ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ຊາວອາເມຣິກັນ ມີວຽກເຮັດ ເພີ່ມຂຶ້ນ ໃນເດືອນແລ້ວ


ຊາວອາເມຣິກັນ ທີ່ເຂົ້າແຖວຊອກຫາວຽກການເຮັດ ຢູ່ນະຄອນ San Jose ລັດ California
ຊາວອາເມຣິກັນ ທີ່ເຂົ້າແຖວຊອກຫາວຽກການເຮັດ ຢູ່ນະຄອນ San Jose ລັດ California

ທຸລະກິ​ດການ​ຄ້າ​ໃນສະຫະລັດໄດ້​ຊຸກ​ຍູ້ໃຫ້​ມີ​ການ​ວຽກ​ມີ​ການ​ເຮັດ​ຫຼາຍກວ່າ​ທີ່​ໄດ້​ທຳນາຍ​ໄວ້
ໃນ​ເດືອນ​ກຸມພາ​ຜ່ານມາ ຂະນະ​ທີ່​ຈໍານວນ​ຄົນ​ຫວ່າງ​ງານ​ ຍັງສືບຕໍ່​ບໍ່​ມີ​ການ​ປ່ຽນ​ແປງ ​ຈາກ​
8.3% ​ໃນ​ເດືອນມັງກອນ​ປີນີ້.

ໃນ​ລາຍ​ງານ​ປະຈຳ​ເດືອນ ​ທີ່​ມີ​ການ​ຈັບ​ຕາ​ເບິ່ງ​ຢ່າງ​ໃກ້​ຊິດ​ນັ້ນ ກະ​ຊວງ​ແຮງ​ງານ​ຂອງ​ສະຫະ
ລັດ ​ກ່າວໃນ​ວັນ​ສຸກວານ​ນີ້ວ່າ ບັນດາ​ນາຍ​ຈ້າງ ໄດ້​ຈ້າງພະນັກງານ​ໃໝ່​ 227,000 ​ຄົນ​ໃນ​
ເດືອນ​ແລ້ວ​. ​ຍິ່ງ​ໄປ​ກວ່າ​ນັ້ນ ລາຍ​ງານ​ຍັງ​ໄດ້ດັດ​ແປງໃໝ່ ​ຈຳນວ​ນຜູ້​ຄົນ​ທີ່​ຖືກ​ຈ້າງ​ໃນ​ເດືອນ
ມັງກອນ​ເພີ່ມ​ຂຶ້ນ​ເປັນ​ 284,00​0 ຄົນ.

ບໍ່​ເທົ່າ​ໃດ​ຊົ່ວ​ໂມງ​ຕໍ່​ມາ ປະທານາທິບໍດີສະຫະລັດທ່ານບາຣັກ ​ໂອ​ບາ​ມາ​ໄດ້​ກ່າວ​ວ່າ ​ເສດຖະ
ກິດ​ຂອງອາ​ເມ​ລິ​ກາກໍາລັງ​ແຂງ​ແຮງ​ຂື້ນ​ ແລະທ່ານ​ມອງ​ເຫັນວ່າ​ໂອ​ກາດ​ຍັງຈະ​ດີ​ຂື້ນ​ຕໍ່ໄປ​ອີກ.
ທ່ານ​ໄດ້​ຕົບມື​ຊົມ​ເຊີຍ ບັນດາພະນັກ​ງານ​ຂອງ​ໂຮງງານ​ເຮັດ​ເຄື່ອງ​ອາ​ໄຫຼ່ຈັກ​ເຮືອບິນ​ແຫ່ງ​ນຶ່ງ​
ທີ່ທ່ານ​ໄປ​ຢ້ຽມ​ໃນ​ລັດ​ເວີ​ຈີ​ເນຍ.

ມາ​ຈົນ​ຮອດ​ເດືອນ​ກຸມພາອັດຕາ​ຄົນ​ຫວ່າງ​ງານ​ໃນ​ສະຫະລັດ​ໄດ້​ຫຼຸດລົງ​ເປັນເວລາ 5 ​ເດືອນ
ລຽນຕິດ ຊຶ່ງ​ເປັນ​ຮ່ອງຮອຍ​ທີ່​ສະ​ແດງ​ໃຫ້​ເຫັນ​ວ່າ​ສະຫະລັດ​ຊຶ່ງ ​ເປັນ​ປະ​ເທດ​ທີ່​ມີ​ເສດຖະກິດ
ໃຫຍ່​ທີ່​ສຸດ​ໃນ​ໂລກ​ນັ້ນກຳລັງ​ຟື້ນ​ໂຕ​ຄືນແບບ​ສະໝໍ່າສະ​ເໝີ​ຈາກ​ສະພາບ​ເສດຖະກິດ​ຫຼຸດຖອຍ
ຮ້າຍ​ແຮງ​ສຸດ ນັບ​ແຕ່​ໄດ້​ເກີດ​ສະພາບ​ເສດຖະກິດ​ຕົກ​ຕໍ່າ​ຄັ້ງ​ໃຫຍ່​ຂອງ​ໂລກ​ໃນ​ຊຸມ​ປີ 1930.

ຂະນະ​ທີ່​ການ​ວ່າ​ຈ້າງ​ເພີ່ມ​ຂຶ້ນ​ໃນ​ໄລຍະ​ສອງ​ສາມ​ເດືອນ​ຜ່ານມານີ້ລັດຖະບານເວົ້າວ່າມີ​ພວກ
ຄົນ​ຫວ່າງ​ງານ​ໃນ​ອັດຕາ​ເພີ່ມ​ຂຶ້ນ ພາກັນ​ຊອກ​ຫາ​ວຽກ​ການ​ເຮັດຄືນ​ອີກ​ໃນ​ເດືອນ​ກຸມພາ​ຊຶ່ງ
ພາ​ໃຫ້​ອັດຕາ​ຄົນ​ຫວ່າງ​ງານ​ໃນ​ເດືອນ​ແລ້ວນີ້ບໍ່​ມີການ​ປ່ຽນ​ແປງ.

XS
SM
MD
LG