ລັດຖະມົນຕີການຕ່າງປະເທດ ສະຫະລັດ ທ່ານ John Kerry
ໄດ້ເດີນທາງໄປເຖິງຣັດເຊຍ ເພື່ອສົນທະນາຫາລື ກ່ຽວກັບເລື່ອງ
ສົງຄາມໃນຊີເຣຍ ແລະບັນຫາອຶ່ນໆ.
ທ່ານມີກຳນົດທີ່ຈະພົບປະ ໃນວັນອັງຄານມື້ນີ້ ກັບປະທານາທິບໍ
ດີຣັດເຊຍ ທ່ານ Vladimir Putin ຢູທີ່ກຸງມົສກູ.
ຫລັງຈາກນັ້ນ ທ່ານ Kerry ຈະເຂົ້າຮ່ວມປະຊຸມສອງຝ່າຍໂດຍເຕັມ ກັບລັດຖະ ມົນຕີການຕ່າງປະເທດຣັດເຊຍ ທ່ານ Sergei Lavrov. ເປັນທີ່ຄາດວ່າ ພວກ ທ່ານທັງສອງຈະສົນທະນາຫາລືກັນຢ່າງກວ້າງຂວາງກ່ຽວກັບບັນຫາຕ່າງໆ ຮວມທັງເລື່ອງຊີເຣຍ ໂຄງການນິວເຄລຍຂອງອີຣ່ານ ແລະຂອງເກົາຫລີເໜືອ ເລື່ອງ ອັຟການິສຖານ ແລະການຄ້າ.
ທ່ານ Kerry ແລະທ່ານ Lavrov ໄດ້ພົບປະກັນຫຼາຍຄັ້ງມາແລ້ວໃນຮອບສອງສາມເດືອນທີ່ຜ່ານມາ ແຕ່ນີ້ແມ່ນເປັນການເດີນທາງຄັ້ງທໍາອິດ ໄປກຸງມົສກູຂອງທ່ານ Kerry ນັບຕັ້ງແຕ່ໄດ້ເຂົ້າຮັບຕໍາແໜ່ງລັດຖະມົນຕີຕ່າງປະເທດສະຫະລັດ ໃນເດືອນກຸມພາ.
ການຢ້ຽມຢາມເປັນເວລາສອງວັນ ມີຂື້ນກ່ອນການປະຊຸມໃນເດືອນໜ້າລະຫວ່າງ ປະທານາທິບໍດີສະຫະລັດ ທ່ານ Barack Obama ແລະທ່ານ Putin ຢູ່ນອກ ກອງປະຊຸມສຸດຍອດຂອງກຸ່ມ G-8.
ສະຫະລັດ ແລະຣັດເຊຍ ແມ່ນບໍ່ຄ່ອຍລົງຮອຍກັນປານໃດ ກ່ຽວກັບວ່າຈະຮັບມື ແບບໃດດີກັບການລຸກຮືຂຶ້ນຢູ່ໃນຊີເຣຍ. ຣັດເຊຍແລະຈີນ ໄດ້ໃຊ້ສິດຢັບຢັ້ງຢູ່ໃນ ສະພາຄວາມໝັ້ນຄົງສະຫະປະຊາຊາດ ຊໍ້າແລ້ວຊໍ້າອີກ ຂັດຂວາງການລົງໂທດ ທີ່ໜັກຂຶ້ນ ຂອງສະຫະປະຊາຊາດ ຕໍ່ປະທານາທິບໍດີຊີເຣຍ ທ່ານ Bashar al-Assad.
ພວກປະທ້ວງຫລາຍພັນຄົນພາກັນເຕົ້າໂຮມກັນທີ່ກຸງມົສກູໃນວັນຈັນວານນີ້ ເພື່ອ ເປັນຂີດໝາຍຄົບຮອບປີທຳອິດໃນການເດີນຂະບວນຕໍ່ຕ້ານວັງ Kremlin ໃນປີ ກາຍນີ້ ການປະທ້ວງປີກາຍ ທີ່ີສີ້ນສຸດລົງດ້ວຍຄວາມຮຸນແຮງ ແລະການຈັບກຸມພວກປະທ້ວງຫລາຍຮ້ອຍຄົນ.
ການປະທ້ວງໃນວັນຈັນວານນີ້ຢູ່ກຸງມົສກູ ທີ່ຈະຕຸລັດ Bolotnaya ໄດ້ເປັນຂີດໝາຍຄົບຮອບການປະທ້ວງປີກາຍນີ້ ຊຶ່ງມີຂຶ້ນມື້ນຶ່ງກ່ອນໜ້າທີ່ທ່ານ Putin ສາບານໂຕເຂົ້າຮັບຕໍາແໜ່ງ ເປັນປະທານາທິບໍດີສະໄໝທີສາມ.
ບັນດາຜູ້ເຂົ້າຮ່ວມປະທ້ວງ ໄດ້ຮຽກຮ້ອງໃຫ້ເຈົ້າໜ້າທີ່ປ່ອຍໂຕ 26 ຄົນທີ່ກໍາລັງປະເຊີນໜ້າກັບການກ່າວຫາວ່າ ພົວພັນກັບການປະທ້ວງໃນປີກາຍນີ້.
ຜູ້ນໍາຝ່າຍຄ້ານ ທ່ານ Alexei Navalny ໄດ້ຮຽກຮ້ອງໃຫ້ພວກປະທ້ວງ "ຂັບໄລ່ທ່ານ Putin ອອກຈາກວັງ Kremlin."
