ລິ້ງ ສຳຫລັບເຂົ້າຫາ

ວັນພຸດ, ໒໔ ເມສາ ໒໐໒໔

ການເຕີບໂຕຊ້າລົງໃນຢູໂຣບ ເພິ່ມຄວາມຫຍຸ້ງຍາກ ໃຫ້ແກ່ບັນຫາໜີ້ສິນ (ເບິ່ງວີດີໂອລາວ/ອັງກິດ)


ປະທານາທິບໍດີຝຣັ່ງ ທ່ານ Nicolas Sarkozy ກັບນາຍົກລັດຖະມົນຕີເຢຍລະມັນ ທ່ານນາງ Angela Merkel, ປະຊຸມກັນເພື່ອຫາທາງອອກ ແກ່ບັນຫາໜີ້ສິນຂອງຢູໂຣບ ທີ່ທໍານຽບປະທານາທິບໍດີຝຣັ່ງ Elysee Palace ຢູ່ນະຄອນຫລວງປາຣີ, ວັນທີ 16 ສິງຫາ 2011.
ປະທານາທິບໍດີຝຣັ່ງ ທ່ານ Nicolas Sarkozy ກັບນາຍົກລັດຖະມົນຕີເຢຍລະມັນ ທ່ານນາງ Angela Merkel, ປະຊຸມກັນເພື່ອຫາທາງອອກ ແກ່ບັນຫາໜີ້ສິນຂອງຢູໂຣບ ທີ່ທໍານຽບປະທານາທິບໍດີຝຣັ່ງ Elysee Palace ຢູ່ນະຄອນຫລວງປາຣີ, ວັນທີ 16 ສິງຫາ 2011.

ລາຍງານຂ່າວໃນອາທິດແລ້ວນີ້ເວົ້າວ່າ ການເຕີບໂຕຂອງເສດຖະກິດໃນ 17 ປະເທດ ທີ່ໃຊ້ ເງິນຢູໂຣ ໄດ້ຊັກຊ້າລົງໄປຫລາຍໃນລະຫວ່າງເດືອນເມສາແລະເດືອນມິຖຸນາຜ່ານມາ. ພວກ ນັກເສດຖະສາດກ່າວວ່າ ການເຕີບໂຕຢ່າງຝຶດເຄືອງຂອງເສດຖະກິດຂອງພາກພື້ນຢຸໂຣບ ໃນໄຕມາດທີສອງນັ້ນ ແຮ່ງເຮັດໃຫ້ບັນຫາໜີ້ສິນຂອງຂົງເຂດໜັກໜ່ວງຂຶ້ນໄປອີກ. ຂະນະ ດຽວກັນ ພວກນັກຊ່ຽວຊານກ່າວວ່າ ການເຕີບໂຕຊ້າລົງໃນຢຸໂຣບ ອາດສາມາດສົ່ງຜົນ ກະທົບຮ້າຍແຮງໃຫ້ແກ່ເສດຖະກິດຂອງສະຫະລັດໄດ້ເຊັ່ນກັນ. ດາຣາ ມີເລຶ່ອງນີ້ມາສະເໜີ.

ຄວາມ​ເປັນ​ຫ່ວງ​ທີ່​ມີ​ມາຢ່າງ​ບໍ່​ລົດ​ລະ ກ່ຽວ​ກັບ​ເສດຖະກິດ​ທີ່​ຂະຫຍາຍ​ໂຕຊ້າ​ລົງ​ໃນ​ຢຸ​ໂຣບນັ້ນ
ໄດ້ເຮັດ​ໃຫ້​ລາຄາ​ຫຸ້ນທີ່​ຕະຫລາດ​ຫຸ້ນ Wall Street ​ຂອງ​ສະຫະລັດ ທີ່ຖີບ​ໂຕ​ສູງ​ຂຶ້ນເປັນ
ເວລາສາມ​ມື້ລຽນຕິດ​ນັ້ນ ຕົກ​ຮວບ​ລົງ​ໃນ​ທັນ​ໃດ ​ເມື່ອ​ອາທິດ​ຜ່າ​ນມາ.

