ຊາວອະເມຣິກັນຢູ່ໃນຫຼາຍໆລັດ ເລີ້ມພາກັນໄປປ່ອນບັດ
ໃນການເລືອກຕັ້ງ ລັດຖະສະພາກາງສະໄໝ ທີ່ພວກນັກ
ຊ່ຽວຊານທາງດ້ານການເມືອງເວົ້າວ່າ ມີທ່າທາງຈະເຮັດ
ໃຫ້ແຜນການດ້ານນິຕິບັນຢັດຂອງປະທານາທິບໍດີບາຣັກ
ໂອບາມາ ບໍ່ເປັນໄປຕາມທີ່ໄດ້ຕັ້ງໄວ້.
ການຢັ່ງຫາງສຽງປະຊາຊົນ ເມື່ອໄວໆມານີ້ ສະແດງໃຫ້
ເຫັນວ່າພັກຣີພັບບລີກັນຈະໄດ້ຮັບ 39 ບ່ອນນັ່ງທີ່ຕ້ອງ
ການ ເພື່ອຈະຍາດເອົາ ການຄວບຄຸມສະພາຕໍ່າຂອງສະ
ຫະລັດ ມາຈາກພັກເດໂມແຄຣັທຂອງປະທານາທິບໍດີໂອ
ບາມາ. ພວກນັກສັງເກດການຫຼາຍຄົນເວົ້າວ່າ ພັກຣີພັບບລີກັນອາດຈະໄດ້ຮັບບ່ອນນັ່ງຮອດ
50 ບ່ອນ ຫຼືຫຼາຍກວ່ານັ້ນ.
ນອກນີ້ແລ້ວຍັງເປັນທີ່ຄາດກັນອີກວ່າ ພັກຣີພັບບລີກັນຈະຊະນະບ່ອນນັ່ງຫຼາຍໆບ່ອນ ຢູ່ໃນ
ສະພາສູງສະຫະລັດແຕ່ຈະບໍ່ເຖິງຂັ້ນສາມາດກຳສຽງສ່ວນຫຼາຍຢູ່ໃນສະພາສູງໄດ້. ສະມາຊິກ
ສະພາສູງອະວຸໂສເກົ່າແກ່ຂອງພັກເດໂມແຄຣັທຈຳນວນນຶ່ງ ຮວມທັງຜູ້ນຳສຽງສ່ວນຫຼາຍໃນ
ສະພາສູງສະຫະລັດ ທ່ານ Harry Reid ຢູ່ລັດເນວາດາແມ່ນໄດ້ຮັບການທ້າທາຍຢ່າງແຂງ
ຂັນ ຈາກນັກເຄື່ອນໄຫວກຸ່ມ Tea Party ຂອງພັກຣີພັບບລີກັນທີ່ເຫັນດີໃຫ້ມີການຫຼຸດພາ
ສີແລະຕັດການໃຊ້ຈ່າຍຂອງລັດຖະບານລົງ.
ການໄດ້ຮັບໄຊຊະນະທີ່ສຳຄັນຂອງພັກຣີພັບບລີກັນບໍ່ວ່າຢູ່ໃນສະພາສູງຫລືສະພາຕໍ່າກໍຕາມ
ແມ່ນຈະເຮັດໃຫ້ ມີຄວາມຍຸ່ງຍາກຫຼາຍຂຶ້ນສຳລັບປະທານາທິບໍດີ ໃນການຮັບຜ່ານແຜນການ
ລິເລີ້ມຕ່າງໆຂອງທ່ານ.
ການເລືອກຕັ້ງໃນວັນອັງຄານມື້ນີ້ ແມ່ນເລືອກເອົາບ່ອນນັ່ງ ໃນສະພາຕໍ່າໝົດທັງ 435 ບ່ອນ
ແລະບ່ອນນັ່ງໃນສະພາສູງ 37 ບ່ອນຂອງຈຳນວນທັງໝົດ 100 ບ່ອນ.
