ຕະຫລາດຮຸ້ນສະຫະຣັດ ຖີີບຕົວສູງຂື້ນ ໃນວັນສຸກວານນີ້ຫລັງຈາກພວກນັກຊ່ຽວຊານ
ຂອງລັດຖະບານໄດ້ລາຍງານການເຕີບໂຕຢ່າງເຂັ້ມແຂງຂອງວຽກງານ ແລະອັດຕາການ
ຫວ່າງງານຫລຸດລົງ.
ກະຊວງແຮງງານຂອງສະຫະລັດໄດ້ກ່າວວ່າ ເສດຖະກິດໄດ້ຂະຫຍາຍຕົວເຮັດໃຫ້ມີວຽກ
ງານເພີ້ມຂື້ນເຖິງ 243,000 ໜ້າວຽກໃນຂະນະດຽວກັນອັດຕາຄົນຫວ່າງງານຫລຸດລົງ
ເຖິງ .2% ເປັນ 8.3 ເປີເຊັນ. ມັນເປັນເດືອນທີ່ຫ້າຕິດຕໍ່ກັນມາທີ່ການຫວ່າງງານໄດ້ຫລຸດ
ລົງ ແລະແມ່ນການເຕີບໂຕທີ່ເຂັ້ມແຂງສຸດໃນການເພີ່ມຂຶ້ນຂອງວຽກງານນັບຕັ້ງແຕ່ເດືອນ
ເມສາປີກາຍນີ້.
ຮຸ້ນ DowJones ໄດ້ຖີບໂຕຂຶ້ນສູ່ລະດັບສູງສຸດນັບແຕ່ປີ 2008 ເປັນຕົ້ນມາແລະລາຄານໍ້າ
ມັນໄດ້ສູງຂື້ນຍ້ອນມີການຄາດຄະເນວ່າການເຕີບໂຕຂອງເສດຖະກິດຈະເຮັດໃຫ້ມີຄວາມ
ຕ້ອງການດ້ານພະລັງງານ ຫຼາຍຂຶ້ນ ແລະຈະມີລາຄາແພງຂື້ນ.
ອັດຕາການຫວ່າງງານສູງເຮັດໃຫ້ເສດຖະກິດເປັນບັນຫາສຳຄັນສຸດໃນປີທີ່ມີການແຂ່ງຂັນ
ເລືອກຕັ້ງປະທານາທິບໍດີ. ປະທານາທິບໍດີສະຫະລັດ ທ່ານບາຣັກ ໂອບາມາ ກ່າວວ່າເສດ
ຖະກິດກໍາລັງແຂງແຮງຂື້ນ ແຕ່ວ່າຍັງມີປະຊາຊົນອາເມຣິກັນຈຳນວນຫຼວງຫຼາຍທີ່ຍັງຫວ່າງ
ງານຢູ່ ທ່ານໄດ້ຮຽກຮ້ອງໃຫ້ລັດຖະສະພາສະຫະລັດຈົ່ງເອົາມາດຕະການເພື່ອສືບຕໍ່ການ
ຫລຸດພາສີເງິນເດືອນ ຊຶ່ງທ່ານກ່າວຕື່ມອີກວ່າມັນຈະຊ່ວຍຊຸກຍູ້ໃຫ້ມີວຽກງານເພີ້ມສູງ
ຂື້ນອີກ.
ແຕ່ວ່າ ທ່ານມິດ ຣອມນີ ຈາກພັກຣີພັບບລິກັນ ກ່າວວ່າການຟື້ນໂຕຂອງເສດຖະກິດນັ້ນ
ລ້າຊ້າກ່ວາປົກກະຕິ ແລະກ່າວອີກວ່າ ນະໂຍບາຍຂອງທ່ານໂອບາມາ ໄດ້ຖ່ວງດຶງຄວມ
ກ້າວໜ້າ. ທ່ານຣອມນີ ແມ່ນຜູ້ສະມັກເປັນປະທານາທິບໍດີ ທີ່ມີຄະແນນສຽງນໍາໜ້າຂອງ
ພັກຣີພັບບລີກັນ ທີ່ພວມແຂ່ງຂັນເພື່ອໃຫ້ໄດ້ຮັບການແຕ່ງຕັ້ງເປັນຜູ້ຕາງ ໜ້າຂອງພັກ
ເພື່ອແຂ່ງກັບທ່ານໂອບາມາ ໃນເດືອນພະຈິກຈະມາເຖິງນີ້.
