ລັດຖະບານອີຈິບຂອງປະທານາທິບໍດີ Hosni Mubarak
ທີ່ກຳລັງດີ້ນຮົນເພື່ອຄວາມຢູ່ລອດໃນເວລານີ້ໄດ້ກ່າວຫາສະ
ຫະລັດວ່າພວມຊອກຫາຊ່ອງທາງທີ່ຈະບັງຄັບໃຫ້ພັນທະມິດ
ທີ່ຈົງຮັກພັກດີຂອງຕົນຢູ່ໃນພາກຕາເວັນອອກກາງປະຕິບັດ
ຕາມຄວາມປາດຖະໜາຂອງຕົນ ຂະນະທີ່ວໍຊິງຕັນ ເຕືອນອີ
ຈິບວ່າ ບໍ່ໄດ້ປະຕິບັດຕາມຮອດມາດຕະຖານຕໍ່າສຸດໃນການ
ປະຕິຮູບທີ່ປະຊາຊົນຂອງຕົນໄດ້ຮຽກຮ້ອງເອົານັ້ນ.
ໂຄສົກຂອງທຳນຽບຂາວທ່ານ Robert Gibbs ກ່າວໃນ
ມື້ວານນີ້ວ່າສະຫະລັດກຳລັງລໍຖ້າການເຄື່ອນໄຫວທີ່ແທ້ຈິງ
ໜັກແໜ້ນໄປສູ່ການໂອນອຳນາດຢ່າງວ່ອງໄວ. ທ່ານ Gibbs ເວົ້າວ່າ ຈຳນວນພວກປະ ທ້ວງຕໍ່ຕ້ານລັດຖະບານທີ່ເພີ່ມທະວີຂຶ້ນ ຢູ່ຕາມຖະໜົນຫົນທາງສາຍຕ່າງໆ ໃນນະຄອນ
ຫຼວງໄຄໂຣນັ້ນບໍ່ແມ່ນເລື່ອງທີ່ປະຫຼາດຫຍັງເລີຍເມື່ອເວົ້າເຖິງການບໍ່ເອົາບາດກ້າວຕ່າງໆ ເພື່ອສະໜອງຕອບຕໍ່ຄວາມວິຕົກກັງວົນຂອງພວກເຂົາເຈົ້າ.
ໃນການໃຫ້ສຳພາດແກ່ອົງການອອກອາກາດ PBS ຂອງສະຫະລັດນັ້ນລັດຖະມົນຕີການ
ຕ່າງປະເທດອີຈິບ ທ່ານ Ahmed Aboul Gheit ໄດ້ປະນາມຢ່າງແຮງ ຕໍ່ການໃຫ້ຄວາມ
ເຫັນເມື່ອໄວໆມານີ້ຂອງເຈົ້າໜ້າທີ່ລັດຖະບານທ່ານໂອບາມາ ກ່ຽວກັບສະຖານະການໃນ
ອີຈິບ.
ທ່ານ Aboul Gheit ກ່າວວ່າ ທ່ານມີຄວາມປະຫຼາດໃຈຫຼາຍ ທີ່ຮອງປະທານາທິບໍດີສະ
ຫະລັດທ່ານ Joe Biden ໄດ້ຮຽກຮ້ອງໃຫ້ມີການຍົກເລີກໃນທັທີກົດໝາຍພາວະສຸກເສີນ
ທີ່ໄດ້ມີການນຳໃຊ້ມາແຕ່ປີ 1981 ຊຶ່ງອະນຸຍາດໃຫ້ມີການຈັບກຸມຄຸມຂັງໂດຍບໍ່ຕ້ອງມີການ
ຕັ້ງຂໍ້ຫານັ້ນ. ທ່ານກ່າວວ່າ ເວລານີ້ອີຈິບມີພວກນັກໂທດ 17,000 ຄົນ ພາກັນອອກມາຢູ່ ຕາມຖະໜົນຫົນທາງຍ້ອນຄຸກຖືກທຳລາຍ ແລະທ່ານໄດ້ຂໍເວລາເພື່ອໃຫ້ອີຈິບກັບຄືນເຂົ້າສູ່
ການມີສະຖຽນລະພາບ.
