ສະຫະລັດ ແລະ ສະຫະພາບຢູໂຣບ ໄດ້ຕົກລົງກັນຄັ້ງໃໝ່ ກ່ຽວ
ກັບກົດລະບຽບ ສົ່ງຂໍ້ມູນຂ້າມມະຫາສະມຸດ Atlantic ຫລັງຈາກ
ສານຢູໂຣບ ໄດ້ປະຕິເສດ ບໍ່ເຫັນດີ ກັບຂໍ້ຕົກລົງເທື່ອກ່ອນ ໃນ
ເດືອນຕຸລາ ຜ່ານມາ.
ກຳມາທິການຍຸຕິທຳຢູໂຣບ ທ່ານນາງ Vera Jourova ໄດ້ປະ
ກາດການເຄື່ອນໄຫວດັ່ງກ່າວໃນວັນອັງຄານວານນີ້ໂດຍກ່າວວ່າ
ທ່ານນາງ ຄາດວ່າ ການຕົກລົງນີ້ຈະມີຜົນບັງຄັບໃຊ້ປະມານສາມ
ເດືອນຂ້າງໜ້າ. ທ່ານນາງກ່າວວ່າ ການຕົກລົງນີ້ເປັນຂີດໝາຍ
ເທຶຶ່ອທຳອິດທີ່ສະຫະລັດ ໄດ້ໃຫ້ສະຫະພາບຢູໂຣບ “ການຄໍ້າ
ປະກັນທີ່ມີຜົນບັງຄັບ” ວ່າບັນດາເຈົ້າໜ້າທີ່ສາທາລະນະ ສາມາດ
ເຂົ້າໄປຫາຂໍ້ມູນສ່ວນບຸກຄົນ ຈະມີຂອບເຂດກະຈ່າງແຈ້ງ ການຄຸ້ມຄອງ ແລະການເຝົ້າ
ດູແລ.
ລັດຖະມົນຕີການຄ້າ ສະຫະລັດ ທ່ານນາງ Penny Pritzker ກ່າວຕໍ່ບັນດານັກຂ່າວໃນ
ວັນອັງຄານວານນີ້ວ່າ ການຕົກລົງເປັນ “ສູນກາງ ການຄ້າຂ້າມມະຫາສະເມຸດອັດລັງຕິກ”
ແລະຍັງໃຫ້ສັນຍານເຖິງຄວາມໃກ້ຊິດຂອງສາຍສຳພັນ ລະຫວ່າງສະຫະລັດກັບຢູໂຣບ.
ການຕົກລົງນີ້ໄດ້ອະນຸຍາດໃຫ້ມີການທົບທວນປະຈຳປີໃນອັນທີ່ທັງສອງຝ່າຍສາມາດ
ແກ້ໄຂກ່ຽວກັບການຂົ່ມຂູ່ໃດໆກໍຕາມຕໍ່ຄວາມລັບສ່ວນໂຕ.
ພວກຕິຕຽນຕໍ່ຂໍ້ຕົກລົງ ທີ່ຮ້ອງວ່າ “ປ້ອງກັນຄວາມລັບ” ກ່າວວ່າ ບໍ່ໄດ້ປະຕິບັດຢ່າງເປັນ
ການພຽງພໍ ເພື່ອປ້ອງກັນຂໍ້ມູນ ຂອງປະຊາຊົນຊາວຢູໂຣບ ແລະໄດ້ເຕືອນວ່າ ເລື້ອງດັ່ງ
ກ່າວອາດກັບຄືນມາສິ້ນສຸດລົງຢູ່ທີ່ສານ.
ຂໍ້ຕົກລົງປ້ອງກັນຄວາມລັບ ແມ່ນທົດແທນຂໍ້ຕົກລົງທີ່ມີອາຍຸ 15 ປີ ທີ່ຮູ້ກັນໃນນາມ
“ບ່່ອນຫລົບລີ້ປອດໄພ” ທີ່ໄດ້ຖືກປະຕິເສດ ໃນເດືອນຕຸ ລາຜ່ານມາ ຫລັງຈາກສານ
ຢູໂຣບ ໄດ້ຕັດສິນວ່າ ຂໍ້ຕົກລົງນີ້ບໍ່ສະເໜີປ້ອງກັນຄວາມລັບຢ່າງພຽງຕໍ່ຊາວຢູໂຣບ.
