ລິ້ງ ສຳຫລັບເຂົ້າຫາ

ວັນອາທິດ, ໒໑ ເມສາ ໒໐໒໔

ທູດພິເສດ ສຫລ ກ່າວວ່າ ເກົາຫຼີເໜືອ ຄວນເອົາມຽນມາ ເປັນຕົວຢ່າງ


ທ່ານ Robert King ທູດພິເສດຂອງ ສະຫະລັດ ອາເມຣິກາ ຮັບຜິດຊອບກ່ຽວກັບ ດ້ານສິດທິມະນຸດຂອງ ເກົາຫລີເໜືອ ກ່າວວ່າ ເກົາຫລີເໜືອ ຄວນເອົາແບບຢ່າງຂອງ ມຽນມາ.
ທ່ານ Robert King ທູດພິເສດຂອງ ສະຫະລັດ ອາເມຣິກາ ຮັບຜິດຊອບກ່ຽວກັບ ດ້ານສິດທິມະນຸດຂອງ ເກົາຫລີເໜືອ ກ່າວວ່າ ເກົາຫລີເໜືອ ຄວນເອົາແບບຢ່າງຂອງ ມຽນມາ.

ທູດ​ພິ​ເສດ​ຂອງ​ສະຫະລັດ ຮັບຜິດຊອບ​ກ່ຽວ​ກັບດ້ານ​ສິດທິ​ມະນຸດຂອງເກົາຫລີ​ເໜືອ
ກ່າວ​ວ່າ ​ເກົາຫລີ​ເໜືອຄວນ​ເອົາແບບຢ່າງ​ຂອງມຽນມາ ​ໃນ​ການປະຕິ​ຮູບ​ການ​ເມືອງ
​ແລະ​ເສດຖະກິດເພື່ອ​ພາ​ໃຫ້​ມີ​ການສະໜອງ​ຕອບ​ທີ່​ດີ​ຈາກນາໆ​ຊາດ.

ທ່ານ Robert King ​ໄດ້​ກ່າວ​ຕໍ່​ບັນດາ​ນັກ​ຂ່າວ​ທີ່ກຸງ​ໂຕ​ກຽວ​ໃນ​ວັນ​ສຸກວານ​ນີ້​ວ່າ
​ເກົາ​ຫລີ​ເໜືອຄວນ​ມຸ້ງ​ໜ້າ​ໄປໃນ "ທິດທາງ​ທີ່​ດີ” ​ທີ່ຈະ​ອະ​ນຸຍາດ​ໃຫ້ຄະນະ ກວດກາ​
ຂອງນາໆ​ຊາດ​ເຂົ້າ​ໄປ​ໃນ​ປະ​ເທດເພື່ອ​ຕິດຕາມເບິ່ງ​ໂຄງການ​ນີວ​ເຄລຍ ຂອງຕົນ ​ເຖິງ​
ປານ​ນັ້ນກໍ​ຕາມ ທ່ານເວົ້າວ່າ​ ການ​ເຄື່ອນ​ໄຫວ​ດັ່ງກ່າວນີ້ອາດ​ຈະ ​ບໍ່​ເປັນ​ຜົນໃຫ້​
ສະຫະລັດ​ເລີ້ມ​ໃຫ້ການ​ຊ່ວຍ​ເຫຼືອທາງ​ດ້ານ​ອາຫານ​ຄືນ​ໃໝ່​ແກ່​ພຽງ ຢາງ​ໃນ​ທັນທີ.