ໄດ້ເດີນທາງໄປເຖິງຣັດເຊຍ ເພື່ອສົນທະນາຫາລື ກ່ຽວກັບເລື່ອງ
ສົງຄາມໃນຊີເຣຍ ແລະບັນຫາອຶ່ນໆ.
ທ່ານມີກຳນົດທີ່ຈະພົບປະ ໃນວັນອັງຄານມື້ນີ້ ກັບປະທານາທິບໍ
ດີຣັດເຊຍ ທ່ານ Vladimir Putin ຢູທີ່ກຸງມົສກູ.
ຫລັງຈາກນັ້ນ ທ່ານ Kerry ຈະເຂົ້າຮ່ວມປະຊຸມສອງຝ່າຍໂດຍເຕັມ ກັບລັດຖະ ມົນຕີການຕ່າງປະເທດຣັດເຊຍ ທ່ານ Sergei Lavrov. ເປັນທີ່ຄາດວ່າ ພວກ ທ່ານທັງສອງຈະສົນທະນາຫາລືກັນຢ່າງກວ້າງຂວາງກ່ຽວກັບບັນຫາຕ່າງໆ ຮວມທັງເລື່ອງຊີເຣຍ ໂຄງການນິວເຄລຍຂອງອີຣ່ານ ແລະຂອງເກົາຫລີເໜືອ ເລື່ອງ ອັຟການິສຖານ ແລະການຄ້າ.
ທ່ານ Kerry ແລະທ່ານ Lavrov ໄດ້ພົບປະກັນຫຼາຍຄັ້ງມາແລ້ວໃນຮອບສອງສາມເດືອນທີ່ຜ່ານມາ ແຕ່ນີ້ແມ່ນເປັນການເດີນທາງຄັ້ງທໍາອິດ ໄປກຸງມົສກູຂອງທ່ານ Kerry ນັບຕັ້ງແຕ່ໄດ້ເຂົ້າຮັບຕໍາແໜ່ງລັດຖະມົນຕີຕ່າງປະເທດສະຫະລັດ ໃນເດືອນກຸມພາ.
ການຢ້ຽມຢາມເປັນເວລາສອງວັນ ມີຂື້ນກ່ອນການປະຊຸມໃນເດືອນໜ້າລະຫວ່າງ ປະທານາທິບໍດີສະຫະລັດ ທ່ານ Barack Obama ແລະທ່ານ Putin ຢູ່ນອກ ກອງປະຊຸມສຸດຍອດຂອງກຸ່ມ G-8.
ສະຫະລັດ ແລະຣັດເຊຍ ແມ່ນບໍ່ຄ່ອຍລົງຮອຍກັນປານໃດ ກ່ຽວກັບວ່າຈະຮັບມື ແບບໃດດີກັບການລຸກຮືຂຶ້ນຢູ່ໃນຊີເຣຍ. ຣັດເຊຍແລະຈີນ ໄດ້ໃຊ້ສິດຢັບຢັ້ງຢູ່ໃນ ສະພາຄວາມໝັ້ນຄົງສະຫະປະຊາຊາດ ຊໍ້າແລ້ວຊໍ້າອີກ ຂັດຂວາງການລົງໂທດ ທີ່ໜັກຂຶ້ນ ຂອງສະຫະປະຊາຊາດ ຕໍ່ປະທານາທິບໍດີຊີເຣຍ ທ່ານ Bashar al-Assad.
ພວກປະທ້ວງຫລາຍພັນຄົນພາກັນເຕົ້າໂຮມກັນທີ່ກຸງມົສກູໃນວັນຈັນວານນີ້ ເພື່ອ ເປັນຂີດໝາຍຄົບຮອບປີທຳອິດໃນການເດີນຂະບວນຕໍ່ຕ້ານວັງ Kremlin ໃນປີ ກາຍນີ້ ການປະທ້ວງປີກາຍ ທີ່ີສີ້ນສຸດລົງດ້ວຍຄວາມຮຸນແຮງ ແລະການຈັບກຸມພວກປະທ້ວງຫລາຍຮ້ອຍຄົນ.
ການປະທ້ວງໃນວັນຈັນວານນີ້ຢູ່ກຸງມົສກູ ທີ່ຈະຕຸລັດ Bolotnaya ໄດ້ເປັນຂີດໝາຍຄົບຮອບການປະທ້ວງປີກາຍນີ້ ຊຶ່ງມີຂຶ້ນມື້ນຶ່ງກ່ອນໜ້າທີ່ທ່ານ Putin ສາບານໂຕເຂົ້າຮັບຕໍາແໜ່ງ ເປັນປະທານາທິບໍດີສະໄໝທີສາມ.
ບັນດາຜູ້ເຂົ້າຮ່ວມປະທ້ວງ ໄດ້ຮຽກຮ້ອງໃຫ້ເຈົ້າໜ້າທີ່ປ່ອຍໂຕ 26 ຄົນທີ່ກໍາລັງປະເຊີນໜ້າກັບການກ່າວຫາວ່າ ພົວພັນກັບການປະທ້ວງໃນປີກາຍນີ້.
ຜູ້ນໍາຝ່າຍຄ້ານ ທ່ານ Alexei Navalny ໄດ້ຮຽກຮ້ອງໃຫ້ພວກປະທ້ວງ "ຂັບໄລ່ທ່ານ Putin ອອກຈາກວັງ Kremlin."
