ທູດຕາງໜ້າສິດທິກະເທີຍຄົນທຳອິດຂອງສະຫະລັດກ່າວວ່າ “ມີການເຫັນດີເຫັນ ພ້ອມນຳກັນຢູ່ໃນທົ່ວໂລກວ່າ ພວກຮັກຮ່ວມເພດຊາຍຍິງ ພວກຮັກທັງສອງເພດ ແລະພວກປ່ຽນເພດຫລື LGBT ຄວນໄດ້ຊົມໃຊ້ສິດທິຄືກັນກັບຄົນອຶ່ນໆທົ່ວໄປ.”
ທ່ານ Randy Berry ກ່າວໃນວັນພຸດວານນີ້ວ່າ ວຽກການຂອງທ່ານປີທຳອິດແມ່ນມີຄວາມສຳຄັນ “ເປັນພິເສດ” ກັບບັນດາປະເທດຕ່າງໆຢູ່ໃນທົ່ວໂລກເພື່ອ ເອົາບາດກ້າວໃນທາງບວກ ສຳລັບຄໍ້າປະກັນສິດທິຕ່າງໆ ຂອງພວກຮັກຮ່ວມເພດຊາຍຍິງ ພວກຮັກທັງສອງເພດພວກປ່ຽນເພດແລະພວກກະເທີຍ ຫລື LGBTI.
ທ່ານໄດ້ຖືກຕ້ອນຮັບລ່ວງໜ້າເປັນຢ່າງດີໃນຫວຽດນາມ ເນປານ ໂມຊຳບິກ ແລະບອສວານາ.
ທ່ານກ່າວວ່າ “ເນປານ ໄດ້ສ້າງປະຫວັດສາດໃຫ້ແກ່ລັດຖະທຳມະນູນສະບັບໃໝ່ ທີ່ຫ້າມບໍ່ໃຫ້ຈຳແນກກີດກັນອີງຕາມລັກສະນະທາງເພດແລະການລະບຸເພດ ຊຶ່ງເປັນປະເທດທຳອິດໃນເອເຊຍທີ່ເອົາບາດກ້າວດັ່ງກ່າວ.” ຫວຽດນາມໄດ້ດັດແປງກົດໝາຍແພ່ງເພື່ອເຮັດໃຫ້້ເປັນການງ່າຍຂຶ້ນສຳລັບບັນດາຜູ້ປ່ຽນເພດ ເພື່ອປ່ຽນ ເອກະສານຫຼືບັດປະຈຳຕົວຂອງເຂົາເຈົ້າ. ໂມຊໍາບິກ ໄດ້ລົບລ້າງການເຫັນພ້ອມຂອງຜູ້ໃຫຍ່ທີ່ຮ່ວມເພດດຽວກັນແລະສານ ຢູ່ໃນບອສວານາ ໄດ້ໃຫ້ການຢືນຢັນ ແກ່ສິດທິຂອງສະມາຄົມ LGBT ເພື່ອລົງທະບຽນການຈັດຕັ້ງຢ່າງເປັນທາງການ.
ເຖິງແມ່ນມີຂໍ້ສັງເກດໃນທາງບວກກໍຕາມ ແຕ່ທ່ານ Berry ໄດ້ເຕືອນວ່າ “ພວກເຮົາຢູ່ໃນໂລກ ບ່ອນທີ່ເກືອບ 80 ປະເທດຍັງຖືວ່າການປະພຶດຫລືຄວາມສຳພັນຂອງພວກ LGBT ເປັນການກະທຳທີ່ຜິດກົດໝາຍ.”
ທ່ານໄດ້ຍົກເອົາຣັດເຊຍ ແລະໄນຈີເຣຍ ເປັນໂຕຢ່າງ ບ່ອນທີ່ “ລັດຖະບານໃຊ້ ບັນຫາ ພວກ LGBT ວ່າ ເປັນການເມືອງເພື່ອຊຸຍູ້ໜ້າທີ່ການຂອງເຂົາເຈົ້າແລະ ຢູ່ເຂດໃຕ້ທະເລຊາຍຊາຮາຣາຂອງອາຟຣິກາ ແລະລາຕິນອາເມຣິການັ້ນ ພວກຮັກຮ່ວມເພດແມ່ຍິງ ແລະພວກປ່ຽນເພດ ປະເຊີນໜ້າກັບການກໍ່ຄວາມຮຸນແຮງ ແລະຂົ່ມຂືນສຳເລົາໃນອັດຕາສູງ.”