ທ່ານ​ກ່າວ​ອີກ​ວ່າ ການຜ່ອນຜັນ​ໃນ​ການ​ຈຳກັດ​ຮັດ​ແຄບ​ຂອງ​ມຽນມາ ​ແກ່​ປະຊາຊົນ​
ຂອງ​ຕົນ ​ແມ່ນ “​ເປັນ​ຕົວຢ່າງ​ອັນດີ​ເລີດ” ຂອງ​ການ​ປ່ຽນ​ແປງ​ທີ່ສະຫະລັດ ຢາກ​ເຫັນ
​ເກີດ​ຂຶ້ນ​ຢູ່​ໃນ​ເກົາຫຼີ​ເໜືອ. ທ່ານ​ໃຫ້​ຂໍ້​ສັງ​ເກດວ່າ ການ​ປ່ຽນແປງຂອງ ມຽນມາ ​ໄດ້​
ເປັນຜົນພາ​ໃຫ້​ມີ​ການ​ຍົກ​ເລິກການລົງ​ໂທດ​ແກ່​ປະ​ເທດດັ່ງກ່າວ ​ທີ່​ບັນດາສະມາຊິກ
ພັກ​ການ​ເມືອງ​ຝ່າ​ຍຄ້ານ ຫາ​ກໍໄດ້​ຮັບ​ອະນຸຍາດໃຫ້ເຂົ້າ​ໄປນັ່ງຢູ່​ໃນ​ສະພາ.

ທ່ານ King ກ່າວ​ວ່າ ທ່ານ​ຄາດ​ວ່າ ການ​ປ່ຽນແປງ​ຄື​ກັນ​ນີ້ຢູ່​ໃນເກົາຫລີ​ເໜື​ອ ຈະ​ພາ​
ໃຫ້​ມີ​ການ​ຕອບ​ຮັບ​ທີ່​ຄ້າຍຄື​ກັນ. ທ່ານ​ກ່າວ​ວ່າ ການ​ຊ່ວຍ​ເຫລືອ​ດ້ານອາຫານ​ຈະ​ບໍ່​ມີ
​ຂຶ້ນໃນ​ທັນ​ທີ ​ແຕ່​ອາດຈະ​ໄດ້​ຮັບ​ການພິຈາລະນາ​ໃນ​ຂັ້ນຕໍ່​ໄປ.

ທ່າ​ນກ່າວ​ວ່າ ສະຫະລັດບໍ່​ສາມາດ​ທີ່​ຈະ​ສົ່ງ​ອາຫານ​ໄປໃຫ້​ເກົາຫລີ​ເໜືອ​ໄດ້ ​ຖ້າປາດ
ສະຈາກ​ການໄດ້​ຮັບ​ອະນຸຍາດ​ໃຫ້​ຕິດຕາມເບິ່ງ​ວ່າ ອາຫານທີ່​ສົ່ງ​ໄປ​ນັ້ນໄດ້ຕົກໄປ​ເຖິງ
ມືປະຊາຊົນ​ຜູ້​ທີ່​ມີ​ຄວາມ​ຕ້ອງການຫລາຍ​ທີ່​ສຸດ.

ສະຫະລັດ​ໄດ້​ຖອນ​ການສະ​ເໜີ​ໃຫ້​ຄວາມ​ຊ່ວຍ​ເຫລື​ອໃຫ້ແກ່ເກົາຫລີ​ເໜືອ ຫລັງ​ຈາກ
ພຽງ​ຢາງ ​ໄດ້ພະຍາຍາມ ແຕ່​ບໍ່​ເປັນ​ຜົນ​ສໍາ​ເລັດ​ ​ໃນ​ການ​ສົ່ງ​ຈະ​ຫຼວດເມື່ອ​ເດືອນ​ເມສາ
ຜ່ານ​ມາ. ​ໃນ​ຂະນະ​ທີ່ພຽງ​ຢາງກ່າວ​ວ່າ ​ຕົນ​ພະຍາຍາມຈະ​ສົ່ງ​ດາວ​ທຽມຂື້ນ​ສູ່​ວົງ​ໂຄ
ຈອນເທົ່ານັ້ນ ບັນດາ​ປະ​ເທດ​ຕາ​ເວັນ​ຕົກເຊື່ອ​ກັນວ່າ ມັນເປັນ​ການ​ປິດ​ບັງ ​ໃນ​ການທົດ
​ລອງ​ຈະ​ຫລວດ​.

ຜ່ານ​ມາ ມຽນມາ ​ແລະ​ເກົາຫລີ​ເໜືອ ​ໄດ້​ເປັນ​ພັນທະ​ມິດ​ທີ່ໃກ້​ຊິດກັນ.

XS
SM
MD
LG