ລິ້ງ ສຳຫລັບເຂົ້າຫາ

ປ ສະຫະລັດເຊີນຜູ້ນຳສະພາ ໄປຫາລື

  • ໄພສານ ວໍຣະຈັກ

ປະທານາທິບໍດີສະຫະລັດ ທ່ານບາຣັກ ໂອບາມາ ຖະແຫຼງຕໍ່ພວກນັກຂ່າວ ລຸນຫຼັງການພົບປະ ກັບຄະນະລັດຖະບານ ແລະທີ່ປຶກສາຂອງທ່ານ ທີ່ທຳນຽບຂາວ (4 ພະຈິກ 2010)

ປະທານາທິບໍດີສະຫະລັດ ທ່ານບາຣັກ ໂອບາມາໄດ້ເຊື້ອ
ເຊີນບັນດາຜູ້ນຳລັດຖະສະພາຂອງພັກຣີພັບບລີກັນ ແລະ
ພັກເດໂມແຄຣັທໄປປຶກສາຫາລື ເພື່ອຊອກຫາຊ່ອງທາງ
ໃນການດຳເນີນງານຮ່ວມກັນ ຫຼັງຈາກ ພັກຣີພັບບລີກັນ
ໄດ້ເຂົ້າຄວບຄຸມ ສະພາຕໍ່າສະຫະລັດ ໃນການເລືອກຕັ້ງ
ກາງສະໄໝ.

ໃນການຖະແຫຼງ ລຸນຫຼັງກອງປະຊຸມຄະນະລັດຖະບານ
ໃນວັນພະຫັດວານນີ້ ທ່ານໂອບາມາກ່າວວ່າ ທ່ານໄດ້
ຮຽກຮ້ອງໃຫ້ມີການພົບປະຢູ່ທີ່ທຳນຽບຂາວ ໃນວັນທີ
18 ເດືອນນີ້ ລະຫວ່າງຜູ້ນຳ 2 ຄົນ ຂອງພັກຣີພັບບລີກັນ ຄືສະມາຊິກສະພາສູງ Mitch
McConnell ແລະສະມາຊິກສະພາຕໍ່າ John Boehner ແລະຜູ້ນຳໃນປັດຈຸບັນ 2 ຄົນ
ຂອງພັກເດໂມແຄຣັທຄືສະມາຊິກສະພາສູງ Harry Reid ແລະປະທານສະພາຕໍ່າ Nancy
Pelosi.

ມີທ່າທາງວ່າທ່ານ Boehner ຈະໄດ້ເປັນປະທານຄົນຕໍ່ໄປຂອງສະພາຕໍ່າສະຫະລັດເວລາ
ລັດຖະສະພາເລີ້ມເປີດສະໄໝປະຊຸມໃນເດືອນມັງກອນຈະມານີ້.

ທ່ານໂອບາມາເວົ້າວ່າ ການພົບປະທີ່ວ່ານີ້ຈະເພັ່ງເລັງໃສ່ກ່ຽວກັບວ່າແມ່ນຫຍັງ ສາມາດດຳ
ເນີນການໄດ້ເພື່ອແກ້ໄຂບັນຫາຮີບດ່ວນທາງດ້ານເສດຖະກິດ. ທ່ານກ່າວວ່າ ມັນເປັນສິ່ງສຳ
ຄັນທີ່ຈະຕ້ອງໄດ້ດຳເນີນກ້າວໄປຂ້າງໜ້າຍ້ອນປະຊາຊົນອະເມຣິກັນ ບໍ່ຕ້ອງການຢາກໃຫ້ລັດ
ຖະບານຕົກຢູ່ໃນສະພາບບໍ່ໄປບໍ່ມາ ຍ້ອນມີການຖົກຖຽງກັນລະຫວ່າງພັກການເມືອງ ແລະບໍ່
ໄດ້ສຳເລັດຜົນຫຍັງ.

ນອກນັ້ນປະທານາທິບໍດີໂອບາມາ ຍັງໄດ້ຮຽກຮ້ອງໃຫ້ສະພາສູງຊຸດປັດຈຸບັນຂອງສະຫະລັດ
ໃຫ້ສັດຕະຍາບັນຕໍ່ສົນທິສັນຍາຫຼຸດກຳລັງອາວຸດນິວເຄລຍ ຫຼື START ສະບັບໃໝ່ກັບຣັດ
ເຊຍກ່ອນທ້າຍປີນີ້.

ທ່ານເວົ້າວ່າ ການຄວບຄຸມອາວຸດຕາມປົກກະຕິແລ້ວ ແມ່ນໄດ້ຮັບການສະໜັບສະໜຸນຈາກ
ທັງສອງພັກການເມືອງ ແລະການໃຫ້ສັດຕະຍາບັນຕໍ່ສົນທິສັນຍາດັ່ງກ່າວຈະເປັນການສົ່ງສັນ
ຍານທີ່ແຂງຂັນໄປໃຫ້ຣັດເຊຍວ່າ ສະຫະຣັດແມ່ນຈິງຈັງ ກ່ຽວກັບການຫຼຸດຜ່ອນຄັງອາວຸດນິວ
ເຄລຍຂອງຕົນ.

ຂະນະດຽວກັນ ສະມາຊິກສະພາສູງ McConnell ໄດ້ກ່າວໂດຍຫຍໍ້ກ່ຽວກັບແຜນການຂອງ
ພັກຣີພັບຣີກັນໃນວັນພະຫັດວານນີ້. ແຜນການດັ່ງກ່າວແມ່ນຮວມທັງການຫຼຸດການໃຊ້ຈ່າຍ ແລະຫຼຸດຂະໜາດຂອງລັດຖະບານກາງໃຫ້ນ້ອຍລົງກວ່າເກົ່າ.

XS
SM
MD
LG