ເບິ່ງວີດີໂອລາຍງານເປັນພາສາລາວ:
ຄໍາຕອບຕ່າງໆຂອງອະດີດປະທານາທິບໍດີຄລິນຕັນ ຕໍ່ສະພາວະເສດຖະກິດທີ່ກໍາລັງລົ້ມລຸກ
ຄຸກຄານຢູ່ໃນເວລານີ້ ກໍຄືປື້ມ Back to Work ຂອງທ່ານ ແມ່ນມີວາງຂາຍຢູ່ໃນຮ້ານຂາຍ
ປື້ມ ໃນນະຄອນຫລວງວໍຊິງຕັນດີຊີ.
ລູກຄ້າມາຊີ້ປຶ້ມ ນາຍ Ron Collins ສັງກັດພັກເດໂມແຄຣທ ທີ່ຜິດຫວັງໃນໂຕປະທານາ
ທິບໍດີ ບາຣັກ ໂອບາມາ ເອີ້ນທ່ານຄລິນຕັນວ່າເປັນລົມຫາຍໃຈຂອງອາກາດສົດບໍລິສຸດ
ແລະກ່າວວ່າ:
“ທ່ານຄລິນຕັນເຮັດຖືກຕ້ອງ ຄືທ່ານໄດ້ນໍາພາເສດຖະກິດໃຫ້ຈະເຣີນຮຸ່ງເຮືອງ.
ຍ້ອນເຫດຜົນນັ້ນ ແລະໂດຍສະເພາະໃນຊ່ວງເວລາແບບນີ້ ແນ່ນອນແມ່ນພວກ
ເຮົາຈະສົນໃຈອ່ານປື້ມເຫລ້ມນີ້ ຂອງບິລ ຄລິນຕັນ.”
ປື້ມ Back to Work ຂອງທ່ານ
ຄລິນຕັນ ສ່ວນໃຫຍ່ແມ່ນສົ່ງເສີມ
ນະໂຍບາຍຕ່າງໆທີ່ສອດຄ່ອງ
ກັບຂອງປະທານາທິບໍດີໂອບາ
ມາ ເຊັ່ນການໃຊ້ຈ່າຍເງິນຫລວງ
ເພື່ອຊຸກຍູ້ເສດຖະກິດແລະການ
ລົງທຶນໃສ່ເທັກໂນໂລຈີ່ສີຂຽວທີ່
ຮັກສາສິ່ງແວດລ້ອມນັ້ນ.
ແຕ່ທ່ານຄລິນຕັນໂຍນຄວາມຜິດ
ໃຫ້ປະທານາທິບໍດີໂອບາມາ
ແລະສະມາຊິກພັກເດໂມແຄຣທ
ຄົນອື່ນໆ ທີ່ບໍ່ສາມາດຮ່າງສານ
ທີ່ເປັນແກນກາງມີເນື້ອໃນອັນ
ດຽວກັນ ເພື່ອຕ້ານຢັນຈຸດຢືນ
ຂອງພັກຣີພັບບລິກັນ ທີ່ສະໜັບສະໜູນລະບົບພາສີຕໍ່າແລະລັດຖະບານທີ່ມີຂະໜາດ
ນ້ອຍລົງນັ້ນ.
ທ່ານ Matt Dallek ຄູສອນປະວັດສາດແລະການເມືອງທີ່ສູນກາງວໍຊິງຕັນ ຂອງມະຫາ
ວິທະຍາໄລລັດແຄລິຟໍເນຍ ຫລື University of California Washington Center
ກ່າວວ່າ:
“ໃນປື້ນເຫລ້ມນີ້ ທ່ານບິລ ຄລິນຕັນ ໄດ້ສະແດງຄວາມທໍ້ແທ້ໃຈ ທີ່ພວກເດໂມ
ແຄຣດຫລາຍໆຄົນຮູ້ສຶກກັນ ຄືພວກເຂົາເຈົ້າເຊື່ອວ່າທໍານຽບຂາວຊຸດ ນີ້ບໍ່ໄດ້
ເຜີຍແຜ່ສານທາງດ້ານເສດຖະກິດ ໄປໃຫ້ທົ່ວເຖິງປະເທດຊາດໄດ້ດີເທົ່າທີ່
ຄວນ. ພວກເຂົາເຈົ້າຫງຸດຫງິດໃຈ ທີ່ພັກຣີພັບບລິກັນນັ້ນກໍາລັງຟື້ນໂຕຄືນມາ
ແລະພັກນໍ້າຊາ ຫລື ທີ ພາຕີ້ ກໍໄດ້ມີສຽງທີ່ມີພະລັງອໍານາດທີ່ ສຸດ ໃນການອະ
ພິປາຍຖົກຖຽງກັນຂອງພວກເຮົາກ່ຽວກັບເສດຖະກິດນັ້ນ.”
ປື້ມຂອງທ່ານ ບິລ ຄຣິນຕັນ ກ່າວວ່າ ການຜິດຖຽງກັນດ້ານການເມືອງກ່ຽວກັບການຍົກ
ລະດັບເພດານໜີ້ສິນຂຶ້ນນັ້ນ ໄດ້ເຮັດໃຫ້ພາບພົດຂອງປະເທດຊາດ ເບິ່ງຄືວ່າອ່ອນແອແລະ
ສັບສົນ. ແຕ່ບັດນີ້ທ່ານກ່າວວ່າ ທ່ານຜິດທີ່ຄິດວ່າ ທ່ານໂອບາມາຈະສາມາດຜັກດັນເລຶ່ອງນີ້
ໃຫ້ລຸລ່ວງໄປໄວຂຶ້ນ.
ທາງທໍານຽບຂາວເອງກໍໄດ້ຖືເບົາ ຄໍາສະເໜີແນະຕ່າງໆທີ່ວ່າ ມີຄວາມເຄັ່ງຕຶງນັ້ນ. ທ່ານ
Jay Carney ໂຄສົກທໍານຽບຂ່າວ ກ່າວວ່າ:
“ຂ້າພະເຈົ້າຢາກຈະເວົ້າວ່າ ປື້ມຫົວນີ້ມີປະໂຫຍດຫລາຍ ແລະມັນໄດ້ເນ້ນຢໍ້າ
ບາດກ້າວໃນທາງບວກຕ່າງໆທີ່ທ່ານໂອບາມາໄດ້ປະຕິບັດມາ.”
ແລະຂະນະທີ່ເວລາເລືອກຕັ້ງປະທານາທິບໍດີຍັງເຫລືອອີກພຽງນຶ່ງປີນັ້ນທັດສະນະຂອງທ່ານ
ຄລິນຕັນ ທີ່ໄດ້ພົ້ນຈາກຕໍາແໜ່ງປະທານາທິບໍດີໄປ ເມື່ອສິບປີກ່ອນ ພ້ອມກັບມີເງິນເຫລືອ
ງົບປະມານແລະອັດຕາການຫວ່າງງານຕໍ່າກວ່າສີ່ເປີເຊັນເຄິ່ງນັ້ນ ກໍອາດຈະນໍາເອົາເຊື້ອໄຟ
ໃໝ່ໆ ມາສູ່ການອະພິປາຍກັນເລຶ່ອງເສດຖະກິດຂອງຊາດກໍໄດ້.
ເບິ່ງວິດີໂອລາຍງານຂ່າວເລື້ອງນີ້ເປັນພາສາອັງກິດ