ປະ​ເທດ​ເຢຍລະ​ມັນ ຊຶ່ງ​ຖື​ກັນ​ວ່າ ​ເປັນ​ອໍານາດ​ໃຫຍ່​ທາງ​ເສດຖະກິດ​ໃນ ​ເຂດ​ເງິນ​ຢູ​ໂຣ ຫລື
ຢູ​ໂຣ​ໂຊນ ທີ່ມີ​ສະມາ​ຊິກ 17 ປະ​ເທດ​ນັ້ນ ມີ​ອັດຕາ​ການ​ຂະຫຍາຍ​ໂຕ​ແຕ່​ພຽງ 1 ສ່ວນ 10
ຂອງ 1% ຫລື .10 ເທົ່າ​ນັ້ນ ​ໃນ​ໄຕ​ມາດ​ທີ​ສອງ.

ທ່ານ Jeffrey Sica ຈາກບໍລິສັດ Sica Wealth Management
ທ່ານ Jeffrey Sica ຈາກບໍລິສັດ Sica Wealth Management

ທ່ານ Jeffrey Sica ຜູ້​ຈັດການ​ບໍລິສັດ​ຄຸ້ມ​ຄອງຄວາມ​ຮັ່ງມີ Sica ກ່າວ​ວ່າ ການ​ເຕີບ​ໂຕ​ທີ່​ອ່ອນແອ​ຂອງ​ເຢຍລະມັນ ມີ​ແຕ່​ສ້າງ​ຄວາມ​ຫຍຸ້ງຍາກ​ໃຫ້​ແກ່​ບັນຫາ​ໜີ້​ສິນຂອງ​ພາກ​ພື້ນ​ຢຸ​ໂຣບ ​ເພີ່ມ​ຂຶ້ນ​ເທົ່າ​ນັ້ນ. ທ່ານ​ກ່າວ​ຕໍ່​ໄປ​ວ່າ:

ຄວາມ​ຮູ້ສຶກທົ່ວ​ໄປນັ້ນ​ກໍ​ແມ່ນ​ວ່າ ຖ້າ​
ຫາກ​ເສດຖະກິດ
ຂອງເຢຍລະມັນ ຊຶ່ງ
ເປັນ​ເສດຖະກິດ​ທີ່​ເຂັ້ມ​ແຂງ
ກ່ວາ​ໝູ່
ນັ້ນ ​ຢຸດ
ສະ​ງັກ ບໍ່​ໄປ​ບໍ່​ມາແລ້ວ ພວກ
ເສດຖະກິດ
ທີ່ອ່ອນແອທີ່​ສຸດນັ້ນ​ຈະ​
ເປັນ​ຢ່າງ​ໃດ? ຂ້າພະ​ເຈົ້າຄິດ​ວ່າ​ຈໍາ
ນວນ​ເງິນ​ທີ່ຢູ່​ໃນ​ລະບົບ​ທະນາຄານ​ໃນ​ທະນາຄານ​ຕ່າງໆ​ຂອງ​ຢຸ​ໂຣບ ໂດຍ​ສະ​ເພາະ
ສະ​ເປ​ນ
ແລະອິຕາ​ລີນັ້ນ ແມ່ນ​ຈະບັ່ນ​ທອນພວກ​ເສດ​ຖະກິດ​ເຫລົ່າ​ນັ້ນ ຢ່າງ​ຊ້າໆ.

ການ​ອອກ​ມາຮຽກຮ້ອງ​ໃຫ້​ມີ​ຄວາມ​ເປັນ​ເອກະ​ພາບກັນຫລາຍ​ຂຶ້ນ​ທາງ​ເສດຖະກິ​ດ​ແລະ​ການ​ເມືອງຂອງທ່ານ​ນາງ Angela Merkel ນາຍົກລັດຖະມົນຕີ​ເຢຍລະມັນ ​ແລະ​ທ່ານ Nicholas Sarkozy ປະທານາທິບໍດີ​ຝຣັ່ງ ​ເມື່ອ​ວັນ​ອັງຄານອາທິດ​ແລ້ວ​ນີ້​ ບໍ່​ໄດ້ຊ່ວຍ​ລະງັບ ​ຄວາມ​ເປັນ​ຫ່ວງ​ນັ້ນເລີຍ.

