ລິ້ງ ສຳຫລັບເຂົ້າຫາ

logo-print

ສະ​ຫະ​ລັດ, ສະ​ຫະ​ພາບ ຢູ​ໂຣບ ເອີ້ນ​ການ​ເລືອກ​ຕັ້ງໃນ ຢູ​ເຄ​ຣນ ຕາ​ເວັນ​ອອກ ວ່າຫຼອກ​ລວງ


ຜູ້​ນຳ​ຄົນ​ປັດ​ຈຸ​ບັນ​ຂອງສາ​ທາ​ລະ​ນະ​ລັດ ປະ​ຊາ​ຊົນ ໂດ​ເນັດ​ສ໌ ທ່ານ ເດ​ນິ​ສ ປ​ູ​ຊິ​ລິນ, ພ້ອມ​ພັນ​ລະ​ຍາ ລໍ​ຖ້າ​ບັດລົງ​ຄະ​ແນນ​ສຽງ.

ບັນ​ດາ​ຜູ້​ລົງ​ຄະ​ແນນ​ສຽງ​ໃນ​ພາກ​ພື້ນ ຢູ​ເຄ​ຣນ ຕາ​ເວັນ​ອອກ ​ທີ່​ໄດ້​ຮັບ​ການ​ໜູນຫຼັງ​
ໂດຍວັງ ເຄຣັມລິນ ນັ້ນໄດ້ປ່ອນບັດຄະແນນສຽງໃນວັນອາທິດວານນີ້ ສຳລັບການ
ເລືອກເອົາຜູ້ນຳລັດຖະບານໃນທ້ອງຖິ່ນ ໃນສິ່ງທີ່ປະທານາທິບໍດີ ຢູເຄຣນ ທ່ານ
ເປໂຕຣ ໂປໂຣເຊັນໂກ ເອີ້ນວ່າ “ການເລືອກຕັ້ງປອມ.”

ການ​ຮັກ​ສາ​ຄວາມ​ປອດ​ໄພ​ ແມ່ນ​ເຄັ່ງ​ຄັດ​ທີ່​ສຸດ​ ໃນ​ພາກ​ພື້ນ ໂດ​ເນັດ​ສ ແລະ ລູ​ການ,
ພ້ອມກັບເຈົ້າໜ້າທີ່ຍາມທີ່ຕິດອາວຸດຢ່າງໜັກ ເດີນທາງລາດຕະເວນໃນຂົງເຂດດັ່ງ
ກ່າວ.

ສະ​ຫະ​ລັດ ແລະ ສະ​ຫະ​ພາບ ຢູ​ໂຣບ ໄດ້​ກ່າວ​ປະ​ນາມ​ການ​ເລືອກ​ຕັ້ງ​ດັ່ງ​ກ່າວ​ວ່າ ຜິດ
ກົດໝາຍ ແລະ ເປັນການຂັດຂວາງ ຂໍ້ຕົກລົງ ທີ່ໄດ້ເຈລະຈາກັນ.

ທູດ​ພິ​ເສດ ສະ​ຫະ​ລັດ ປະ​ຈຳ ຢູ​ເຄ​ຣນ ທ່ານ ເຄີດ ໂວ​ລ​ເກີ ໄດ້​ຂຽນ​ຂໍ້​ຄວາມ​ໃນ​ທວິດ​
ເຕີ ເມື່ອວັນອາທິດວານນີ້ວ່າ “ປະຊາຊົນ ຢູເຄຣນ ຕາເວັນອອກຈະມີຊີວິດທີ່ດີກວ່າ
ກັບປະເທດ ຢູເຄຣນ ທີ່ສະຫງົບເປັນນຶ່ງດຽວກັນ ແທນທີ່ຈະຢູ່ໃນລັດຕຳຫຼວດຄຸນນະ
ພາບຕ່ຳ ທີ່ຖືກຄວບຄຸມໂດຍພວກຄົນຫຼອກລວງ ແລະ ນັກເລງ, ເຊິ່ງທັງໝົດ ໄດ້ຮັບ
ການສຳປະທານໂດຍຜູ້ເສຍພາສີຊາວ ຣັດເຊຍ.”

ຫົວ​ໜ້າ​ນະ​ໂຍ​ບາ​ຍ​ການ​ຕ່າງ​ປະ​ເທດ ສະ​ຫະ​ພາບ ຢູ​ໂຣບ ທ່ານ​ນາງ ເຟ​ເດ​ຣິ​ກາ
ໂມເກຣິນີ ໄດ້ກ່າວວ່າ ການລົງຄະແນນສຽງດັ່ງກ່າວແມ່ນຜິດກົດໝາຍ ແລະ ເວົ້າວ່າ
ສະຫະພາບ ຢູໂຣບ ຈະບໍ່ຮັບຮູ້ຜົນຄະແນນທີ່ອອກມາ.

ຣັດ​ເຊຍ ໄດ້​ໜູນຫຼັງ​ພວກ​ຕໍ່​ຕ້ານ​ລັດ​ຖະ​ບານ​ທີ່​ເວົ້າ​ພາ​ສາ ຣັດ​ເຊຍ ຜູ້​ທີ່​ໄດ້​ປະ​ກາດ
ສິ່ງທີ່ພວກເຂົາເອີ້ນວ່າ “ສາທາລະນະລັດ ປະຊາຊົນ” ໃນພາກຕາເວັນອອກຂອງ ຢູ
ເຄຣນ.

ຣັດ​ເຊຍ ໄດ້​ເຂົ້າ​ຄວບ​ຄຸມ​ແຫຼມ ໄຄ​ຣ​ເມຍ ໃນ​ປີ 2014 ແລະ ໄດ້​ປະ​ຕິ​ເສດ​ການ​ກ່າວ
ຫາຕ່າງໆ ທີ່ວ່າເຂົາເຈົ້າເອົາອາວຸດໃຫ້ພວກກະບົດ.

ໃນ​ຂະ​ນະ​ທີ່​ການ​ຕໍ່​ສູ້​ທີ່​ຮຸນ​ແຮງ​ທີ່​ສຸດ​ໃນ​ພາກ​ຕາ​ເວັນ​ອອກ​ຂອງ ຢູ​ເຄ​ຣນ ໄດ້​ສິ້ນ​ສຸດ​
ລົງໂດຍທົ່ວໄປນັ້ນ, ການຕໍ່ສູ້ກັນບາງຄັ້ງບາງຄາວ ລະຫວ່າງພວກຕໍ່ຕ້ານລັດຖະບານ
ກັບ ທະຫານ ຢູເຄຣນ ໄດ້ລຸກຂຶ້ນອີກ ພ້ອມກັບຜົນເສຍຫາຍຮ້າຍແຮງ.

ອ່ານ​ຂ່າວນີ້​ຕື່ມ​ເປັນ​ພາ​ສາ​ອັງ​ກິດ

ທ່ານອາດຈະມັກເລື້ອງນີ້ຄືກັນ

XS
SM
MD
LG