ເອກອັກຄະລັດຖະທູດສະຫະລັດປະຈຳສະຫະປະຊາຊາດ ຮຽກ
ຮ້ອງໃຫ້ເອົາໃຈໃສ່ຕໍ່ຄວາມຕ້ອງການສຳຫລັບການຕອບໂຕ້
ຫຼາຍຂຶ້ນອີກຕໍ່ການລະບາດຂອງເຊື້ອອີໂບລາ ທີ່ໄດ້ເອົາຊີວິດ
ຜູ້ຄົນໄປແລ້ວເກືອບ 5 ພັນຄົນໃນອາຟຣິກາຕາເວັນຕົກ.
ທ່ານນາງ Samantha Power ໄດ້ຂຽນລົງໃນ Twitter ໃນ
ຕອນເຊົ້າວັນຈັນມື້ນີ້ ຫຼັງຈາກໄປພັກຢູ່ໃນກີນີ ເປັນເວລານຶ່ງມື້
ແລ້ວ ວ່າ “ຂະໜາດຂອງຄວາມຕ້ອງການນັ້ນແມ່ນໃຫຍ່
ມະຫາສານ” ແລະວ່າ “ຊັບພະຍາກອນຂັ້ນພື້ນຖານທີ່ສຸດ
ຈະຊ່ອຍຊີວິດຜູ້ຄົນໄວ້ໄດ້.”
ທ່ານນາງ Power ກຳລັງເດີນທາງຢ້ຽມຢາມ ຫຼາຍບ່ອນໃນສັບປະດານີ້ ໃນພວກປະເທດ
ທີ່ໄດ້ຖືກກະທົບໜັກທີ່ສຸດ ຮວມທັງSierra Leone ແລະໄລເບເຣຍ.
ທ່ານນາງ Power ໄດ້ເນັ້ນເຖິງຄວາມພະຍາຍາມຕ່າງໆຂອງພວກຜູ້ຄົນທີ່ກຳລັງເຮັດວຽກຢູ່ໃນກີນີນັ້ນແລ້ວ ທີ່ທຳການປິ່ນປົວພວກຄົນເຈັບ ກໍ່ສ້າງສະຖານທີ່ປິ່ນປົວ ແລະສິດສອນໃຫ້ຜູ້ຄົນຮູ້ຈັກ ທີ່ຮວມທັງພວກນາຍແພດບໍ່ມີພົມແດນ ຫຼື Doctors Without Borders ແລະສູນຄວບຄຸມແລະປ້ອງກັນພະຍາດຂອງສະຫະລັດ.
ທ່ານນາງກໍໄດ້ເຂົ້າຮ່ວມໂດຍທາງວີດີໂອໃນວັນອາທິດວານນີ້ ໃນກອງປະຊຸມຂອງປະທາ
ນາທິບໍດີ ບາຣັກ ໂອບາມາ ກັບບັນດາທີ່ປຶກສາດ້ານສາທາລະນະສຸກ ແລະດ້ານຮັກສາຄວາມໝັ້ນຄົງແຫ່ງຊາດ ເພື່ອຫາລືກັນເລື້ອງທີ່ທຳນຽບຂາວເອີ້ນວ່າ ການເອົາ “ມາດຕະ
ການທີ່ເໝາະສົມ” ເພື່ອຄວບຄຸມການລະບາດ ຂອງການຕິດເຊື້ອອີໂບລາ ຢູ່ພາຍໃນປະເທດ.