ຄລິກບ່ອນນີ້ເພື່ອເບິ່ງວີດີໂອພາສາລາວ ຫລືບ່ອນ mp4 ຫລື wmv ຂ້າງເທິງຂວາມື

ທ່ານ Robert Halver ນັກວິ​ເຄາະຊາວ​ເຢຍລະ​ມັນ ​ກ່າວ​ວ່າ ພວກ​ນັກ​ລົງ​ທຶນຢາກ​ຮູ້​ວ່າ ບັນດາ​ຜູ້​ນໍາ​ ​ອີຢູ ຫລື​ສະຫະພາບໂຣບ ມີ​ແຜນການ​ຈະ​ແກ້​ໄຂເລຶ່ອງນີ້​ແບບ​ໃດ​ ​ໃນ​ປັດຈຸບັນ​. ທ່ານ​ກ່າວ​ວ່າ:

“ການ​ອອກ​ກົດໝາຍ​ໄລ​ຍະ​ຍາວ​ຈະ​ດີ​ຢູ່ ​ແຕ່ເຮົາ​ກໍ​ຕ້ອງເອົາ​ໃຈ​ໃສ່ເລຶ່ອງການ​ແກ້​ ໄຂບັນຫາ​ໃນ​ໄລຍະ​ສັ້ນນັ້ນ​ກ່ອນ.

ຢູ່​ໃນ​ສະຫະລັດ ລາຍ​ໄດ້​ທີ່​ເຂັ້ມ​ແຂງ​ຂອງ​ພວກບໍລິສັດ​ໃຫຍ່ໆ​ ​ໄດ້ຊ່ວຍ​ໃຫ້​ຄວາມ​ເປັນ​ຫ່ວງ​ບາງຢ່າງ​ເບົາບາງ​ລົງ​ກ່ຽວ​ກັບ​ລາຄາ​ຫຸ້ນທີ່ Wall Street. ​ແຕ່ທ່ານ Jeffrey Sica ກ່າວ​ວ່າ ຊາວ​ອະ​ເມຣິກັນ​ພາກັນ​ບໍ່​ເອົາ​ຫົວຊາ​ຕໍ່ສະຖານະ​ການໃນ​ພາກ​ພື້ນ​ຢຸ​ໂຣບ ຊື່​ງ​ເປັນ​ການ ສ່ຽງ​ກັບ​ອັນຕະລາຍຕໍ່ ໂຕ​ເຂົາ​ເຈົ້າເອງ. ທ່ານ​ກ່າວ​ຕື່ມ​ວ່າ:

“ເຖິງ​ແມ່ນ​ວ່າ ມີທ່າ​ທີເມີນ​ເສີຍ ຫລືບາງ​ຄັ້ງ​ບາງ​ຄາວ ຮອດບໍ່​ຮູ້​ເມື່ອ​ໂຕ​ເລີຍ ຢູ່ໃນ​ປະ​ເທດ​ນີ້ ກ່ຽວ​ກັບພາກ​ພື້ນ​ຢຸ​ໂຣບນັ້ນ​ກໍ​ຕາມ ແຕ່​ວ່າ​ເມື່ອ​ໃດ​ທີ່ມີຫລາຍຄົນ​ຂຶ້ນ ທີ່ມອງເຫັນຄວາມ​ກາງ​ຕໍ່​ຊຶ່ງ​ກັນ​ແລະ​ກັນ ໃນລະຫວ່າງພວກທະນາຄານ​ຢຸ​ໂຣບ ກັບທະນາຄານສະຫະລັດນັ້ນ​ແລ້ວ ເມື່ອນັ້ນ ເຂົາ​ເຈົ້າກໍ​ຈະ​ມີ​ຄວາມ​ເປັນ​ຫ່ວງ​ຢ່າງ​ໜັກໜ່ວງ​ຂຶ້ນ​ເທົ່າ​ນັ້ນ.

ຖ້າ​ຫາກ​ວ່າ​ວິ​ກິດ​ການ​ໜີ້​ສິນ​ຂອງ​ພາກ​ພື້ນ​ຢຸ​ໂຣບ​ແຜ່ລາມ​ ກາຍປະ​ເທດ ກຣີສ​ ແລະປໍ​ຈຸ​ກາລ ອອກ​ໄປ​ ພວກ​ນັກວິ​ເຄາະ​ກ່າວ​ວ່າ ພວກ​ປະ​ເທດ​ອື່ນໆທີ່​ມີ​ໜີ້ສິນ​ຖ້ວມ​ຫົວ​ຄື​ກັນ ​ເຊັ່ນ ອິຕາ​ລີ​ແລະ​ສະ​ເປ​ນນັ້ນ​ ກໍ​ອາດ​ຈະມີ​ບັນຫາເລຶ່ອງກູ້​ຢືມ​ເງິນ. ​ດອ​ກ​ເບັ້ຍ​ທີ່​ສູງ​ຂຶ້ນ​ ອາດເຮັດ​ໃຫ້ບໍ່​ສາມາດ​ຊໍາລະ​ໜີ້​ສິນໄດ້ ​ແລະ​ອາດ​ກໍ່​ໃຫ້ເກີດ​ວິ​ກິດ​ການ​ດ້ານ​ທະນາຄານອີກ​ບັ້ນ​ນຶ່ງ​ກໍ​ໄດ້ ຊຶ່ງ​ໃນ​ທີ່​ສຸດ​ກໍ​ຈະສົ່ງ​ຜົນໃຫ້ເສດຖະກດໂລກ​ ຕົກ​ຢູ່​ໃນ​ສະພາວະ​ຖອຍ​ຫລັງ​ ອີກຄັ້ງນຶ່ງ​.

