ຊາວອາເມຣິກັນຫຼາຍລ້ານຄົນໃນເຂດແຄມຝັ່ງທະເລທາງກ້ຳຕາ
ເວັນອອກຂອງສະຫະລັດຈະໃຊ້ເວລາໃນອັນອາທິດມື້ນີ້ ຊ້ວນຫິ
ມະອອກຈາກ ທາງຂັບລົດເຂົ້າເຮືອນ ແລະຢູ່ຕາມທາງຍ່າງໜ້າ
ບ້ານ ຫລັງຈາກລົມພາຍຸຫິມະທີ່ໃຫຍ່ທີ່ສຸດຫົວ ນຶ່ງເປັນປະຫວັດ
ການພັດເຂົ້າຖະຫລົ່ມ.
ຫິມະ ໄດ້ເຊົາຕົກໃນຄືນແລ້ວນີ້ ໃນນະຄອນຫຼວງວໍຊິງຕັນແລະ
ເຂດອ້ອມແອ້ມ ຊຶ່ງຢູ່ໃນຫລາຍໆຈຸດໃກ້ກັບນະຄອນຫຼວງຂອງ
ສະຫະລັດ ແມ່ນມີຫິມະຕົກຫລາຍ ກວ່າ 60 ຊັງຕີແມັດ. ເນື່ອງ
ຈາກລົມພາຍຸຫົວນີ້ທາງເຈົ້າໜ້າທີ່ຈຶ່ງໄດ້ພາກັນອັດຖະໜົນຫົນ
ທາງ ຮວມທັງທາງຫຼວງສາຍສຳຄັນໆ ຕະຫລອດທັງລະບົບລົດ
ໄຟ ໃຕ້ດິນແລະສະໜາມບິນແຫ່ງຕ່າງໆ.
ຢູ່ທາງເໜືອຂຶ້ນໄປນັ້ນອົງການພະຍາກອນອາກາດແຫ່ງຊາດຂອງສະຫະລັດກ່າວວ່າເຂດ
ສວນສາທາລະນະ Central Park ຢູ່ນະຄອນນິວຢອກມີຫິມະຕົກຫຼາຍເປັນປະຫວັດການ
ຄືບໍ່ຫລຸດ 64 ຊັງຕີແມັດ.
ຜູ້ປົກຄອງລັດນິວຢອກ ທ່ານ Andrew Cuomo ໄດ້ອອກຄຳສັ່ງຫ້າມບໍ່ໃຫ້ສັນຈອນໄປມາ
ໃນວັນເສົາວານນີ້ສຳລັບປະຊາຊົນ 8 ລ້ານ 4 ແສນຄົນໃນນະຄອນດັ່ງກ່າວແລະເຂດຊານ
ເມືອງ ເຈົ້າຄອງນະຄອນນິວຢອກທ່ານ Bill de Blasio ກ່າວວ່າຕຳຫຼວດຈະປະຕິບັດຕາມ
ຄຳສັ່ງຫ້າມຂອງຜູ້ປົກຄອງລັດ. ການຂົນສົ່ງສາທາລະນະທຸກໆປະເພດໄດ້ຢຸດບໍລິການຕະ
ຫຼອດທັງ Broadway ກໍໄດ້ຍົກເລີກການສະແດງ ຫໍພິພິດທະພັນ ແລະຫ້າງຮ້ານຕ່າງໆ ກໍ
ໄດ້ພາກັນອັດກິດຈະການ.
ພາຍຸຫິມະໃຫຍ່ 2016
ມີປະຊາຊົນຫຼາຍເຖິງ 85 ລ້ານຄົນຢູ່ໃນເສັ້ນທາງຂອງລົມພາຍຸຫິມະຫົວນີ້ແລະຫຼາຍລ້ານ
ຄົນບໍ່ມີໄຟຟ້າໃຊ້ ໃນຂະນະທີ່ອີກຫຼາຍພັນຄົນ ຕົກຄ້າງຢູ່ຕາມສະຖານທີ່ຕ່າງໆ ຫຼັງຈາກ
ລົມພາຍຸ ໄດ້ເຮັດໃຫ້ການສັນຈອນໄປມາທາງລົດ ທາງລົດໄຟ ແລະທາງເຮືອບິນໃນເຂດ
ແຄມຝັ່ງທະເລກ້ຳຕາເວັນອອກຂອງສະຫະລັດເປັນອຳມະພາດ.
