລົ້ມ ໃນປີ 2011.