ທ່ານ Sica ກ່າວ​ຕື່ມ​ວ່າ ພວກ​ຕະຫລາດການ​ເງິນທັງຫລາຍ​ເບິ່ງ​ຊົງ​ຈະ​ຕົກ​ຢູ່​ໃນ​ສະພາບ​ຂາດທຶນ ​ໄປ​ຕະຫລອດ​ປີ​ນີ້ ເວັ້ນ​ເສ​ຍ​ແຕ່​ວ່າ ພວກ​ຜູ້​ນໍາ​ທັງຫລາຍຂອງ​ຢຸ​ໂຣບ ພົບວິທີ​ແກ້​ໄຂບັນຫາ​ວິ​ກິດ​ການ​ໜີ້​ສິນ​ໄດ້​.

“ຂ້າພະ​ເຈົ້າຄິດ​ວ່າ ຢຸ​ໂຣບຈະ​ພາດ​ຫົວ​ຂ່າວ​ອີກ​ຄັ້ງ​ນຶ່ງ ​ແລະຂ້າພະ​ເຈົ້າກໍ​ຄິດ​ວ່າ ການ​ຊ້າ​ລົງ​ຂອງ​ເສດຖະກິດ​ຂອງ​ພວກ​ເຮົາ ​ແຮ່ງ​ຈະ​ຊ້າ​ລົງ​ໄປ​ອີກ​ຍ້ອນສະຖານະການ​ດັ່ງກ່າ​ວ ແລະ​ຂ້າພະ​ເຈົ້າຄິດ​ວ່າ ມັນ​ຈະ​ເປັນ​ປີ​ທີ່​ໜັກໜ່ວງ​ທີ່​ສຸດ​ ສໍາລັບ​ພວກ​ນັກ​ລົງທຶນ.”

ມີນັກ​ຊ່ຽວຊານ ​ໃນຈໍານວນຫລາຍ​ຂຶ້ນ ທີ່​ຮຽກຮ້ອງ​ໃຫ້ມີ​ການ​ອອກພັນທະບັດ​ຢູ​ໂຣອັນ​ດຽວ​ກັນ ສໍາລັບ​ໝົດ​ທັງ 17 ປະ​ເທດ​ຂອງ​ເຂດ​ຢຸ​ໂຣ ເພື່ອນໍ​າອອກ​ຂາຍ​ ​ເພື່ອປ້ອງ​ກັນ​ບໍ່​ໃຫ້​ອັດຕາ​ດອກ​ເບ້ຍ​ສູງ​ຂຶ້ນ​ໄປ​ອີກ ທີ່​ໄດ້​ຜັກ​ດັນ​ໃຫ້ກຣີສ ປໍ​ຈຸ​ກາລ ​ແລະອາຍ​ແລນ​ດ໌ ຕ້ອງ​ໄດ້​ຮ້ອງ​ຂໍ​ການ​ຊ່ວຍ​ເຫລືອ ​ເພື່ອກູ້​ເສດຖະກິດ​ຄືນ​ມາ​ນັ້ນ. ​ແຕ່​ບາງ​ຄົນ​ກໍ​ໂຕ້ແຍ້​ງວ່າ ​ມັນ​ກໍ​ຈະເຮັດ​ໃຫ້​ຄ່າ​ກູ້ຢືມເງິນແພງຂຶ້ນ​ ສໍາລັບພວກ​ປະ​ເທດ​ອື່ນໆ​ທີ່​ໃຊ້​ເງິນ​ຢູ​ໂຣນັ້ນ.

ເບິ່ງວີດີໂອພາສາອັງກິດ:

XS
SM
MD
LG