ສະຫະພາບຢູໂຣບ ໄດ້ເຂົ້າຮ່ວມສົມທົບກັບສະຫະລັດ ປະນາມ
ໄທ ທີ່ໄດ້ເນລະ ເທດຊົນກຸ່ມນ້ອຍເຜົ່າ Uighurs ຫລາຍກວ່າ
100 ຄົນໄປຈີນ ບ່ອນທີ່ເຂົາເຈົ້າ ອາດຈະປະເຊີນໜ້າ ກັບການ
ຖືກລົງໂທດ ແລະບໍ່ມີການດຳເນີນຂັ້ນຕອນທາງ ກົດໝາຍ.
ຖະແຫລງການ ສະບັບນຶ່ງຂອງ ສະຫະພາບຢູໂຣບ ໃນວັນເສົາ
ມື້ນີ້ ຮ້ອງການເນລະເທດນີ້ວ່າ ເປັນການຝ່າຝືນຕໍ່ຫລັກໃຈກາງ
ຂອງກົດໝາຍມະນຸດສະທຳສາ ກົນ. ອົງການຂ້າຫລວງໃຫຍ່
ດ້ານອົບພະຍົບສະຫະປະຊາຊາດ ກ່າວວ່າ ຕົນຕື່ນຕົກໃຈຕໍ່
ການບັງຄັບເນລະເທດທີ່ວ່ານີ້ ໂດຍກ່າວວ່າ ຕົນໄດ້ຮັບການ
ຄຳ້ປະກັນຈາກບັນດາເຈົ້າໜ້າທີ່ໄທ ວ່າບັນດາສ່ວນບຸກຄົນເຫຼົ່ານີ້ ຈະໄດ້ຮັບການປະຕິ ບັດຕໍ່ ອີງຕາມມາດຕະຖານຂອງກົດໝາຍສາກົນ.
ໄທ ໄດ້ສົ່ງຊາວ Uighurs ຫລາຍກວ່າ 100 ຄົນ ຮວມທັງຜູ້ຍິງ ແລະເດັກນ້ອຍ ກັບຄືນໄປ
ຈີນ ເຖິງແມ່ນວ່າ ເທີກີ ເຕັມໃຈທີ່ຈະຮັບເອົາເຂົາເຈົ້າກໍຕາມ.
ໃນວັນສຸກວານນີ້ ປະເທດໄທ ໄດ້ປິດສະຖານທູດຂອງຕົນ ໃນນະຄອນ Ankara ແລະ
ກົງສຸນ ໃນນະຄອນ Istanbul ຫລັງຈາກປະທ້ວງຕໍ່ຕ້ານການ ເນລະເທດດັ່ງກ່າວ.
ຊາວ Uighurs ເປັນຊົນກຸ່ມນ້ອຍມຸສລິມທີ່ປາກພາກສາເທີກີ ຕັ້ງຖິ່ນຖານຢູ່ໃນ ເຂດ
Xinjiang ທາງພາກຕາເວັນຕົກສຽງເໜືອຂອງປະເທດຈີນ. ເຂົາເຈົ້າໄດ້ກ່າວຫາ ມາເປັນ
ເວລາດົນນານແລ້ວ ກ່ຽວກັບການຈຳແນກກີດກັນຂອງເຈົ້າໜ້າທີ່. ຈີນກ່າວວ່າ ຊາວ
Uighurs ທີ່ຫລົບໜີໄປນັ້ນຕ້ອງການເຂົ້າຮ່ວມກຸ່ມກໍ່ການ ຮ້າຍຢູ່ນອກປະເທດ.
